Bruk kan kathaot rilo gah, hu trun gam gam, biak rilo, meng 18,1% thun 2012 trun 4,4% thun 2020

Tui pathau khan kan kathaot rilo gah 2021, dalam 10 thun meng bloh, jak jeng di bruk patrun kan kathaot di Việt Nam ngak hu biak siam, njauk caik hatai. Bruk kan kathaot rilo gah, hu trun gam gam, biak rilo, meng 18,1% thun 2012 trun 4,4% thun 2020. Bruk an sinh xã hội di Việt Nam jeng hu tong yaom lac hu peih prong song paglong chất lượng dalam dom thun jiak di ni. Kuhria tal thun 2021, hu labaih 16,5 triệu urang blei bảo hiểm xã hội. Min, jit COVID-19 ngak kan kandah tal rai duik di bhap bini . Bruk kan kathaot ka jien mek tame di anak meta tagok biak rilo dalam jit prong, abih di nyu nan lac, dom nyaom urang di cư song bangsa takik.

Tui Mintri Y tế, yaom lac mek hu rilo jak jeng, min bruk iek glang prein yava urang amaik, uraniah jeng daok rilo cuang kandah. Bruk urang amaik metai di bhum atah bayah, bhum ceik kan kandah glaong jang jaik 3 mbang meteh duk saong bhum thành thị. Di bhum urang bangsa takik, dom uranaih metai glaong jang 7-8 mbang duk haong thành thị. Dom uranaih umo mala 1 thun metai di palei pala glaong jang 2 mbang duk haong thành thị. Dom uranaih lavang lavaih di bhum bangsa takik jeng glaong jang 2 mbang duk haong bhum taneran..

Tuk vak jiak di ni, dom urang ruak COVID-19 dok tagok veik dalam taneh ia meng bruk hu mbaok dom biến thể bahrau di chúng Omicron yau BA.04, BA.05, BA.2.12.1 ... hu prein njaom mbak samar song nyaih hu hệ miễn dịch glong jang. Kayua yau nan ye bruk klauk vaccine COVID-19 , urak ni jeng dok lac bruk siam lagaih song hu makna dalam pacang caga jit ruak. Min, tui mintri Y tế dok hu dom tỉnh ban bruk klauk vaccine ka dom nyaom urang dok suai damuai, vaccine hu parabha, min oh pandar dok rilo .

Kuhria tal harei ini, dalam tỉnh Long An hu 37 labik ngak kong praong abih tih labaih 12.285ha. Urak ini, bruk dui pachreih urang buh jien tame ngak mbang ngan haong danak dak FDI, Long An dang ka 13 dalam taneh ia (hadei di Đồng Nai, Bình Dương, Bắc Ninh, Hải Phòng, Bà Rịa - Vũng Tàu, Thái Nguyên, Tây Ninh, TP.HCM, Bắc Giang, Hà Nội, Vĩnh Phúc, Hưng Yên). Daok bruk dui pachreih urang buh jien tame ka danak dak DDI, Long An dang ka 3 (hadei di TP.HCM saong Bà Rịa - Vũng Tàu).

Uỷ ban Kiểm tra (UBKT) Tỉnh ủy Bình Thuận bahrau peih ngak sarak, jalan pasang iek tuk mboh bruk ngak suan ngan song Đảng ủy pasak pasang iek ruak kik (CDC) tỉnh song Đảng ủy sang iek ruak Đa khoa Bình Thuận. Bruk pasang iek, piah brei mboh cambaih suan, njauk , brei thau cambaih bruk ngak suan di 2 tổ chức đảng nan song urang đảng (meyah hu) pagam tal, piah pasang iek, langyah tui hukum di Đảng, dom quy định di đảng, sarak, hukum di karja ka bruk blei kit test di Công ty Việt Á.

Hạ viện Malaysia bahrau brei tapa danak dak hukum 2 đảng piah patrun patakik bruk dom hạ nghị sỹ salih tapa đảng karei, ngak srau kadau chính trị. Danak dak hukum hu brei tapa dalam tuk labaih 2 thun tapa Malaysia gam gam hu bruk dom hạ nghị sỹ salih tapa đảng karei, salih jalan sahneng, jalan ngak saong salih meng pambuak bruk cầm quyền tapa gah đối lập atau cagar veik. Bruk ini ngak brei chính trường Malaysia bhian srau kadau saong Rajaei hu padang tagok bhian gaok kan kandah dalam bruk khik ramik tani tanat piah pataom tame peih ngak dom sarak đối nội, đối ngoại.

Urang jakar di ban San Francisco di bang California, gah pai negar Mỹ,hu tabiak bruk samar drah piah pacang caga bruk njom mbak dak harei dak tagok di ruak đậu mùa khỉ dalam ban. Hadei di tuk mboh hu sa urang ruak camereip di harei 3/6 meng bloh, kuhria tal harei 27/7, San Francisco hu 261 urang ruak atau medhil lac ruak đậu mùa khỉ. Gah urang jakar dalam ban ndom lac, dom urang ruak daok hu rilo jang dalam dom harei tal.

Hu takik di abih 26 urang metai haong 9 urang njauk rambus kayua hajan praong saong ja kala klaak di bang Bihar, gah timur Ấn Độ harei 28/7 meng bloh. Jaik abih dom urang metai kayua ja kala klaak nan tuk daok ngak bruk di langiu hamu. Urang dang akaok bang Bihar brei buh tabiak labaih 5 rabau USD dalam kadung jien karja bang piah daong ka sang dom urang metai./.

Urang lang: Hani Pha & M. Phương – 30/07