Piah jhul patagok dom bruk sangka, ba kein lagaih ka urang đoàn, urang ngak dalam tuk Tết Nguyên đán thun 2023 Tổng Liên đoàn Lao động meda peih Danak dak “darak Tết Công đoàn thun 2023”. Dalam nan meda peih meng 15 - 25 danak dak, brei peih dahlau abih di dom labik hu rilo urang đoàn, urang ngak, labik daok gaok rilo kan kandah, bhum trung du, bhum ceik, bhum tapen negar… dom gian hàng pabak dom pandap panda, dịch vụ pandar yaok harei ngan haong tanut yaom biak lap, khik tani tanat chất lượng saong labik pablei pandap 0 đồng. Langiu di nan, daok hu dom bruk ngak yau ye lang yah gah adat hukum, tacei jalan gah prein yava, brei jru  ka urang đoàn, urang ngak.

Adit pandap Đồng Tháp hu peih tabiak meng harei 17/11 tal harei 20/11 anak tal di TPHCM. Kadha praong njauk ndom tal di adit pandap lac labik parang iek, yaih khan pandap karei di Đồng Tháp, lac: dom janih pandap ngak kong palei pala, pandap OCOP, pandap siam, hacih saong dom pandap hu prein pablei dalam taneh ia, pablei tapa negar langiu, ngak iek saong mbang iek dom pandap hu ngak meng ikan, craih, pa-ok, tapung Sa Đéc ... Dalam adit pandap ini, daok hu nyaom biai pambuak bruk pablei pandap di doanh nghiệp Đồng Tháp haong dom labik pablei salih praong di TPHCM.

Ủy ban Trung ương Mặt trận negar Việt Nam huyện Xuân Lộc, tỉnh Đồng Nai pambuak haong Kapul dom doanh nghiệp Hàn Quốc di Đồng Nai bahrau jao alin sang anit ranam ka sang ong Saroles, bangsa Cam daok di puk 4, xã Xuân Hưng. Baoh sang bahrau hu padang ngak biak makre, siam, ngan haong yaom jien abih tih lac labaih 180 triệu đồng. Dalam tuk taduan sang bahrau, sang ong Saroles daok hu kapul tài trợ, UBMT negar tỉnh Đồng Nai, karja pak ini alin brei rilo pandap panda hu yaom tal yaok piluh triệu đồng.

Labik mekre Hòn Cau di xã Phước Thể, huyện Tuy Phong bahrau hu tỉnh Bình Thuận dak tame angan inem krung pakat tỉnh. Bruk dak angan inem krung pakat tỉnh ngan saong labik mekre Hòn Cau piah hu jalan adat dalam bruk khik iek, ramik caga saong patagok yaom glaong suai lavik. Dahlau di nan, UBND tỉnh Bình Thuận jeng hu harak brei padang labik khik ramik tasik Hòn Cau praong abih tih 12.500 ha; patabiak sarak khik ramik dom bruk ngak dalam labik ini. Gam haong nan, brei ngak danak dak patagok du lịch sinh thái khang kajap hu mbaok di bhap bini labik khik ramik tasik Hòn Cau.

Mbang ia ndik tagok glaong abih di dalam bilan 9  saka ia bilan bahrau blaoh  di Cần Thơ ngak ka rilo jalan di dalam ban ia dauk trak. Hadei di tuk ia trun jeng ngak ka labaih 20 jalan mbaih mbaoh, dom lubang dalam mbuan rahtabiak bala jalan mbak. Piah khik tani tanat salamat ka bhap bini, mban salamat jalan mbak di ban Cần Thơ daok pambuak haong dom po buh jien tame, dom kapul khik ramik jalan samar drah ngak pasiam veik dom labik jalan khut hadei di mbang ia tagok meng blaoh.

Mintri Ngoại giao Mỹ ndom lac Mỹ daok ngak dom bruk piah tapa nan ngak ka Triều Tiên takik taom gaok hu jien padai saong hậu cần brei ka danak dak tên lửa đạn đạo saong phao ndao praong khang di taneh ia ini. Tui Mintri Ngoại giao Mỹ, danak dak tên lửa đạn đạo haong phao ndao praong khang di Triều Tiên nyu suan haong sarak di Hội đồng bảo an Liên hợp quốc saong ngak jhak tal sron mbon dalam bhum. Mỹ jeng ieu taong abih dom taneh ia ngak njauk tui dom sarak di Hội đồng bảo an pambuak tal Triều Tiên piah pacang taneh ia ini hu công nghệ saong jien padai piah khik danak dak phao ndao suan hukum.

Kapul pasang iek đặc biệt Hàn Quốc hu pasang iek jabat cảnh sát negar Hàn Quốc saong labaih 50 jabat karei dalam bruk pasang iek bala juak gauk di khu phố Itaewon harei 29/10 ngak ka labaih 150 urang metai. Dom urang pasang iek jeng hu cap khik phone par tangin di akaok cảnh sát Yongsan piah ngak cambaih makna halei bo ong oh nao tal labik rahtabiak bala samu saong pathau khan bruk ini suai damuai. Ong Lee njauk brei padeih ngak bruk di harei 2/11 meng blaoh.

Rija Natitas, daok hu ieu lac “Harei di dom baoh đầu lâu” lac rija lavik saman abih di Bolivia, rah tabiak di harei 8/11 yaok thun. Di harei ini, bhap bini ba hộp sọ di urang metai tal nhà thờ dalam nghĩa trang, piah likau suan yava di urang metai brei ka urang hu prein yava, patuah jamo, hu drap ar. Tui ilamu di urang Bolivia, anek menuac hu 7 suan yava. Menuac yaom lac metai bloh min suan yava jeng daok veik dalam talang talaih saong hộp sọ. Urang jia lac, meyah khik ramik hộp sọ tani tanat, suan yava urang metai meda hu ginup prein khang piah pambuak pagam saong khik caga urang/.

Urang lang: Thu Thảo & M. Phương