Dah page ini (11/7), di TP.HCM, 60 dam dara hu mbaok tame harei peih mbaok Trại hè dam dara urang Việt daok di negar laniu saong dam dara ban raya kayua Ủy ban ka urang Việt Nam daok di negar langiu di TP.HCM saong Thành Đoàn Ban raya pambuak gauk peih ngak. Trại hè thun ini hu asal kadha “hadah hadai mbaok mata palei negar kraong ribaong Việt Nam” ngan haong bruk hu mbaok tame di 60 dam dara negar drei daok di negar langiu mai meng 15 taneh ia saong bhum taneh, yau ye Mỹ, Canada, Anh, Pháp, Đức, Ba Lan, CH Séc, Hungary, Thái Lan, Malaysia, Đài Loan (Trung Quốc), Campuchia, dom taneh ia karei… saong Việt Nam.  Hu peih tabiak dalam 5 harei, trại hè lac tukvak piah ka dam dara negar drei daok di negar langiu mai tal rivang iek dom labik angan je di TP.HCM.  Tapa nan, dom adei trại sinh daok hu mbaok tame dom bruk ngak pahla, alin 30 paok pandap ka dom adei anek saih di ban Phan Thiết saong ba drei tame cuh lửa trại gam haong dam dara tỉnh Bình Thuận.

Piah me-om hijao taneh klaak saoh saong mbon ceik kalu, patagok hu siam bruk pacang caga saong khik siam môi trường sinh thái, khik kajap siam mekre halau ia, trun hanjul bala meng langik tasik, tỉnh Ninh Thuận hu jalan pala bahrau 1.221 ha glai dalam vaktu 2023 - 2025. Piah ba tabiak ngak, UBND tỉnh ieu dom jabat pambuak tal saong dom puk palei pambuak gauk pasang iek quỹ taneh, dom taneh ba tame pala glai nan, lac mbaok taneh klaak saoh, taneh oh ka hu glai. Tui kuhria dalam thun ini, tỉnh meda pala  400 ha glai

UBND tỉnh Bình Dương bahrau brei tapa Angan danak dak buh jien tame hu pandar taneh piah pilih ruah urang buh jien tame di Danak dak pabah lamnge kraong An Tây praong 100ha, abih tih phun jien buh tame lac 2.279 tỷ đồng. Danak dak ini piah pabak ka bruk pajeng ba pandap panda, ngak jeng talei dịch vụ logistics meng jalan kraong meng dalam tỉnh Bình Dương tal pabah tasik ia dalam Cái Mép- Thị Vải saong pabah lamnge Cát Lái. Meng nan, daong ka dom doanh nghiệp pajeng ba pandap panda hu samar drah, plaih hu bruk gar radaih di labik TP.HCM.

Sở Ilamu saong Thể thao tỉnh Kiên Giang bahrau pambuak bruk haong Sang bac Trung cấp Tamnia TP. Hồ Chí Minh peih tal pato pasram paglaong ilamu tamnia Khmer meng kan. Hu mbaok tame tal bac, hu 70 urang lac urang jakar, công chức, viên chức dom mban, ngành pakat tỉnh urang pambuak bruk dalam tỉnh. Ini lac tal pato pasram daok dalam danak dak peih ngak “Đề án khik ramik saong patagok yaom ilamu tamnia Khmer meng kan di dalam tỉnh Kiên Giang, tukvak 2021 - 2025”. Bruk ngak di danak dak piah daong peih ngak siam bruk ilamu bangsa, rik daong paglaong ilamu, hatai sahneng ka bhap bini Khmer.

Harei ini, TAND Ban ine Hà Nội hu peih bruk ba tabiak langyah tui hukum "mbang par daong ba". Dalam vụ án ini 54 urang njauk kaoh tui dom duas: ba jien hối lộ, taduan jien hối lộ, yaih khan manuac hối lộ, pachot pagat mek jien padai drap ar saong pambak tame bruk ngak, quyen di drei piah ngak bruk karei tuk daok ngak bruk. Cáo trạng jeng hu ngak cambaih laih 23 urang lac lambaok ka doanh nghiệp ba jien hối lộ labaih 226 tỷ đồng; 4 urang yaih khan taduan jien hu hối lộ labaih 74 tỷ đồng saong pagat mek labaih 24 tỷ đồng. tui kuhria mbang langyah meda ngak bruk dalam 30 harei.

Urang jakar ngak praong pakat glaong di Triều Tiên, jeng lac adei kumei di ong Kim Châng Ưn – urang pan akaok Triều Tiên, amuk Kim Yo Jong hu panuac lac sa sruh kapal haoh do thám di bol lin Mỹ nao tame Bhum đặc quyền kinh tế di taneh ia ini 8 mbang suan adat hukum. Amuk Kim Yo Jong brei thau, ini lac sa mbang par nguy hiểm meyah daok par veik saong Triều Tiên meda cuh laik nyu.  Min gah Mintri Quốc phòng Mỹ tah klaak panuac lac nan di Triều Tiên, saong ndom lac bol lin taneh ia ini pan njauk tui hukum dunya

Mbang hajan khang abih rahtabiak di gah Tây Nam negar Nhật Bản di harei 10/7 ngak ia sua di dom kraong saong glut jaleih taneh ngak ka rilo baoh sang njauk taneh lam tagok, jalan mbak nao mai njauk gar, ngak ka 5 urang metai saong 3 urang karei lahik. Anak bruk hajan ia sua sarau kadau, Thủ tướng Nhật Bản hu pato tacei ka akaok Mintri Pacang caga bala di langik tasik samar drah pambuak haong kanja palei peih ngak dom jalan ngak samar drah, anek manuac lac brei daong dahlau di abih.

Gah Khí tượng Dunya (WMO) ba tabiak dữ liệu brei mboh lac akaok bilan 7 ini lac adit pandiak abih di mangaok dunya. Dom urang ilamu brei thau, nhiệt độ mbaok baoh taneh dunya tagok 1,1 độ C kuhria meng thun 1880, ngak ka nhiệt độ biak glaong rah tabiak gam gam jang, dalam tuk baoh taneh pandiak tagok mbuan ba tal hajan praong kayua khí quyển ấm meda hu rilo ia jang. Yam ndok dịch vụ khí hậu di WMO, hu panuac lac, rilo kỷ lục dunya ka langik tasik oh siam meda njauk yam tapa dalam tukvak anak tal, haong bruk El Nino meda dui atah saong ngak tabiak dom kan kandah mbiah tal thun 2024.