Akok UB bhap bini TPHCM Phan Văn Mãi birau mbaoh tangin tame harak payua samar tal Thường trực UBND TP.HCM, akaok dom sở ban ngành Ban raya, urang dang akaok dom doanh nghiệp di Ban raya, Akok UBND dom quận, huyện, xã, phường ban sit ka dom jalan ngak patui paglong bruk ngak kong vu. Tui nan, jabat karja tuk taduan ho so di bhap bini, D.N meyah mboh tapa thẩm quyền di drei ye suai abih lac 5 harei kuhria meng tuk taduan harak gal njauk khan brei ka UB bhap bini ban raya thau, langyah, tacei pato, oh caik ho so veik suai lavik. Ngan haong harak gal kayua dom jabat payua mai duah thau hatai sahaneng njauk brei jalei tui harak van ban  ka labik tangin sua. Brei ndem cambaic laic bruk njauk hatai atau oh; oh calei vin var saong suai abih hadei 10 harei ngak bruk njauk calei meng van ban.

Mintri Quốc phòng brei thau, sruh kapar haoh Bell-505, tauk angan VN-8650 di Công ty trực thăng gah barak kayua Đại tá Chu Quang Minh peih, pajeng 4 tuai du lịch urang Việt Nam  maong iek langik tasik di Vịnh Hạ Long meng di mangaok glaong, par tagok tuk maong 4, 56 minit bier harei, oh pambuak hu meng tuk maong 5, 15 minit bier harei 5/4 di labik Hòn Dép (bhum tasik jaik taphia Hải Phòng - Quảng Ninh). Meng di tuk sruh kapar haoh oh pambuak hu, Công ty trực thăng gah barak hu pambuak haong Bộ đội Biên phòng saong kapul quân sự bhum palei samar drah nao duah. Thủ tướng rajaei hu harak ieu kakei brei pataom tame duah, daong urang njauk bala samar di abih, siam lagaih; samar nao rivang, klah rabha pandik harao, daong ka sang urang peih kapar haoh saong dom urang njauk bala, peih ngak dom chế độ sarak ngan haong urang lin njauk bala tui njauk adat.

Biar harei 4/4, di Ban Trà Vinh (tỉnh Trà Vinh), Ủy Ban Bangsa pambuak saong Hoi dong Bangsa di QH, UBTƯ MTTQ Negar Viet Nam mai rivang, alin pandap ka Hoi Jum pataom Sư sãi anit ranam taneh ia di tỉnh, dom acar, Urang hu angan je dalam bhap bini Khmer  tuk uan raok Chôl Chnăm Thmây 2023. Mbang ini, Kapol urang jakar hu alin brei 100 paok pandap tadhau ayuh Tet Chôl Chnăm Thmây  tal dom urang hu angan je dalam bhap bini Khmer di tỉnh.

Urang par akaok tỉnh Vĩnh Long bahrau brei padang dom kapul nao rivang uan harei Phục sinh thun 2023 di Tòa Giám mục Giáo phận Vĩnh Long saong Mban lambaok Hội thánh Tin lành Việt Nam. Di dom labik hu nao rivang, urang par akaok tỉnh Vĩnh Long tadhau ayuh ka dom linh mục, mục sư, halau janeng agama, mikva Công giáo, mikva tui agama Tin lành uan raok harei Phục sinh siam makre, haniem phul. Urak ini dalam tỉnh Vĩnh Long hu 212 labik rahra hu rilo mikva tui agama Công giáo hu pok brei angan lac labik rahra hu ilamo; 98% baoh sang Công giáo mek hu angan sang ilamo.

Tỉnh Cà Mau birau payua ho so tal Mentri Ilmau - Thethao saong Dulich taduan brei angan ka bruk ngak hadang thu lac inem krung ilamu phi vật thể pakat negar. Pandap hadang thu bingi abih, daong angan je hadang thu Cà Mau danei atah lac pandap ngak meng hadang đất raong dalam glai ala phun đước, glai phun mắm tapen tasik. Dahlau di nan, Mentri Ilamu – The thao saong Dulich  hu taduan  brei angan bruk “mek ia hani danko” saong “ pandam ba khía” di Cà Mau lac Inem krung ilamu phi vật thể  pakat negar. Ini lac dom bruk ngak meng kan, pandap đặc sản di Cà Mau, hu thau tal rilo dalam negar.

Urang brei panuac di Nhà Trắng bahrau ndem lac, Mỹ ieu Trung Quốc pacang veik dom panuac ndom jhak anak bruk akaok Hạ viện Mỹ Kevin McCarthy gaok urang par akaok Đài Loan Thái Anh Văn. Kanja Mỹ ndom lac, bruk sa urang par akaok Đài Loan nao tapa Mỹ oh njauk lac bruk bahrau, saong ieu Bắc Kinh pacang veik, jhui ndom puac atau ngak hagait praong maong oh jeng. Dahlau di nan, Trung Quốc hu panuac cagar veik biak khang bruk Mỹ rami ramik ka amuk Thái Anh Văn  nao tapa taneh ia ini saong hu mbang taom gaok haong akaok Hạ viện Mỹ.  

Dalam tuk gah kinh te daok mboh siam lagaih tagok meng hu bruk dulich pasiam veik samar, urang bhap bini Thái Lan meda lac urang cai pandar rilo jang dalam tuk Tet Songkran anak tal. Tui yaok kuhria di Đại học Phòng Thương mại Thái Lan birau ini brei mboh bruk cai pandar dalam tuk Tet Songkran kuhria caga tagok 17,3% tagok 125 tỷ baht, labaih 3,6 tỷ USD, dut saong 107 tỷ baht tukvak ini thun dahlau. Tapa duah thau hu mboh 3 bruk dang akok bo bhap bini kuhria hu tame le hoi Songkran lac: ngak pahala; adat thaik ia; pataom gauk saong mbang menyum.

Bruk kurang xăng menyek di France daok rahtabiak dak harei dak catang tagok tuk hu labaih 10% dom labik pablei xăng laik tame bruk kurang atau tok daok xăng atau manyek diesel tuk dom bruk padeih ngak di dom sang mac halang manyek saong bruk pacang cakak dom labik khik piah daok hu patui veikdi dom nghiệp đoàn ngak bruk dui atah piah cagar veik bruk salih bahrau padeih huu. Labik njauk kan kandah trak damak abih lac ban ine di taneh ia ini, tuk jaik 40% mbaik cây xăng hu brei thau lac oh daok xang atau manyek. Rilo sang mac halang manyek jeng brei padeih ngak kayua bruk padeih ngak atau kayua ilamo kỹ thuat./.