Dalam Nyaom biai di Mban tacei pato Salih bahrau tư phap Ban raya HCM biar harei 15/2, ong Nguyễn Văn Nên, UV Mentri Chinh tri, Bí thư Thành ủy TP.HCM, Akok Mban tacei pato taong yaom, he thong chính trị di Ban raya daok paglong jalan sahaneng, daok jhul khang bruk salih birau tư pháp; patagok bruk tacei ba jalan ngak bruk, tacei ba ngak tui dom bruk pambuak tal gah hukum. Tukvak anak tal, Mban Tacei pato Salih birau hukum Ban raya HCM  pahreih ngak, pambuak gruk haong dom jabat hukum, jabat peih bruk tố tụng brei siam jang. Ban raya jeng caik hatai brei buh jien tame blei mac jalam raih, pandap ky thuat, pandap panda karei…piah ngak bruk di dom jabat hukum, jabat peih bruk tố tụng; jhul pasamar bruk pandar cong nghe thong tin, pakhang bruk salih pandar số, hồ sơ ba tame tui so.

Ong Huỳnh Quốc Việt, Chủ tịch UBND tỉnh Cà Mau bahrau hu harak ieu urang taong ikan pachreih tui bruk pacang taong cap kaya ikan suan hukum, oh khan brei thau saong oh tui adat (IUU). Tỉnh Cà Mau hu labaih 3.800 kapal ikan. Tukvak tapa, tỉnh biak khang hatai peih ngak dom jalan piah taoh talaih thẻ kanjik katam di EC (lac Thẻ phạt dom taneh ia ngak suan adat pandap panda kaya ikan tuk tame darak pasar Châu Âu). Dalam nan, hu bruk nao dahlau dalam taneh ia dalam bruk pacap caik pandap pasang iek jalan nao di kapal ikan saong urak ini ngak hu ginup abih. Cà Mau jeng hu thau tal lac tỉnh taong phat biak catang dom kapal ikan lih tame bhum tasik taneh ia langiu, dalam nan hu bruk mek, tịch thu kapal ikan piah ngak brei huac.

Yaom lac phun durien daok brei hu kein laba glong  min tỉnh Tiền Giang oh luai ka mikva pala tui hatai, abih di nyu nan lac langiu bhum quy hoạch piah palaik njiak khat lahik. Urak ini, taneh pala durien dalam tỉnh Tiền Giang labaih 17.600 ha, dalam nan hu 10.500 ha daok brei baoh, kuhria rah tapa jaik 28 tấn/ha, kuhria mboh dahlau 293.000 tấn/năm.  Jaik ini, baoh durien pablei hu yaom glong, ba jien tame rilo abih dalam 11 janih baoh kayau yamen bingi karei di tỉnh saong glong jang 10 mbang dut phun padai. Tukvak ini, baoh durien  yaom meng 70-80 ribau đồng sa kilo; akok bilan 2 yaom jaik 200 ribau đồng sa kilo. Yau nan ye, po bein jak gauk buh jien tame peih praong taneh pala rilo durien gah Barak jalan roya 1, taneh ngak padai, bhum taneh oh hu salamat tuk ia ribuk tagok glong.

Di tỉnh Lâm Đồng, hadei di jaik 2 thun patabiak adat ngak iek ka bruk buh jien tame ngak mbang saong khik ramik bruk du lịch canh nông, rilo bruk tavak tavaiy daok mblo tabiak ngak ka bruk du lịch “pachreih tuai” ni oh ka hu salih bahrau khang piah tagok njauk haong bruk di nyu. Tal tukvak ini, abih tih phun jien buh tame ngak mbang ka dom bruk du lịch canh nông di Lâm Đồng lac jaik 377 tỷ đồng, di mangaok mblang taneh praong labaih 300ha. Min anak meta mboh hu tilo cuang kandah tavak tavaiy, yau ye: ka oh samu gauk dalam peih ngak; ka oh siam lagaih adat ngak harak gar, bruk padang ngak, bruk pandar taneh, bruk hadom labik hu tabung pacang di mangaok taneh ngak nong, salih taneh ngak nong tapa oh ngak nong…Kadha ini nyu jeng paga pacang praong ngak ka dom danak dak du lịch canh nông ka oh peih ngak hu bruk đầu tư, atau đầu tư oh ka tal, oh khik hu tiêu chuẩn piah pabak bruk ravang me-in di tuai damuai.

Page ini 16/2, Kong an thị xã Bến Cát, tỉnh Bình Dương mboh lac, melam 15/2 gam haong bhap bini sumu daong urang peih radaih saong urang tui radaih gar dalam cabin radaih container tabiak angiu hadei di bala. Bala rah tabiak di mong 22 tuk melam 15/2 di jalan Mỹ Phước - Tân Vạn, tapa phường Hoà Lợi, ban sit Bến Cát, tỉnh Bình Dương. Radaih container hu bien so Đồng Nai peih meng ban sit xã Bến Cát nao ban Thủ Dầu Một, tỉnh Bình Dương, jaik tal canah 4 Mỹ Phước -Tân Vạn saong jaln ĐT.741 ye ginuh tame jalan caga kreh. Cabin laik tabiak truh radaih gam haong urang peih radaih saong sa urang nao gam gar dalam nan.

Mesup ini (16/2), sa mbang megei baoh taneh khang 6,1 ngak megei gah kreh negar Philippines. Megei baoh taneh rah tabiak tuk mong 2 , 10 minit saboh 16/2 (tui mon pak nan) saong pasak daok di labik dalam 10 km langiu tasik di tỉnh pulao Masbate saong Sorsogon. Rilo menuac tatuak drei medeih ndih saong nduac tabiak truh sang. Dom pathau khan tuk camereip brei mboh dom sang danaok, labik daok khut tayah, lahik điện di dom labik mangaok pulao Luzon. Gah pato megru tỉnh Masbate brei padeih bac harei ini piah caga dom mbang megei sit hadei di mbang megei khang nan.

Tổng thống Thổ Nhĩ Kỳ Tayyip Erdogan khan brei thau meda patui veik dom bruk duah dong urang gaok bala dalam mbang megei baoh taneh khang 7,8 di adit dahlau, mbiah tal tuk halei ba hu dom urang puac abih tabiak truh mbuh patau kayau kateik. Dom bruk daong hadei bala megei baoh taneh  di Thổ Nhĩ Kỳ saong Xiri daok peih ngak samar. Yaom lac yam tapa harei ka 10, min hu biak rilo bruk patuah rah tabiak, rilo urang hu daong diuk meng mbuh patau kayau. Mbiah tal ini, hu takik abih 36.000 urang Thổ Nhĩ Kỳ metai kayua megei baoh tane. Di Xiri, urang metai jeng  tagok tal labiah  5.000 urang.

Harei 15/2, Nga hu daong chip 25 rabau tấn lúa mì ka Cuba dalam tuk taneh ia daok dang anak bruk kurang pandap mbang saong gaok kan kandah kayua yaom padai brah ngũ cốc di dunya tagok glaong. Amuk Ana Teresita Gonzalez - Thứ trưởng Ngoại thương Cuba brei thau: “Kol dahlak daok rah tapa sa bruk srau kadau rilo gah kayua jit praong COVID-19 hadei di 2 thun tamuh khang di dunya. Pandap daong ini hu daong dom kham merat di taneh ia kol dahlak, di rajaei kol, dahlak biak rilo, piah meda hu pandap mbang, hu bánh mì saong dom janih pandap mbang karei ka abih hap bini.”./.