Danak dak Danak dak khik tanat yaom kaom Darak pasar Tet Nguyen dan Ula Naih thun 2025 di TPHCM hu 69 doanh nghiep hu mbaok tame. Dom doanh nghiep hu ramik caga pandap  Tet hu labaih 22.000 ty dong. Langiu di bruk khik hu halau pandap, pasang yaom kaom, thun ini lac thun akaok meti TPHCM peih ngak Danak dak  Pambuak  bruk pasang iek asar pandap nda  hu mbat “ stick hijao” brei tapa. Bruk caong khin di danak dak lac pamong tal bruk ngak tabiak pandap tui hatai caong blei di darak pasar, tui jalan ngak halan hatian, cambaic laic saong njauk bruk.  

Tinh Ben Tre hu labaih 80 ribau bein phun la-u, meblah jiak 42% taneh pala la-u dalam negar. Tinh mboh lac phun la-u lac phun pala ralo saong ba jien mek tame ka labaih 200 ribau baoh sang di bhum palei pala. Urak ini, Ben Tre  hu labaih 100 pandap ngak meng la-u kong nghiep pablei tabiak ka 100 negar langiu, bhum taneh. Langiu di nan, tỉnh daong urang pala li-u hu 133 ma so bhum pala, ngan haong taneh praong labaih 8.390 ha. Ben Tre pachreih bruk pablei salih tapa bruk pablei salih online praong saong pachreih bruk buh jien tame ngak mbang pablei salih haong dom taneh ia khin blei baoh la-u tame.

 UBND xa An Tức, huyện Tri Tôn, tinh An Giang birau peih bruk daong mac moc, pandap ngak nong salih bruk ngak ka 61 baoh sang kathaot Khmer kathaot, jaik kathaot. Yaok baoh sang taduan oh tapa 10 trieu dong piah blei dom mac jamraih  pruh jru saong mac drak pajaih. Kuhria tui jien abih tih dom janih mac jiak 610 trieu dong jien di kadung Karja. Ini lac “gai vah”, daong mikva urang bangsa patagok bruk ngak, piah patagok jien mek tame, patagok patruh kathaot, tani tanat raidiuk.

Meng akok thun mbiah tal ini di tinh Ba Ria - Vung Tau hu 394 mbang urang ruak tamuh sởi  saong 2 urang metai. Tui gah Y te ralo urang njom ruak lac klauk jru vaccine. Pasak Pasang iek ruak kik tinh Ba Ria - Vung Tau patabiak brei pabak jaik 4.000 mbang vaccine, pabak bruk klauk jru ka uranaih umo meng 1-10 thun di ban sit Phú Mỹ. Dom uranaih nan oh klauk ginup vaccine pacang ruak sởi tui bruk ba tabiak.

Harei ilamo dom bangsa Viet Nam thun 2024 di tinh Quang Tri birau tamat ngan haong rilo bruk biak njauk hadar dalam hatai. Harei nyom roya  hu mbaok di 216 kapol ilamo mai meng 16 tỉnh, ban hu labaih 64 kadha biak ralo asar siam gheih. Harei ilamo lac piah bhap bini dom bangsa pok meyaom dom ilamo meng kan di dom bangsa, tui nan sahaneng dalam jang ka bruk praong di yaok bangsa dalam bruk dak padang saong khik Taneh ia.

Rajaei Campuchia birau pakauk pablei saong yaih khan dom janih pandap menyum pakhang prein di taong abih sang bac di taneh ia, dalam bruk kham merat caga bruk lameh labaih kilo saong dom ruak mbon njom mbak. Bruk nan hu ba tabiak dalam tuk Thủ tướng Campuchia Hun Manet birau ini haduh hatai ka bruk menyum rilo pandap ia pakhang prein ka uranaih. Urang dang akaok Rajaei Campuchia iew dom jabat chuc nang karei brei caik hatai jang tal bruk paglong jalan sahaneng di bhap bini ka prein yawa, abih di nyu lac bruk pablei ia pakhang prein ban glai ban glo.

Maeil Dairies - sa dalam dom po ngak tabiak ia tasau danei angan di Han Quoc, birau brei likau duis, tui nan khan brei thau labaih 10.000 pa-op ia tasau harei pandar 16/2/2025, kayua hu meluk tame ia jabon di sa sang mac ngak tabiak pandap ini. Mentri Pandap hacih sa-at saong Jru tavao Han Quoc khan lac brei pasang iek di sang mac  ngak brei cambaic laic  bruk nan.

11 urang taneh ia An Do metai dalam sa mbang medil lac njom jru mek kayua carbon monoxide – CO. Bruk nan rah tabiak di harei 13/12 di sang kuan mbang di labik padeih padei bilan la-ar Gudauri di Gruzia. Taong abih dom urang nan lac daok ngak bruk di sang kuan mbang ini. Rajakar Gruzia hu peih bruk pasang iek kayua halei rah tabiak bruk nan min oh mboh inem taong paoh ba tal metai di dom urang nan./.