Hu rilo urang njom dom biến thể birau di virus njom mbak samar jang biến chủng dahlau diah

Tui Mentri Y te, urang birau njom ruak COVID-19, urang tame sang iek ruak, urang ruak trak daok tagok samar; rilo tinh ban hu urang njom dom biến thể birau di virus njom mbak samar jang biến chủng dahlau diah. Kuhria ta-eng harei 25/8 dalam negar hu 3.342 urang birau njom COVID-19. Dalam harei hu labaih 12.700 urang  abih ruak saong 2 urang metai di  Tây Ninh saong Bà Rịa- Vũng Tàu. Ini lac harei ka 3 gam gam, urang birau njom ruak dalam negar hu labaih 3.000 mbang dalam sa harei, glong abih dalam jaik 4 bilan tapa.

Bruk kurang jru, pandap y tế jeng daok rah tabiak di dom tỉnh dalam bhum taneran kraong CL. Abih di nyu nan lac, ngan saong dom urang nao iek ruak hu pandar BHYT min jeng daok buh jien tabiak blei jru ngak ka rilo urang ruak mboh duh hatai. Tui urang dang akaok dom sang iek ruak, yaok tỉnh brei samar hu pasak đấu thầu, blei pandap sa mbang haong gauk, brei langyah dahlau, langayh samar ka gah y tế. Yau nan meda plaih hu labaih kurang, jhul samar bruk đấu thầu, plaih suai damuai ba tal kurang jru yau urak ini.

Ngan haong bruk peih ngak dom paok thầu yau urak ini, Tổng Công ty kapal haok Việt Nam (ACV) kuhria mboh lac di puac bilan 10, akaok bilan 11 thun 2022 meda peih bruk padang ngak sang raok tuai mblang kapal haok  Long Thành. Tui Tổng Công ty kapal haok Việt Nam, mbiah tal ini dom paok thầu ngak brei sumu taneh labik tathuak ia saong padang jamang mblang kapal haok piah hu samar drah. Ini lac bruk hu makna praong piah padang sang ga taduan tuai di mblang kapal haok Long Thành vaktu ka 1 njauk bruk ba tabiak.

Pasak Dịch vụ bruk ngak tỉnh Đồng Tháp bahrau ba 54 thực tập sinh tapa negar Japon ngak bruk. Kuhria tal urak ini, dalam tỉnh hu labaih 12.000 urang ngak nao ngak bruk di rilo taneh ia, dalam nan negar Japon hu tal 80%. Piah daong palagaih ka urang ngak, Sở LĐTBXH tỉnh hu pambuak bruk haong dom jabat pambuak tal tacei pato adat hukum, daong brei mesariy phun jien, pabak brei thau ginup ka bruk urang ngak tabiak ngak bruk di taneh ia langiu.

Ngak lakhah haong gauk thun 2022 ngan haong kadha “ Pok meyaom gheih mekre ilamu Viet” hu peih ngak di Harei negar 2/9 di Ban raya HCM hu mbaok di 100 yau dam dara. Dom yau lakhah nan lac dam dara ngak kong hu raidiuk kan kandah saong dom tỉnh urang halan hatian tame ngak bruk pacang caga jit COVID-19. Kadha birau di bruk ngak lakhah haong gauk thun ini lac dom yau hu diễu hành meng radaih buyt dua tal, peih tapa dom jalan pasak Ban raya blaoh nao tal pasak ngak lakhah, payak tuai Long Biên di quận Gò Vấp. Di lakhah ini dom yau daok hu taduan dom paok pandap yau: phiếu blei pandap, alin dua baoh patal, pandap pandar dalam sang, padang ngak duk ndih…

Australia daok dang anak bruk kurang urang ngak biak khang tuk rilo urang ngak likau padeih bruk kayua hu dom ruak hadei di Covid-19. Hu thau, yaok harei di taneh ia ini hu jaik 31 rabau urang ngak likau padeih kayua ruak, samu 12% dom menuac ngak di Australia oh nao ngak yaok harei. Langiu di nan, 2 bang hu rilo menuac abih di Australia lac New South Wales haong Victoria jeng hu 8.580 urang ngak njauk Covid-19 yaok harei. Bruk ini daok ngak brei Australia daok dang anak bruk kurang urang ngak.

Adit anak tal Rajaei Italia meda pabak bruk ramik pasiam bruk drah samar ka khí đốt. Tui kuhria, bruk nan hu dom jalan ngak catang jang yau cakak trun atau bruk jhak abih nan lac padeih pabak khi đốt  meng Nga. Rajaei taneh ia ini oh padeih kham merat duah dom urang pabak karei piah cakak trun bruk blei khí đốt  di Nga  trun daok labaih 18% dalam bilan hè thun anak tal.

Trung Quốc, taneh ia hu nền kinh tế praong ka 2 di dunya, daok rah tapa labaih 70 harei pandiak pa-uh, ia sua saong pandiak bhang, dom bruk bo dom urang khoa học mboh lac daok jeng bhian randap jang saong trak damak jang kayua biến đổi khí hậu. Tui Mintri ngak nong Trung Quốc dalam adit ini, gah meraong Trung Quốc hu mboh tukvak langik pandiak glaong gam gam atah abih kuhria meng di tuk bruk pandiak yau nan hu di 60 thun dahlau. Quốc vụ viện Trung Quốc hu khan brei thau pok jien daong 10 tỷ Nhân dân tệ (lac jaik 1 tỉ 450 triệu USD) piah daong ka urang nong ngak padai gaok kan kandah kayua pandiak bhang./.

Urang lang: Bhumi & M. Phuong – 27/08