Mban jak ba urang halan hatian brei darah TPHCM birau peih bruk pahadar urang halan hatian brei darak rilo mbang hu raidiuk kan kandah. Tui ong Trần Trường Sơn, Akok Hội Chữ thập đỏ TPHCM, Phó akaok Thường trực Mban jak ba  urang halan hatain brei darah di TPHCM, meng thun 2014 mbiah tal ini, jaik taong abih darah di gilang kayua dom urang halan hatain brei. Meng nan, pabak hu bruk taong ruak ka urang di dom labik y te di Ban raya, jang yau bruk daong ka dom tỉnh gah Pei Negar. Tapa nan, Mban jak ba  urang halan hatain brei darah di TPHCM hu alin brei pandap thau dhar phol 264 urang halan hatian brei darah rilo mbang, hu raidiuk kan kandah. Kuhria tui jien abih tih labaih 300 trieu dong.

Hội Liên hiệp urang kumei tỉnh Bình Phước pambuak bruk haong Vien kong nghe thong tin, Hcc vien urang kamei Việt Nam peih bruk pato pasram paglaong ilamu pandar kong nghe thong tin ka 100 urang jakar, hoi vien, urang kamei bangsa takik dalam tinh.  Tapa tal pato pasram, dom urang bac hu paglaong ilamu gah kong nghe thong tin, thau pandar dom nen tang pablei salih  đien tu, mang xa hoi piah pablei salih dom pandap di tinh, padang kapul nyaom, ndom biai online piah urang kumei ba drei tame pambuak bruk, bac megru saong daong ba gauk. 

Tỉnh Sóc Trăng hu labaih 423.000 urang bangsa takik, meblah 35% bhap bini dalam tỉnh. Meng hu ramik caga ngak siam ye bruk pasang iek, duah thau khaw tin bruk ngak kinh te – xa hoi 35 bangsa thun 2024 mbiah tal ini ngak hu salah taong abih bruk ba tabiak. Meng khaw tin duah pataom hu  thun ini, gam haong bruk duah thau thun 2019, lac bruk hu makna biak praong piah ka tỉnh Sóc Trăng langyah, taong yaom bruk peih ngak dom danak dak di bhum urang bangsa  takik vaktu  2021 -2025 saong dak padang sarak brei buh jien tame cakrok kinh te - xa hoi vaktu 2026 - 2030  hu siam lagaih haong raidiuk.

Mikva urang Cam di An Giang urak ini daok khik bruk menyim khan bai meng kan, yaom lac bruk ini dak harei dak takik nao. Bilan 3/2023, bruk menyim khan bai di urang Cam daok di xa Châu Phong, ban sit Tân Châu hu pok brei angan lac inem krung ilamu oh mboh di mata pakat negar. Piah daong ba bruk menyim khan bai di urang Cam hu hadah hadai veik, brei hu bruk daong di karja saong dom gah chức năng dalam bruk padang sarak, jalan ngak, pato bruk ngak, duah labik pablei ka pandap, jhul tagok bruk ravang iek palei ngak, daong ka mikva hu jalan duah jien tame saong kak kajap haong bruk ngak, jhul khang bruk yaih khan, brei thau ka palei ngak. 

Urak ini, Bhum taneran kraong Cuu Long daok gaok kan kandah kayua ia ndik di bilan 8 ia bulan pomi. Yaom lac akok bilan ia ndik, min bruk talah ar pacang ribong rah tabiak di ralo labik. Di xã Vĩnh Bình, huyen Chợ Lách, tỉnh Bến Tre, ar pacang  atah 350 m glut jaleih trak, rilo labik ra-ai saong talah, labaih 15 ha taneh pala phun mbang baoh dalam bhum dauk dalam ia 1m. Tỉnh Long An khan brei thau samar chip gam gam bruk rah tabiak klau mbang glut jaleih trak tapen kraong Kenh Hàn, meda ngak jhak tal yaok pluh baoh sang bhap bini saong rilo taneh pala phun mbang baoh.  

Tòa án Pakat glaong abih di Brazil bahrau brei thau veik bruk pakauk mang xa hoi X (angan ieu dahlau daih lac Twitter). Menuac pandar meda njauk taong phat tal 9.000 USD. Dahlau di nan, Gah tu phap Brazil hu panuac lac X oh pasang iek dom tai khoan yaih khan bruk ngak duas, ngak suan, saong palai pajoa dân chủ, saong oh ngak tui adat hukum di Brazil. Mạng xã hội X hu 22 triệu menuac pandar di Brazil. Yaom lac oh bhian randap yau Facebook,  min X jeng hu labik dang praong dalam dom mbang ndom biai gah chinh tri saong hu prein pambak praong tal dom menuac ngak chinh tri, urang ngak báo saong bol bhap rahra.

Tui sa roh duah birau hu ba tabiak di harak tạp chí The Lancet di harei 18/9, dom sieu vi khuan pacang hu jru meda ngak brei labaih  39 trieu urang metai dalam 25 thun anak tal. Ini lac panuac brei thau dahlau ka bruk anek ruak pacang jru dak harei dak  rilo saong dom bruk kanjiak jhak  biak trak  bo nyu meda ngak jhak tal prein yawa di dunya. Bruk tagok samar drah di dom bruk ba tal pacang jru meda ba tal bala praong di dunya anak tal oh suai.  

Rilo labik di Mông Cổ daok mboh nhiệt độ trun samar drah saong tuyết laik trun aval suan bilan dalam bilan Thu ini. Tuyết laik ba tal nhiệt độ di dom labik ini trun âm 5 độ C. Dom tỉnh gah kreh negar saong gah barak Mông Cổ lac bhum ngak nong praong saong langik salih karei samar darah ngak ka urang huac lac oh siam ka bruk ngak nong saong raidiuk yaok harei. Gah pasang iek langik tasik hu panuac ieu bhap bini, abih di nyu lac menuac glang kubo kibas saong urang ngak nong, brei hu dom jalan pacang caga dom kan kandah kayua langik tasik oh lagaih./.