Dang kaok mbang ginum biai di Thuong truc Rajaei haong Mat tran Negar Viet Nam, dom urang jakar, jabat ka bruk daong ngak brei oh daok baoh sang taik tahak ka urang kathaot, baoh sang jaik kathaot hu peih ngak di biar harei kabroi 1/10,  Thu tuong Pham Minh Chính tacei tabiak cambaic laic: gam haong bruk daong di Karja, njauk brei patagok khang kadang meng prein di drei, njuak brei kuhria dahlau ka drei eng, bruk daong di puk palei, but pajaih, dom kapol nyaom chính trị - xã hội tui jalan “ thei hu drap ar ye daong drap ar, thei hu prein ngak ye daong prein; thei hu takik ye brei takik, thei hu rilo ye daong rilo”, bhap bini brei daong ka gauk; dom mentri, dom gah, doanh nghiep, kapol nyaom manuac sia ba tangin tame daong dom bhum palei ngak brei oh daok sang taik tahak dalam negar.

So Pato megru TPHCM brei thau kadha pakacah, caong khin saong taong yaom prein bac tui pakat tame tal 10 di danak dak pho thong 2018. Dalam nan, kadha pakacah  tame tal bac 10 di danak dak birau meda pamong tal bruk pandar ilamo bac megru piah lang yah dom bruk rah tabiak, pamong tal bruk taong yaom prein bac da-a di anek saih. Mbang pakacah tame tal bac 10 di TPHCM hu klau mon Toán, Ngữ văn saong Ngoại ngữ, bhian hu peih ngak bilan 6. Thun 2024, TPHCM hu labaih 98.000 anek saih pakacah tame ta bac 10 di karja, dalam nan hu labaih 77.000 anek saih brei tame dom sang bac di karaj.

Kapol urang ngak nong tỉnh Bình Dương birau  peih bruk Meyaom urang ngak nong Bình Dương naih joi- Nyaom daral pablei salih, yaih khan pandap pandar kaya nong, pandap OCOP Bình Dương. Dalam dom thun tapa, bruk jak ba gauk pakacah “ Urang nong pala drak, ngak mbang pablei salih naih joi, jum pataom daong gauk ngak kaya meda saong trun kathaot khang kajap” hu jeng prein khang jhuk pasamar  cakrok patagok kinh te – xa hoi. Bruk nan hu trik daong paglong raidiuk bhap bini saong ngak brei prein khang pambak praong, pachreih yaok pluh boah sang urang nong hu mbaok tame.  Mbang ini, Yai thuong “Urang ngak nong Bình Dương naih joi” hu alin brei ka 11 urang naih gheih, dom urang ngak nong, pablei salih naih joi dalam tỉnh.

Bruk chien dich Dam dara halan hatian hè 2024 di Ban Cần Thơ thun ini peih ngak hu 1 danak dak praong, 4 bruk chien dich praong, ngan haong rilo bruk ngak hu makna kayua Mban tacei jalan Dam dara ban taong yaom lac ngak brei salih birau mbaok meta do thi gam palei pala. Taphia di nan, chien dich daok brei mboh bruk anit ranam gauk dalam tuk padang ngak birau 89 baoh sang  anit ranam; ngak birau 7,7 km jalan nao mai dalam  palei pala; chien dich  hu daong paglong prein ngak bruk ka 45.000 mbang dam dara uranaih saong bhap bini, brei pabak ilamo njauk hu piah yam tame raidiuk samar birau.

Bộ Chỉ huy Bộ đội Biên phòng tỉnh Kiên Giang birau jao brei Sang Đồng đội bol lin chuyen nghiep lac đại úy Danh Chành Tha, bangsa Khmer kan kandah ka sang daok, daok ngak bruk di Hải đội 2, di Bộ Chỉ huy BĐBP tỉnh Kiên Giang. Đại úy Danh Chành Tha hu diuk lac bangsa Khmer, ngak bruk di đơn vị atah sang 300km yau nan ye sa-ai ba diuk anek  daok haong amaik ame gah diuk. Ini jneg lac sa dalam dom bruk ngak hu makna pamong tal bruk Pahadar  80 thun Harei padang Bol lin bhap bini Viet Nam, 35 thun Harei Quoc phong taong abih bhap bini.