Mentri Y te mbaoh harak peih bruk klauk jru vaccine sởi-tagok baoh bhong ka uranaih umo meng 6 tal ala 9 bilan di TPHCM piah pakhang bruk pacang caga jit dalam tukvak tabung glong yau urak ini. Meng kaok thun tal ini, Ban raya hu 1.448 mbang urang ruak sởi, dalam nan hu 3 urang metai. Dom uranaih ruak sởi umo ala 9 bilan meblah 24% dalam abih tih urang ruak. Gah y te pachreih  amaik ame saong gauk gar dalam sang brei ba uranaih mai dom labik piah klauk jru vaccine pacang caga ruak sởi ka uranaih.

Tui Gilang pariak Karja, mbiah tal puac bilan 9 meng blaoh jien brei mesre ka gah padai brah di bhum ĐBSCL labaih 124.000 tỷ đồng, tagok 18%, meblah 53% jien mesre gah padai brah di negar. Dalam 1 thun tapa, Gilang pariak Karja pambuak haong Mentri Ngak nong saong Patagok palei pala, UBND 12 tỉnh, ban bhum ĐBSCL padang ngak saong tabiak danak dak brei mesre laba lap 1 trieu ha padai asar siam, takik tathuak nerak di ĐBSCL tui tacei pato di Thu tuong Rajaei.

Tỉnh Cà Mau kham tal bilan 8 thun 2025, ngak salah bruk padang ngak birau saong pasiam veik jaik 4.000 baoh sang taik tahak ka nyaom urang hu ngak bruk cach mang, baoh sang kathaot, jaik kathaot, baoh sang urang bangsa takik. Piah ngak hu bruk ba tabiak nan, tỉnh Cà Mau jak ba dom jabat, kapol nyaom, doanh nghiep, bhap bini rahra pakacah peih ngak jayak bruk ngak brei oh daok baoh sang taik tahak”. Ini lac sarak biak anit ranam piah daong ka dom urang mbuan gaok kan kandah hu sang daok tani tanat piah yam tagok dalam raidiuk.

Jaik taong abih bhap bini lac urang bangsa Khmer, puk Sà Lôn, xã Lương Phi, huyện Tri Tôn, tỉnh An Giang Lac sa dalam 3 palei bangsa di xã Lương Phi saong hu palih ruah ngak xã palei pala birau. Dom thun tapa, mbaok meta palei pala hu hadah hadai tagok. Puk hu mbang taong mbanh, mblang caoh mbanh dat blong brei ka dom likei dam hu pasram padhih, hu labik ma-in saim mekre ka uranaih, hu labik bac tapuk ka bhap bini saong hu sa kapol ma-in alat ragam pling ngu am di bangsa… Di Harei jum pataom taong abih bangsa birau ini peih tabiak, Mban ngak bruk Mat tran palei  Sà Lôn hu meyaom dom kapol nyaom, baoh sang, urang naih gheih hu ngak siam dom bruk jak ba di puk palei.

Tukvak tapa, Kapol Urang kumei tỉnh Ninh Thuận hu peih ngak rilo bruk piah paglong bruk ngak ka urang kumei bangsa takik. Urak ini, tỉnh hu 77 Kapol pathau khan bhap bini saong 25 “ Labik pambak tame bhap bini” di 65 xã, phường. Tapa nan, pathau khan dakvak pambak praong jalan tavei ba di Đảng, sarak, hukium di Karja ka adei sa-ai kumei. Meng nan ngak brei patagok bruk tacei pato, daong hukum ka urang hoi, daong urang thau hukum, xa hoi, ka baoh sang piah thau khik caga rup eng.

Tổng thống Mỹ Joe Biden sanya jao brei bruk ngak dalam siam mekre ka Tổng thống birau hu palih ruah lac Donald Trump. Ini lac kadha bac akaok meti  di Tổng thống Biden haong rahra Mỹ kuhria meng hadei harei palih ruah 5/11 lac bruk jayak hu ka gah đảng Cộng hòa Donald Trump. Urang lambaok kapol cu tri di dom bang  hu ginum biai  brei buh phieu di harei 17/12 saong hala phieu di urang nan brei thau di harei 6/1. Meyah oh hu hagait salih karei, ong Trump brei tuyen the tagok rai Tong thong di harei 20/1/2025.

Mentri Jalan mbak Thái Lan ba tabiak jalan ngak brei parilo jalan khik iek salamat jalan mbaka, abih di nyu ngan haong urang peih radaih patuh saong urang daok ngaok radaih gah likuh oh tuah me-om mot bao hiem. Tui nan, dom oh hu oh tuah me-om mot bao hiem tuk tabiak jalan brei lahik rilo tukvak piah bac hukum jalan mbak salamat. Dom labik pablei radaih  brei pablei 2 mot  bao hiem ka yaok sruh radaih. Bala ngaok jalan mbak ngak brei 18.000 urang metai, labaih 1 trieu urang njauk rambuac.

Hadei dom mon tuk apui khuah di quận Ventura di bang California, Mỹ, apui khuah mbang glai samar mbang pambak praong labaih 10.000 mau Anh. Dahlah apui mbang tame dom labik rahra bhap bini daok saong bhum palei. Tui canh sat pak nan, hu ba abih dom gah, pandap pandar mac jamraih, radaih mai piah padam apui. Yau nan min, apui khuah glai daok pambak praong samar mbuan gaok bala saong oh ka pacang padam hu./.