TPHCM birau peih bruk jak ba Bilan daong ka Urang umo taha thun 2024 ngan haong kadha “ Ba gauk rik daong, iek glang saong patagok bruk ngak ka urang taha umo”. Dom thun tapa, TPHCM peih ngak siam Sarak di Thủ tướng Rajaei  ka Danak dak iek glang prein yawa  urang umo taha  tal thun 2030…Abih di nyu lac bruk iek glang prein yawa, TPHCM buh tabiak 150 tỷ đồng piah peih bruk iek ruak, pasang iek ruak suai lavik dalam rup, oh nyom mbak ka labaih 160.000 urang umo taha. Mbang ini, UB bhap bini TPHCM hu alin brei  240 paok pandap  ka urang umo taha metui, daok sa drei raidiuk kan kandah; 50 urang umo taha raidiuk kan kathaot di dom quận hu taduan paok pandap di doanh nghiep, yaom 1 trieu dong sa paok.

Piah daong klah rabha kan kan kandah haong urang ngak, tuk Tet thun sak lanaih 2025, Liên đoàn Lao động (LĐLĐ) tỉnh Đồng Nai brei daong 1.000 harak vé radaih pui sa mbang nao brei ka urang ngak nao palei mbang Tet. Dom radaih pui nan tabiak meng Ga Biên Hòa nao tal Ga Vinh, Ga Thanh Hóa saong Ga Hà Nội. Tukvak tui kuhria lac harei 24, 25, 26 saong 27 bilan mat (lac meng harei 23-1 tal harei 26-1-2025). Dom urang ngak meng 2 thun tagok oh hu jien nao palei mbang Tet; urang ngak gaok kan kandah njauk ruak kik atau bala radaih jeng hu daong dalam tuk ini. LĐLĐ tỉnh Đồng Nai brei radaih pajeng ba urang ngak meng labik daok, labik ngak bruk nao tal ga radaih. 

Nyaom roya Hiep hoi durieng tỉnh Tiền Giang mbang ka I, vaktu 2024-2029 birau peih papak, ini lac Hiep hoi ngak tabiak, pablei salih  baoh kayau đặc sản mbang akok meti  di bhum Taneran kraong Cuu Long. Durien lac sa dalam 11 janih baoh kayau bingi karei brei mek jien bala tame glong saong taneh praong abih dalam tỉnh hu jaik 22.000 ha. Darak pasar durien palei ralo di Trung Quốc, Mỹ, Nhật, Hàn Quốc…Yau nan min, rilo urang hamu kurang khaw tin ka darak pasar, oh ka ngak tui tanut pandap asar glong, pandap hadei paik mek mbuan khut tayak…Yau nan ye, Hiep hoi baoh durien  tỉnh Tiền Giang brei peih bruk saong pambuak, padang angan je, daong ilamu ky thuat saong pato pakai, patagok darak pasar…ka baoh durien.

Dom gah pambuak gauk di karja huyện Côn Đảo, tỉnh Bà Rịa – Vũng Tàu bahrau mboh, cap mek sa urang pajeng 17 drei kara iku atah trak 33,5kg di labik puac Bến Đầm – jaik pabah lamnge Bến Đầm. Tuk cap mek, urang pajeng oh hu harak gar hagait ka dom drei kara iku atah inii. Bilai hu ngak harak biên bản, langyah menuac saong pandap tui adat hukum. 

Ia ndik gah angaok kraong Cuu Long meda tagok dalam adit ini, ia ndik meda tagok glong dalam harei paguh 2/10. Cambaic laic, ia ndik di balai Tân Châu kuhria mboh meng 3,3 met tal 3 met meteh. Ia ndik di mblang hamu di bilan 10 kuhria mboh dahlau di gah ala kraong, glong di bhum kreh saong bhum tapen tasik. Tui Cuc Thuy loi, ia ribuk bilan 10, meda lac ar pacang gah ala kraong di Bhum taneran kraong Cửu Long meda prein caga ginup khik hu bruk ngak tabiak pandap panda. Yau nan min, ia ndik hu kuhria mboh glong gam hajan di ralo labik yau nan ye ngak ia dauk, ia ndik di dom bhum palei di bhum kreh  lac oh plaik njiak hu…

Jalan pasei Trung Quốc kuhria duh ka dom mbang radaih pui dalam tuk harei negar dui atah 10 harei. Dom jalan pasei taneh ia tui kuhria hu peih 12.000 mbang pajeng tuai yaok harei dalam mbang padeih ini, lac 354 mbang radaih jalan atah pabak tame. Tui công ty, harei tabung glaong tui kuhria lac harei ini 1/10 – harei negar, meda duh ka labaih 21 triệu mbang nao. Piah caga bruk nao mai tagaok glaong di tuai, rilo jalan ngak hu peih tabiak piah patagok prein pajeng ba, pasiam dịch vụ saong khik kajap dom mbang nao siam mekre, salamat.

Sa gilai pajeng urang di cư tableik di langiu tasik di kaoh pulao Canary, Tây Ban Nha melam 29/9 ngak brei takik abih 9 urang metai. Daok 48 urang lahik. Bruk nan meda lac bala gilai tableik  ngak metai ralo menuac abih dalam 30 thun tapa kayua dom urang di cư tapa tasik tal kaoh pulao  Canary, sa nyaom pulao kayua Tây Ban Nha di tasik tapen tasik chau Phi. Dữ liệu meng Liên minh châu Âu brei mboh dom urang di cư yam nao tapa tasik meng Tây Phi mbiah tal Pulao Canary hu tagok 154% meng bilan 1 tal bilan 7/2024

Amuk Choi Soon Hwa, umo 81 thun, hu jeng urang praong thun abih dalam dhi chung kết pakacah Hoa hậu Hoàn vũ Hàn Quốc (Miss Universe Korea 2024). Yaom lac labik dang oh glaong, min amuk hu jao giải Menuac cuk ngui siam abih. Amuk Choi Soon Hwa lac menuac điều dưỡng tuk daok ranaih. Hadei di tuk padeih hưu, amuk hu mbaok tame khóa bac ka parang iek thời trang saong jeng người mau chuyen nghiep di umo 72 thun. Amuk hu mbaok di dom sàn catwalk, thaot binguk ka dom tạp chí, thương hiệu capha ao./.