Hoi dong bhap bini TPHCM brei tapa sarak mek jien 0 đồng ngan haong 5 janih hồ sơ harak gal hành chính tuk ngak online, nan lac dom janih: Jien ngak harak hộ tịch, jien ngak harak brei adat urang negar langiu ngak ngak bruk di Viet Nam, jien ngak harak tut angan pablei salih, jien ngak harak chứng nhận quyền pandar taneh, quyền ngak po sang daok, drap ar pambuak haong taneh, jien ngak harak likau adat padang ngak. Sarak ini hu ba tame pandar meng harei 29/5/2024 tal harei 31/12/2025. Bruk ban raya oh mek jien tuk pandar jit vu kong online  piah ba mbuan lagaih  ka bhap bini saong doanh nghiep tuk ngak dom harak gal online.

Tui So pato magru ban Cần Thơ, mbang pakacah pilih ruah anek saih tame tal 10 THPT thun bac 2024-2025 anak tal meda hu labaih 5.000 anek saih oh tame tal 10 công lập. Dom anek saih oh tame tal 10 Sang bac THPT công lập, ye So meda daong palagaih ka dom anek saih tame dom sang bac THPT, sang bac pho thong hu rilo pakat bac (dalam nan hu pakat THPT) tư thục saong pasak pato magru thường xuyên, jang yau bac di dom sang bac trung cấp, cao đẳng.

Ban Buôn Ma Thuột, tỉnh Đắk Lắk birau tabiak mbaok Kalup kapol ilamu bhap bini bangsa Ê đê di mbuon AlêB, phường Ea Tam, thành phố Buôn Ma Thuột. Kalup kapol hu 35 urang, piah khik ramik saong patagok ilamo siam gheih di bangsa Ê đê. Tapa bruk ngak di Kalup kapol, hu pachreih ba bhap bini bangsa takik kham merat ba drei tame khik ramik dom ilamo siam gheih meng kan mai yau taong kong chieng, tamia xoang, daoh A ray, daoh tamia bhap bini saong dom ilamu bhap bini karei daok mbuan lahik.

Hajan khang dui atah dalam melam blaoh tal dah page ini ngak ka dom cuah bhong meng mangaok mbuan glaong tuh trun lam jalan, sang rahra di rilo labik pak phường Hàm Tiến, Mũi Né, ban Phan Thiết, tỉnh Bình Thuận. Urak ini, gah chuc nang daok ba menuac saong radaih kuac mek cuah tuh trun pacang jalan. Bruk cuah tuh trun hadei di dom mbang hajan khang mboh lac thun halei jeng rah tabiak pak ban Phan Thiết. Ini lac labik daok hu rilo danak dak padang ngak. Makna di bruk ini tui rahra brei thau lac kayua dom jalan tathuak ia dalam bhum ka oh tani tanat.

Dom harei tapa, di tỉnh Long An gam gam hu cakla klak, ngak brei 3 urang likei matai. Yau ye, dah page ini, ong T.Q.T daok nao mek kiuk ye caklak klak metai. Jneg dalam page ini, tuk mon 6, ong P.V.S. daok di xã Thạnh Trị, thị xã Kiến Tường tabiak hamu ye cakla klak metai. Dahlau di nan, harei 3/5, dalam mbang hajan akok bilan, sa urang likei daok di huyen Vĩnh Hưng nao mek kiuk  di hamu jeng njauk cakla klak metai.

Danak dak padang kadung jien brei ka bruk tranh cử thun 2024 di Tổng thống Mỹ Joe Biden mbang camriep tui kuhria meng kan mai lac bier jang ong Donald Trump. Bruk hu paok jien tame kadung jien tranh cử praong hu pabak prein khang ka ong Trump, urang bhian njauk ong Biden yam tapa dalam bruk padang kadung jien saong ong daok gaok kan kandah jien padai kayua dom paok jien ka luật sư saong dom paok biyar pháp lý tagok glaong meng dom bruk pathau gah hình sự saong dân sự.

Tui Mentri Y tế Malaysia, dalam adit  blaoh dom urang ruak COVID-19 tagok jaik 15%, lac tagok 1.230 urang. Yaom lac yau nan, min Akok mentri Y tế taneh ia ini brei thau lac Malay sia  oh gaok kan kandah meng bruk tagok rilo urang njom COVID-19 birau di Singapore. Mentri Y tế Malaysia kakei bhap bini brei khik hacih sa-at rup pabhap, takik taom gaok urang karei tuk mboh dalam rup oh kajap, brei cuk pataik pacang pabah meyah lac menuac mbuan njom ruak tuk nao tal labik hu rilo manuac atau mboh yau njauk ruak COVID-19.

Dalam 4 bilan akaok thun ini, glai nhiệt đới Amazon dalam bhum taneh di Brazil hu taneh glai khuah biak glaong kuhria dalam 25 thun tapa, lac labaih 12.000 km2 taneh glai njauk pui mbang abih, tanut glaong abih meng tuk dữ liệu hu pataom mek di thun 1999. Khuah glai pak Amazon rilo meng lac kayua bruk am cuh glai di anek manuac piah mek taneh ngak nong. Thun 2023, Rajaei di Tổng thống Lula da Silva trun hu maneh dom bruk palai pajoa glai Amazon meng thun camereip di nhiệm kỳ, hadei di tuk dom bruk palai pajoa glai tagok samar di zaman Tổng thống dahlau nan lac Jair Bolsonaro. Min, bruk khuah glai di negar ini jeng daok di tanut njauk báo động./.