Trung đoàn Cảnh sát cơ động Đông Nam TP.HCM - E29 (Bộ Tư lệnh Cảnh sát cơ động) birau brei pabak rilo urang jakar ngak bruk daong Công an Ban raya HCM peih bruk pasang iek, khik  sron mbon salamat dahlau, dalam saong hadei Tet nguyen dan 2023. Tui nan, dom urang brei pabak, daong ngak bruk pasang iek piah pacang caga, chap mek dom urang co klaik, khik piah saong pajeng ba  matúy saong pandap patuh suan hukum; dom urang ngak sraw kadau labik công cộng, mesruh veik haong urang jakar daok ngak bruk.  

Huyện Bù Gia Mập, tỉnh Bình Phước pambuak haong Đoàn Kinh tế - Quốc phòng 778 (Quân khu 7) bahrau peih bruk brei sang "Nghĩa tình quân - dân" alin hadiah ka 30 sang bhap bini bangsa takik kan kathaot, sang kan kandah gah sang daok di labik tapen negar. Yaok baoh sang praong labaih 43m2, hu điện, hu ia hacih, hu pambuak haong dom bruk kein laba ka bhap bini. Abih tih yaom jien padang ngak 30 baoh sang lac labaih 2 tỉ 400 triệu đồng. Đại tá Nguyễn Duy Dương, Chính ủy Đoàn Kinh tế - Quốc phòng 778 (Quân khu 7) caong khin lac, hadei di tuk taduan hu sang, mikva daok patui bruk cakrok ngak mbang, kinh tế, tani tanat raidiuk, tabiak truh kathaot khang kajap, khik ramik sron mbon puk palei. 

Rilo doanh nghiep di tỉnh Đồng Nai birau brei thau jien thưởng Tết Nguyên đán 2023 ka urang ngak. Tui nan, ralo doanh nghiep  brei thưởng Tết hu jien bilan 13 saong alin pandap, vé radaih nao palei mbang Tết ka urang ngak daok atah. Tui  Sở Lao động Thương binh saong Xã hội Đồng Nai, piah hu jien bilan, jien thưởng Tết ka urang ngak, dom đơn vị, dom gah, dom pakat công đoàn cơ sở dalam tỉnh daok kham merat ginum haong po D.N njuak brei yau gauk jien thưởng Tết hu lagaih piah pachreih urang ngak bruk.  

Meng harei 23/12/2022 urang kumei ndih tapui ginup 2 urang anek dahlau di umo 35 thun di Bạc Liêu hu pok meyaom saong hu daong 1 triệu đồng jien sahui di sang iek ruak. Bruk ini hu tỉnh Bạc Liêu ba tabiak piah pachreih khik ramik khang kajap tanut menek di dom puk palei hu bruk menek biar. Langiu di nan, bruk ini daok hu ndom tal sarak pasang iek bruk oh samu gauk gah giới tính tuk menek, paglaong siam mekre menuac sia, daong jien sahui halang duah, pasang iek dahlau di tuk menek ka urang kumei sang kan kathaot, jaik si kan kathaot saong bhap bini bangsa takik.

Tỉnh Hậu Giang birau peih bruk padang ngak Danak dak Sang mac điện sinh khoi Hậu Giang, ngan haong phun jien buh tame ngak 875 tỷ đồng. Ini lac sang mac điện sinh khoi pandar pandap tamo meng hareik kaya nong lac kam ralo abih dalam negar urak ini. Danak dak Sang mac meda brei ngak salah saong ba tame pandar di quý IV thun 2024, rik tame ngak brei tabiak hu rilo điện saong pabak tani tanat điện dalam tỉnh Hậu Giang jeng yau dalam bhum taneran Cuu Long.

Mintri Pablei salih Mỹ hu ba 36 công ty Trung Quốc, dalam nan hu gam dom sang mac ngak “akaok chip máy tính bahrau” tame angan njauk pacang catang dalam bruk nao tame jaik công nghệ halei di Mỹ. Bruk ngak ini piah pacang meneing "dom kham merat di Trung Quốc piah mek hu saong pandar dom ilamu bahrau yau ye trí tuệ nhân tạo ka dom kham merat ngak pasiam, pabahrau bol bala". Dahlau di nan, di bilan 10 Tổng thống Mỹ Joe Biden hu ba tabiak rilo jalan pasang iek bruk pablei tabiak negar langiu chip saong pandap bán dẫn piah patrun patakik bruk blei saong ngak chip siam pakat glaong di Trung Quốc. 

Urang jakar Ấn Độ brei thau hu takik abih 22 urang metai saong rilo urang karei daok taong ruak dalam sang iek ruak kayua menyum alak njauk jru mek. Dom urang metai rilo meng daok di 2 palei dalam Bihar, gah Đông taneh ia ini, labik pakauk pablei saong blei alak. Rilo urang khin glaoh ta-oh meng harei 13/12 anak prein yawa dak tuk dak jhak. Tui Hiệp hội alak vang saong alak catang di dunya Ấn Độ, kuhria mboh 5 tỷ lít alak hu pablei yaok thun di taneh ia ini, dalam nan labaih 40% lac alak hu tabiak suan hukum. Bilan 7 meng blaoh, hu 42 urang di Tây Ấn Độ, metai kayua njauk jru mek alak.

Mỹ daok peih bruk brei pandap dut iek COVID-19 brei saoh ka dom sang di taneh ia ini. Yaok sang meda caik 4 bộ pandap duk iek. Ini lac sa dalam dom kham merat di karja Mỹ piah pacang cakak bruk patagok dom ruak jalan suak yava di Mỹ dalam bilan brak ini. Dalam dom adit tapa, dom ruak jalan suak yava, dalam nan hu jit COVID-19 daok tagok khang Mỹ. Tui urang jakar ngak praong di Mỹ, taneh ia ini daok dang anak sa mbang jit cúm trak damak kuhria dalam pluh thun tapa./.