Mbang nao rivang saong ngak bruk di tỉnh Điện Biên tuk pahadar 70 thun jayak Điện Biên Phủ, kapol urang ngak bruk di HĐ bhap bini TPHCM hu alin brei abih tih jien sahui  85 tỷ đồng di TPHCM daong tỉnh Điện Biên. Dalam nan, padang ngak alin ka Điện Biên danak dak Lưới điện palei pala huyen Điện Biên Đông (50 tỷ đồng), daong peih ngak dom bruk  di labik inem mek mbon E2 (35 tỷ đồng). Dahlau di nan, UB MTQ Việt Nam TP.HCM hu daong padang ngak 200 baoh sang anit ranam, abih 10 tỷ đồng. HĐ bhap bini TPHCM hu alin brei duk bilik mac ngan haong 70 baoh mac vi tinh ka Sang bac THCS xã Noong Hẹt, huyện Điện Biên, piah daong dom adei sit hu bac kong nghe so.

 Pandiak bhang, ia njaom mbak ngak kan kandah trak tal raidiuk rahra daok di palei pala dalam taneh ia, jeng yau bhum taneran kraong Cửu Long. Urak ini jeng daok hu 50.000 sang rahra di palei pala kurang ia pandar. Anak bruk nan, Mintri ngak nong saong patagok palei pala bahrau peih pok jien daong ka rahra daok di bhum taneran kraong Cửu Long pacang caga pandiak bhang, ia njaom mbak, lkurang ia pandar haong yaom jien abih tih meng kadung jien karja lac 1,7 triệu USD phun jien ODA daong brei oh bayar veik. 

Rik tame daong bhap bini hu ia pandar dalam bilan pandiak thu, dom D.N. ngak bruk gah pabak ia di tỉnh Bến Tre hu peih rilo labik brei ia taba tal dom labik njom ia mbak, bhum kan kandah. Tỉnh Bến Tre hu labaih 165 labik  brei ia pataom salabik ka bhap bini oh mek jien. Jamraih pabak ia taba tapa mac  RO di dom labik hu brei ka bhap bini labaih 1.400 met khoi ia;  pajeng ia memg sà lan hu labaih 8.100 met khoi ia. UB bhap bini tỉnh Bến Tre iew dom đơn vị  pakat karja ba tabika jalan brei pabak ia  suai lavik.

 Sa labik jalan bê tông atah labaih 30m di huyện Vĩnh Lợi, tỉnh Bạc Liêu glut jaleih trun kraong. Bruk nan ngak brei 5 candaih bê tông cốt thép mbaok jalan glut jaleih abih saong 2 candaih be tong mbaih khut. Langiu di nan, gah chức năng jeng mboh lac di labik glut jaleih, mala kraong Chắc Đốt njauk kuac dalam meng 2,5 - 5m, mbuan ba tal glut jaleih. Langiu di nan, daok hu rilo sang bhap bini labik nan daok mek gluh lam bingun. Urak ini, UBND huyện Vĩnh Lợi jeng hu padang Tổ điều tra ka 35 piah ngak brei cambaih laih makna ba tal bruk nan. 

Pasak Pasang iek ruak kik tỉnh Đồng Nai birau brei thau ka urang  metai camereip abih dalam tỉnh kayua ruak pandiak tabiak darah. Tui pasang iek, harei 5/4 urang ruak angan N.N.H (umo 15 thun, ban sit Vĩnh An, huyện Vĩnh Cửu) pandiak glong  saong taong ruak di sang. Mbiah tal harei 8/4, urang ruak tame iek ruak di Sang iek ruak Nhi Đồng 1 saong brei ba tame taong ruak duk iek mboh ruak pandiak tabiak darah Dengue. Harei 10/4, urang ruak oh daok thau drei jan, hu brei hlang darah saong taong ruak đặc biệt. Mbiah tal harei 15/4, urang ruak metai kayua ruak pandiak tabiak darah Dengue trak, sre darah rilo labik,  barah gan trak, tabiak darah jalan tung pruac. Tapa duk iek mboh duong tinh haong ruak pandiak tabiak darak Dengue.

Bruk catang tagok di Trung Đông daok hu jhul tagok glaong tuk Israel saong Iran gam gam ba tabiak dom panuac ndom khang pamaong tame gauk. Urak ini, gah Israel gam gam ndom lac bruk taong veik Iran lac bruk oh plaih hu. Daok gah Iran jeng daok ndom lac, taneh ia ini oh khin ngak brei bruk tagok catang jang, min oh huac saong daok caga taong veik taong abih dom bruk ngak bahrau halei di Israel haong dom taneh ia đồng minh pamaong tame Iran. 

Kadung Jien Dunya hu paglong bruk kuhria mboh dahlau bruk caong khin kinh te dunya thun ini min daok khik tamo bruk kuhria dahlau kinh te suai damuai dalam tukvak katut. Yau ye, patagok kinh te  dunya thun ini kuhria ,mboh meda 3,2%, tagok 0,1 tanut angaok saratuh dut saong bruk kuhria mboh ba tabiak di bilan 1 meng blaoh. Patagok kinh te thun 2025 meda lac 3,2%. Bruk lạm phát  kuhria  mboh trun meng 5.9% di thun  ini trun daok 4,5% di thun anak tal, meng hu laba glong di rilo taneh ia angaok dunya. Tui Kadung Jien ndo Dunya, kinh te dunya meda hu pasiam veik biak patuah./.