Bingun pahadar 50 thun Harei yasa taneh ia, Ban raya Ho Chi Minh kuhria cuh phao bingu di 30 labik dalam melam 30/4. Dahlau nan, Ban raya Ho Chi Minh jeng peih bruk cuh phao bingu glaong meng mon 21h40 di harei 19/4 saong harei 26/4 di Bein bingu Tapen kraong Sai Gon (Ban Thủ Đức). Danak dak harei pahadar, dieu binh, dieu hanh pahadar 50 thun Harei yasa taneh ia kuhria hu banah adaoh tamia dui atah 30 minit kayua Ban raya Ho Chi Minh padang ngak, parang iek ragu kadait, tamia phao. Dalam adat salam hala dok, kapul cuh phao brei cuh 21 mbang dai bac di ragu ragam Negar.

Nyaom roya Taco salut mbut di Wa Ho thun 2025, kayua kapol dong doi ban Cần Thơ peih ngak di puac adit tapa, hu 200 urang doi vien, uranaih  hu mbaok tame. Dalam nan, hu 60 kapol doi naih gheih hu taduan harak meyaom Taco salut mbut di Wa Ho pakat ban raya. Dom adei nan lac kareik camin hadah hadai dalam bruk jak ba “ Yaok ribau bruk siam”, “ Menyum ia hadar tal halau ia”, “ Bruk patak pataom sit”, daong ayut  kathaot yam tapa kan kandah, khik hacih alam moi truong, khik hacih sa-at sang bac, tal bac. Meng thun bac 2020 - 2021 mbiah tal ini, Ban Can Tho hu meyaom jaik 12.000 mbang urang doi, uranaih mek hu angan Taco salut mbut di Wa Ho.

Bruk ngak cieu di Cà Hom urang Khmer di xa Hàm Tân, huyen Trà Cú, tinh Tra Vinh bahrau hu ba tame harak angan Drap ar ilamo oh mboh di meta pakat negar. Ini lac bruk ngak meng tangin bhap bini hu ngak meng kal dahlau mai pagam haong raidiuk di mikva bangsa Khmer. Urak ini Palei ngak bruk menyim cieu Cà Hom hu labaih 91 baoh sang menyim cieu meng tangin daok ngak bruk ini saong pato bruk ka rairah anek taco patui veik ngak bruk. Tal ini, tinh Tra Vinh hu 8 Drap ar ilamo oh mboh di meta pakat negar.

Mblang pambuk hareik di langiu pak palei Bình Đông, xã Thạnh Nhựt, huyện Gò Công Tây, tỉnh Tiền Giang lac labik pataom hareik pandar yaok harei di rilo bhum palei  dak harei dak glong jeng ceik, ngak nerak tachrauk mbau bruk. Bhap bini biak haduh hatai  kayua mbau bruk nerak ngak kan diuk rai. Tien Giang  daok ngak salah harak gal ho so piah pok tagok Trung uong taduan brei angan  palei pala birau, yau nan min bruk daok kandong haraok nan ngak njak mbaok meta do thi saong ngak jhak tal ama lam moi truong labik daok di bhap bini.  

Langik pandiak dui atah daok ngak ka rilo taneh phun pala di tinh Dak Lak gaok kan kandah. Akaok bilan 4, hu 1.060 hec-ta phun pala brei pacang pandiak bhang saong 430.000 hec-ta phun pala brei pruh ia. Tinh Dak Lak hu 620 danao padang ia ye rilo meng klac ia trun biar meng 10-15% dut haong tukvak ini dom thun dahlau, 22 danao padang ia thu kaoh. Piah patakik abih ka khat lahik, gah ngak nong tinh dak Lak pandar dom bhum palei samar drah hu dom jalan pacang caga bruk pandiak bhang thu lagu, kurang ia ka bruk pala drak, raong glang.

LHQ khan lac jaik 8 trieu urang di Gah meraong Sudan daok dang anak  bruk iek lipa biak trak damak. Rilo urang di bhum Đông Bắc biak sraw kadau di taneh ia ini gaok kan kandah  biak trak kayua kalin kan birau ini. Gah meraong Sudan nan lac sa dalam dom taneh ia kathaot abih di dunya saong daok cuang kandah kayua bruk sraw kadau kuhria meng tuk mek hu bebat doc lap thun 2011. Bruk taong paoh kalin kan  ba tal labaih 1 trieu 1 rituh urang nduac tapa  taneh ia jaik taphia.

Tui Jabat khik kajap bruk samu gauk dalam pahat padih Australia, labaih 1/3 dom janih ndap nda brei ka urang pasram pahat padhit hu pablei online di taneh ia ini hu janih daok dalam janih pakauk di Kapul pacang Doping dunya. Jabat ini hu peih bruk pasang iek 200 ndap nda hu pablei rilo piah daong ka urang pandar dahlau tuk pasram. Kuhria brei mboh hu 35% ndap nda hu janih pakauk, dalam nan hu 57% oh hu brei thau cambaih laih dom janih pakauk angaok kadung. Dom chuyen gia kakei dahlau kaurrang blei pandar brei caga tani tanat tuk ruah ndap nda mbang menyum, abih di nyu nan lac ndap nda blei tapa online.

Sa-ai Xiao Zhang, urang ngak gah kong nghe thong tin di tinh Ho Nam, Trung Quoc bhian pandik takoi. Sa-ai tame labik capat tui mukkei piah trun pandik. Dalam tuk capat urang ngak khang tangin,  Zhang mboh pandik takoi, hadei di nan pandik biak ralo. Page harei hadei, sa-ai huac mboh meteh rup gah iu bran khang, ndem gak gar. Sa-ai tame Sang iek ruak saong dut iek mboh ruak tagok darah glo akaok kayua bruk mbeik rak rup. Dahlau di nan thun 2024, sa radaoh kumei Thái Lan metai kayua pablait talang địa đệm takoi kayua mbeik takoi tuk capat rup pabhap./.