Dalam 2 harei 6 saong 7 /12, Vụ Công tác bangsa di bhum palei, UB Bangsa di Rajaei pambuak saong Mban Bangsa tỉnh Trà Vinh peih pakak Nyaom biai pasram bruk pathau khan, brei thau, jak ba Bhap bini bhum urang bangsa takik saong bhum ceik, bhum taphia negar hu mbaok di 100 Urang hu angan je dalam bhum urang bangsa takik, urang halau janeng…Dom urang hu mbaok dalam nyaom biai hu pang 3 kadha: Jalan tacei ba di Đảng saong Karja ka ka bruk bangsa, sarak bangsa, khan tapa ka danak dak pataom iek taong abih  Danak dak pakat negar; dom ilamu ngak bruk saong jalan pathau khan jak ba bhap bini bangsa takik saong bhum ceik.

Dah page ini (7/12), Tổng Liên đoàn Lao động Việt Nam pambuak haong kapul dam dara pakat negar ba tabiak danak dak “ba gauk ngak jeng Tết”, alin hadiah 8.000 paok pandap Tết ka urang ngak di dalam taneh ia, hu peih tabiak meng harei 7/1 tal harei 15/1/2023. Tui nan, 8.000 paok pandap Tết yaom 5,6 tỷ đồng hu brei ka urang ngak di 11 tinh, ban dalam taneh ia, yaok pok yaom 700.000 đồng. Thun ini, Tổng Liên đoàn Lao động Việt Nam daok hu ba tabiak paok daong labaih 500 tỉ đồng ka labaih 1 triệu đoàn viên, urang ngak gaok kan kandah.

UB bhap bini huyện Long Thành, tỉnh Đồng Nai birau mbaoh tangin tame harak brei peih bruk brei daong jien pah sang daok tạm ka jaik 1.500 baoh sang njuak panduan nao labik karei piah mek taneh padang ngak mblang kapal haok Long Thành. Tui nan, baoh sang oh ka tal 5 urang  hu daong 20 trieu đồng, baoh sang hu rilo jang 5 urang ye hu pabak brei  2,5 trieu dong sa urang. Tal urak ini, UB bhap bini huyện Long Thành hu mbaoh tangin tame harak brei ka jaik 1.500 baoh sang, dalam nan hu 1.380 baoh sang hu taduan jien daong, daok veik oh ka mai mek jien yaom lac urang jakra gah taneh riya hu khan brei thau blaoh. Kuhria abih jien buh tabiak daong apah sang daok tạm lac jaik 31 tỷ đồng.

Urak ini di Tiền Giang, yaom baoh durain Monthong jaik 100.000 đồng/kg, dom pajaih karei lac labaih 80.000 đồng/kg. Tui yaom ini, yaok ha bein durain paik tani tanat mek hu jaik 1 tỷ đồng sa thun. Meng di tuk hu pablei tui jalan chính ngạch tapa Trung quốc, jalan pablei tabiak baoh durain di Tiền Giang hu mbuan lagaih, yaom glaong. Kayua yau nan ye, rilo urang nong ba gauk pala janih phn ini. Gah ngak nong Tiền Giang kakei po bein oh cak rok patagok rilo phun durain, oh pala langiu bhum quy hoạch, min urak ini biak kan khik iek.

Meng thun 2022 tal thun 2025, tỉnh Ninh Thuận ba tabiak bruk kham metat pato bruk ngak labaih 8.164 urang ngak di palei ngak nong, dalam nan pataom tame pato pakai  piah paglong manuac hu tapa bac pasram hu bằng cấp, chứng chỉ; meda pato pasram 199 “ urang ngak Yam ndoc dom HTX ngak nong”,  pasram ka 7.965 urang ngak palei pala hu tame ngak di dom bhum ngak tabiak pandap tamo, urang ngak dalam bhum urang bangsa takik saong bhum ceik, baoh sang kathaot, baoh sang jaik kathaot, baoh sang birau tabiak truh sarak kan kathaot.

4 janih vaccine COVID-19 bahrau hu Trung Quốc brei adat pandar samar drah, dalam nan hu 3 janih vaccine protein tái tổ hợp saong sa janih vaccine xịt  idung. Yau nan, taneh ia ini urak ini hu 12 janih vaccine COVID-19 hu adat brei pandar. Dom harei tapa, rilo labik di Trung Quốc daok brei pacadu dom bruk pacang caga jit ruak, yau ye klak bruk dut iek gam gam ka rilo menuac, rahra oh cang ba tabiak harak dut iek mboh âm tính dalam 48 maong tuk nao tal labik hu rilo manuac. Tui Ủy ban Y tế Quốc gia, bruk klauk jru hu ginup di Trung Quốc hu 90% rahra.

Harei 6/12, mbang akok meti kuhria meng tuk mesruh metah dunya mbang ka 2, Nhật Bản brei dua kapal haok mesruh tal Philippines, sa bruk ngak brei mboh bruk kham merat patagok talei pambuak bruk di Gah bol lin pacang caga angaok lagik Nhật Bản saong  Gah bol lin angaok langik di Philippines. Tui nan, dua kapal haok mesruh metak F-15 hu mai tal Căn cứ không quân C- lắc (Clark) di kaoh pulao Lu-dông (Luzon), labik hu labiah 60 urang lin di Gah khik caga angaok lagik Nhật Bản hu mbaok tame pasram haong gauk gah phòng không tổng hợp rah tabiak tal harei 11/12.

Dom urang ilamo Australia khan lac hu duah mboh sa nghĩa địa cá mập meng kan gam haong rilo janih bahrau di bhum tasik gah Pai Australia, Dom urang roh duah hu duah mboh inem mek di janih  cá mập meng kan Megalodon, hu brei thau lac atah meng 15 - 18 m. Khau tin ka janih ikan ini jeng daok biak takik. Bruk duah mboh sa labik dar ikan praong di janih ikan ini meda daong ka dom urang ilamo pataom hu rilo khau tin saong pandap panda jang piah lang yah dom bruk daok kadauk di tasik praong saong abih di nyu nan lac di janih ikan Megalodon./.