Lao động Viet Nam hu mbaok di 40 taneh ia di labaih 30 gah, bruk ngak

Tui Mentri LĐTB saong XH, urak ini yaok thun Viet Nam hu labaih 100.000 urang nao ngak bruk di negar langiu, jien negar langiu payua mai labaih 3 tỷ USD yaok thun. Lao động Viet Nam hu mbaok di 40 taneh ia di labaih 30 gah, bruk ngak. Dalam tukvak meng thun 2013 - 2021 hu ba jaik 1 trieu urang nao ngak  bruk di negar langiu; urang ngak bruk di negar langiu hu jien mek tame glong jang dut saong bruk ngak dalam negar; rik daong biak ralo jien negar langiu di taneh ia, patagok jien patak pataom saong salih birau radiuk urang ngak saong baoh sang.

Ban Cần Thơ kuhria kaoh tabiak labaih 58 tỷ đồng piah ramik pasiam bein phun mbang boh pataom sa labik pambuak haong mã bhum pala, palagaih ka bruk padang saong patagok angan je, nhãn hiệu baoh kayau Cần Thơ. Gam haong nan, jhul patagok bruk meriak gauk angaok darak pasar, pakhang bruk pablei dalam taneh ia, chế biến pablei tabiak negar langiu saong patagok du lịch, rik daong paglaong yaom, paglaong kein laba di gah ngak nong, patagok jien mek tame di rahra.

UB bhap bini tỉnh Trà Vinh birau pabak 28 pandap tame angan OCOP di 25 labik ngak, pablei salih  dalam tỉnh. Dom pandap hu brei angan hu pandar nhãn hiệu OCOP saong mbat patuk tagok ao papaok pandap tui bruk ba tabiak. Dahlau di nan, tỉnh Trà Vinh hu brei angan 80 pandap OCOP di 49 labik. Tỉnh Trà Vinh kham merat meng ini tal thun 2025, yaok thun hu meng 40 tal 50 pandap OCOP hu pok brei angan, dalam nan hu takik abih lac 10% pandap hu 4 patauk saong 5% pandap hu 5 patuk.

Bình Dương daok caik prein yava, jien padai tame piah  ngak  dom danak dak jalan mbak pambuak pagam bhum. Dalam nan thun ini, tỉnh meda kaoh tabiak labaih 8.700 tỷ đồng phun jien đầu tư công piah padang ngak hạ tầng jalan mbak praong piah pambuak pagam bhum yau ye peih mbaok taneh jalan roya 13 praong jeng 8 jalan radaih, papraong paglaong jalan ĐT746, padang ngak tatua Bạch Bằng pambuak haong tỉnh Đồng Nai saong tatua tapa kraong Sài Gòn pambuak haong tỉnh Tây Ninh.

Mban Khik iek salamat jalab mbak tỉnh Tiền Giang brei thau, tok dalam sa bilan tapa, dalam tỉnh rah tabiak 37 mbang bala angaok jalan mbak ngak ka 24 urang metai, 20 urang njauk rambuac. Maong rah tapa, bala ngaok jalan mbak di bilan 8 ini tagok abih 3 gah nan lac: mbang gaok bala, urang metai saong urang njauk rambuac dut saong bilan dahlau. Piah dui trun bruk urang metai kayua bala angaok jalan mbak meng 5 tal 10%, tỉnh daok kham merat pathau khan, gam pasang iek, langyah dom mbang ngak suan adat angaok jalan mbak.

Di Pakistan, hajan ia sua dui atah meng bilan 6 tal urak ini ngak ka labaih 900 urang metai saong jaik 1.300 urang njauk rambus. Dalam tuk taneh ia gaok kan kandah trak kayua bala meng langik tasik, rajaei Pakistan hu panuac ieu dunya pabak brei dom pok daong cứu trợ saong phun jien daong padang ngak veik dom labik njauk hajan ia sua palai pajoa. Thủ tướng Pakistan jeng hu panuac ieu bhap bini daong ka dom baoh sang njauk khat lahik kayua hajan ia sua dalam tuk rajaei daok caong hu rilo jang dom pok jien meng kadung jien karja piah daong ka bhap bini bhum ia sua.

Tui Danak dak Padai brah Dunya ( WFP), urang dang anak bruk iek lipa kurang pandap mbang di dunya tagok dua mbang lac 345 trieu urang kuhria meng thun 2019, kan kandah kayua jit ruak praong COVID-19, kalin kan mesruh gauk saong bien doi khi hau. Tui Yam ndoc bhum taneh di Danak dak Padai brah Dunya, dahlau tuk jit ruak praong COVID-19 tamuh tabiak, hu 135 trieu urang di dunya kan kathaot. Hadei di nan, urang eik lipa, kathaot rambah tagok veik saong kuhria mboh dahlau meda daok tagok veik kayua bien doi khi hau saong mesruh metak. Dom bruk kan kandah kayua alam moi truong jeng meda jhul bruk kurang pandap mbang, mesruh metak saong di cư biak ralo.

Australia daok kham merat piah pacang Trung Quốc oh blei pulao Conflict, lac labik chiến lược ngan saong taneh ia châu Đại dương ini. Pulao Conflict hu 21 đảo san hô daok langiu tasik gah timur di Australia. Po di dom pulao ini lac 1 doanh nhân urang Australia. Dom đảo san hô ini hu gam tal bruk an ninh taneh ia ngan saong Australia, daok jaik sa dalam dom jalan pajeng ba mangaok tasik saong 3 jalan cáp dữ liệu praong ba dữ liệu di Australia. Thủ tướng Australia ndom lac daok hu bruk meriak gauk di bhum Thái Bình Dương./.

Urang lang: Bhumi & M. Phuong – 26/08