Rilo urang njom ruak gilac veik 

Di mbang langyah "patagok peih ngak sarak, hukum pacang caga tong paoh uranaih" kayua Ủy ban Tư pháp, Ủy ban ilamu, pato pakai, Ủy ban Xã hội pambuak gauk peih ngak di mesup ni, Phaok akaok  thường trực Quốc hội Trần Thanh Mẫn brei thau, bruk peih ngak sarak, hukum ka pacang caga tong paoh uranaih mek hu dom jak jeng siam mekre, min, jit prong  COVID-19 rah tabiak ba tal patagok bruk tong paoh urang kamei song uranaih, abih di nyu nan lactong paoh uranaih . Rilo mbang tong paoh biak jhak  , uranaih  njauk dom  amaik ame, urang dalam sang tong paoh. Kayua yau nan ye, phaok akaok  Quốc hội hu panuac ieu ngak brei cambaih laih, langyah tal labik dom makna rah tabiak  bruk tong paoh uranai, lac bruk njuak ngak di dom jabat  pagam tal meng trung ương tal tỉnh ban, puk palei.

Tui khau tin meng mban tacei jalan pacang caga jit ruak Covid-19 di Ủy ban Bangsa, meng hadei di Tết Nguyên đán tal urak ini, dalam taneh ia hu 66.460 urang bangsa takik njom Covid-19. Dalam nan rilo abih lac TP. Hồ Chí Minh - Đông Nam Bộ hu 42.231 urang, gah kreh negar - Tây Nguyên hu 16.281 urang, patui di nan viek lac bhum Tây Nam bộ saong dom tinh bhum ceik gah barak. Jit ruak Covid-19 dui atah ngak ka rilo tinh, ban gaok kan kandah dalam bruk ba bruk ngak ka urang ngak, abih di nyu nan lac sang kan kathaot, bhap bini bangsa takik.

Piah samar pacang caga pandiak bhang, ia njom  mbak, thun ni,  tỉnh Bạc Liêu hu ba tabiak rilo jalan ngak, dalam nan kuhria buh tabiak jiak 19 tỷ đồng piah pok paglaong 89 ar khik caga padai angaok taneh rong hadang , 448 ar khik caga padai Đông Xuân, dong njuk tathuak ia , kuac raok pabak song dui atah jalan nding ia saat  … Bạc Liêu jeng hu padang dom jalan ngak, piah samar pacang caga tuk rah tabiak pandiak bhang, ia mbak njom tame  bilan thu thun ni takik khang atau khang jang bilan thu thun bloh.

Jit aih traoh pabui châu Phi di Long An urak ini jeng daok rahtabiak sarau kadau saong mbuan tamuh gilac viek. Meng akaok thun tal ini,  mboh sruh jit di 25 baoh sang daok di 11 xã ngan haong abih tih dom drei pabui hu am cuh klaak lac 485 drei. Urak ini, gah ngak nong Long An daok pambuak haong dom puk palei ba tabiak jalan pacang caga jit di anek athur raong, manuk ada. Ngan haong dom sruh jit bahrau duah mboh jeng peih bruk am cuh klaak, pruh jru pametai anek ruak tui njauk adat. Gam tui di nan, kakei bhap bini raong glang caik hatai tal bruk puh ramik hacih, pruh jru pametai anek ruak di var raong  piah pacang caga jit ruak tamuh gilac viek...

Langik la-an khang dalam dom harei tapa di gah Bắc Bộ ngak kan kandah trak tal bruk pala drak, raong glang saong bruk ngak mbang, ngak huak di bhap bini, abih di nyu nan lac  di 10 tỉnh bhum ceik gah brak hu 1.000 drei athur metai kayua liar. Piah pacang caga haong langik liar khang, taong abih 31 tỉnh, ban hu tabiak  harak tacei pato, pacang liar khik caga pren yava di bhap bini, khik caga phun pala haong tapol athur rong.  Urak ni, 15 tỉnh, ban brei anek saih padeih bac, salih tapa bac online piah nyaik liar.

Hadei di tuk Nga công nhận độc lập di 2 bhum taneh Donetsk saong Luhansk di gah timur Ukraine, Mỹ saong dom đồng minh, dalam nan hu France hu panuac ieu peih mbang ginum biai samar drah di Hội đồng Bảo an Liên hợp quốc. Dalam harak ieu peih ginum biai daok hu mbaok di Anh, Ireland saong Albania. Min bruk puac abih ka tukvak peih bruk lac kayua Nga, taneh ia daok ngak Chủ tịch luân phiên di Hội đồng Bảo an Liên hợp quốc. urak ini rilo taneh ia di dunya jeng hu panuac oh njauk hatai haong bruk ngak ini di Nga.

Tui yaok pataom di gah Y tế dunya, dalam adit tapa, dom urang njom bahrau song metai  kayua Covid-19 di dunya trun, dut song adit dahlau di nan. Bruk ni brei mboh,  biến thể Omicron dok patrun, min bruk rah tabiak di dòng phụ BA.2 atau dok ieu lac “Omicron tàng hình” meda ba tal mbang jit COVID-19 bahrau. Urak ni, langiu di taneh ia  Đan Mạch, dom negar châu Á yau  Ấn Độ, Pa-ki-xtan, Băng-la-đét song  Phi-líp-pin dòng phụ BA.2 dok jeng biến thể praong. Kayua yau nan ye, dom urang ilamu  huac lac bruk tamuh tabiak BA.2 meda dui atah bruk njom mbak urak ni, song ngak ka rilo menuac tame sang iek ruak song metai  .

Tòa án Hiến pháp di Colombia hu buh phieu, hợp pháp hóa bruk  klak anek meng 24 adit  trun bo oh cang ba tabiak makna hagait. Bruk ngak ini di hội đồng hu 9 thẩm phán pakat glaong nyu ngak oh njauk hatai dom kapul saong manuac urang caong pakauk taong abih dom bruk klaak anek di Colombia. Min, bruk ngak ini jeng hu dom kapul khik caga quyen urang kumei ndom lac sa bruk sajarah. Tui kuhria hu tal 400.000 urang kumei kadauk bruk klaak anek di Colombia yaok thun. Urak ini bruk klaak anek mangaok 24 adit meda njauk hukum pakauk saong njauk taong phat biak trak mayah hu mboh./.

Urang lang: Hanipha- Thu Thảo -22/2