Urak ini, TPHCM daok peih ngak dom danak dak, bruk ngak naih gheih pakacah pakat ban raya piah salam Pahadar 50 thun peih paha gah Meraong negar, yasa taneh ia, dalam nan hu 61 danak dak, bruk ngak pakat ban raya. UV Mentri Chinh tri, Bi thu thanh uy TPHCM Nguyễn Văn Nên, Akok mban tacei ba jalan dom bruk pahadar 50 thun harei Peih paha gah Meraong negar, yasa taneh ia caong khin: dalam tuk peih ngak njauk brei salih birau ka lagaih haong bruk yau urak ini, khik hu salamat, patak pataom, oh ngak palai payua, yaok bruk ngak, yaok gah, yaok bruk ngak pamong sahaneng tal bhap bini.

Tal ini, tinh Soc Trang hu 70/80 xa mek hu angan palei pala bahrau, dalam nan hu 20 xa mek hu angan palei pala bahrau paglaong, 2 xa mek hu angan palei pala bahrau kieu mau.  Kuhria tal puac thun ini, Soc Trang hu 75/80 xa mek hu palei pala bahrau, hu labaih 100% dut haong chỉ tiêu Sarak Tỉnh uy tal thun 2025. Bi thu Tinh uy Soc Trang Lâm Văn Mẫn brei thau, tinh patui veik pato tacei dom bhum palei khik tani tanat saong paglaong siam dom asal kadha xa mek hu angan palei pala bahrau. Dalam nan, sangka iek praong asal kadha ka bruk ngak mbang saong alam langik tasik khik bruk khang kajap dalam bruk padang palei pala bahrau.  

Kayua jien laba mek tame glong, yau nan ye taneh pala phun mbang baoh di huyen Cái Bè, tỉnh Tiền Giang tagok rilo, taneh ngak padai dak harei dak takik. Dalam huyện hu labaih 27.300 ha bein phun kayau mbang baoh, dalam nan durien lac phun pala rilo abih, ngan haong taneh praong 9.300 ha. Kuhria rah tapa, thun ini, yaom dom janih phun mbang baoh hu tani tanat, yau nan ye mikva urang nong duah hu jien. Piah baoh kayau praong siam, yamen bingi, hu pablei tabiak negar langiu, huyen Cái Bè hu 166 mã số bhum pale ngan haong dom janih phun mbang baoh; padang ngak 88 ma labik papaok pandap.

Urang ngak nong tinh Hau Giang daok pataom tame yuak samar drah padai Thu Đông piah plaih khat lahik kayua hajan angin saong meda ia tagok glaong dalam dom harei anak tal. Urak ini mikva yuak hu labaih 15.000ha dalam kuhria abih tih labaih 27.700ha taneh padai Thu Đông. Piah khik kajap yuak hu rilo padai, urak ini mikva daok pacang caga dom jit ruak rah tabiak dalam tukvak ini…Dom bhum palei jeng patagok bruk pasang iek saong ngak siam bruk khiktani tanat, pasiam veik dom baneik ar piah khik kajap bruk tathuak ia.

Urak ini, ia di gah angaok kraong tuh trun dom huyen bhum Đồng Tháp Mười Long An. Tui Rayo kuhria mboh dahlau ka langik tasik di tỉnh, ia ribuk  tuh mai, gam hajan di labik saong ia ndik di puac adit yau nan ye mbuan ia dauh. Dalam tỉnh hu labaih 9.350 ha padai Thu đông saong Đông xuân mbuan ia pandik  dauk. Yau nan ye, Sở Ngak nong saong Patagok palei pala kakei dom bhum palei samar peih ngak dom jalan pacang caga, hajan praong sang ia ndik tagok samar piah khik caga bruk pala drak.

Mbang akaok meti di Hàn Quốc, urang kumei hu bruk ngak hu bayar jien bilan hu tagok labaih 10 trieu urang, medu hu khik tani tanat di tanut labaih 10 trieu dalam luac tukvak daok veik di thun ini. Bruk ini hu makna praong kayua nyu daong ka urang kumei mek hu bruk glaong abih meng dahlau mai dalam darak pasaar bruk ngak hu bayar jien bilan. Hàn Quốc  hu dak hadei abih dalam Kapul Pambuak saong Patagok Kinh te ka bruk lahik samu gauk di jien bilan tui likei kumei. Urak ini jien mek tame kuhria rah tapa di sa labik bruk ngak di urang kumei tok samu labaih 68% tanut jien mek tame di urang likei. (TTXVN) 

Triều Tiên brei patuh tayak jalan pambuak taneh ia ini haong Han Quoc hadei tuk brei thau cakak jalan tabak saong jalan pasei bhian iek lac thaok binguk di bruk pambuak gam Trieu. Hoi ndong tacei ba pambuak dom akok bol lin Han Quoc  khan lac hu pakhang bruk tui iek saong tuk halei caga blaoh bruk mesruh. Dahlau di nan, Bol lin Triều Tiên caong khin dom đơn vị lin phao karong di tapen Meraong negar taneh ia ini caga blaoh blai piah mesruh metak./.

Australia daok dalam bruk kurang biak rilo bác sĩ. Piah ka hu ginup, Australia jhul samar drah bruk brei ka bác sĩ di klau negar hu New Zealand, Anh saong Ireland mai ngak. Min, dom urang ini caong khin hu ginup thun ngak bruk meng dahlau mai, yau ye ngan haong bác sĩ mai meng Anh brei hu thun ngak bruk meng 2007, mai meng Ireland ye brei hu thun ngak bruk meng 2009 saong mai meng New Zealand ye brei hu thun ngak bruk meng 2012. Langiu di nan brei thau ndom tanat sap ndom dunya saong bruk di drei meng dahlau daih mai oh gaok duas yau dom urang caong khin ngak bruk bác sĩ Australia. (VOV)