rilo kapul nyaom hu taduan pandap tet di 

Mbang phim "pahadar  92 thun Harei padang Đảng Cộng sản Việt Nam (3/2/1930 - 3/2/2022) song uan thun bahrau anek sak rimong  2022" hu rah tabiak dalam taneh ia meng harei  26/1 tal harei  6/2. Tui nan, dom phim hu palih  ruah chiếu mbang ni  yau ye: Phim truyện "Bình minh đỏ" - Hãng phim Hội Điện ảnh Việt Nam ngak; Phim tài liệu "Chí khí người cộng sản Việt Nam – Trọng trách niềm tin và khát vọng" song phim "Chí khí người cộng sản Việt Nam – Những hạt giống đỏ" di Hãng phim Tài liệu song  Khoa học Trung ương ngak song dom bộ phim biak gheih karei karei.

Dom harei tapa, 7 huyện, ban saong 2 labik bảo trợ xã hội di tỉnh Ninh Thuận samar peih bruk brei labaih 1.500 tấn brah hu Thủ tướng Rajaei buh brei saoh meng Gilang negar piah daong ka rahra dahlau di tuk tame thun bharau anek sak ramaong 2022. Tui Sở Lao động, Thương binh saong Xã hội tỉnh Ninh Thuận, taong abih brah tabiak meng Chi cục Khik piah karja bhum Nam Trung Bộ jeng siam mekre, saong ginup số lượng. Karja dom bhum palei hu brei njauk menuac, njauk urang, oh caik rah tabiak bruk pathau gauk, ngak srau kadau puk palei.

Tuk Tết sak rimong  2022, dalam tỉnh Tiền Giang hu  38.194 urang dalam sarak karja, urang buh pren ka taneh ia  hu taduan pandap di akaok negar; abih tih labaih  11,639 tỷ đồng. Langiu di nan, tỉnh ni hu buh tabiak labaih  27,134 tỷ đồng dong ka 69.460 urang dalam sarak karja dalam tuk Tết. Tui nan, langiu di pandap di akaok negar, 38.194 urang hu buh pren yava ka taneh ia  hu taduan jien dong Tết meng kadung jien di karja pak ni. Urak ni, pok jien, pok pandap hu ba tal tangin mik va.

Đầm Dơi lac huyện tapen tasik di tỉnh Cà Mau, hu jaik 8.000 menuac lac urang bangsa takik, meblah labaih 4,5% menuac sia dalam huyện, rilo di abih lac bangsa Khmer. Dalam nan, hu jaik 20% sang kathaot, jaik si kathaot. Urak ini, huyện Đầm Dơi jeng daok hu 03 xã daok dalam angan xã biak kan kandah, rilo palei hu labaih 50% lac urang Khmer. Piah padang ngak palei pala bahrau hu siam lagaih, huyện pataom tame pasang iek saong brei ngak dahlau dom tanut ngak oh ka ginup, pataom jien padai, prein yava tame ngak piah ka dom xã hu rilo urang bangsa takik ngak hu bruk njauk tukvak ba tabiak.

Dom harei puac thun, "Palei pala bingu kiểng" Chợ Lách-Bến Tre mboh biak chreih chrai. Bhum pala bingu kiểng Chợ Lách yau meon tagok drei  blah aow bahrau bak sambo màu siam gheih di dom janih bingu cảnh pablei Tết Nguyên đán anek sak rimong 2022. Ni jeng lac tuk piah ka tuai tah jiak mai rivang Chợ Lách, gam mong iek bingu, gam palih ruah ka drei bingu mekre di abih mai sang parang Tết.

Tui gah Y tế dunya,  Biến thể Omicron daok hu mbaok biak rilo jang dom biến thể njauk huac kanda karei di dunya, dalam tuk bruk njaom mbak di biến thể Delta daok trun saong dom biến thểlac Alpha, Beta, Gamma njoam mbak biak biar. Min dom taneh ia hu urang njom Omicron tagok samar di bilan 11 saong 12/2021 jeng daok mboh lac dom menuac njom bharau daok takik nao.

Meng harei  26/1, rajaei  Hà Lan brei adat ka dom kuan bar, nhà hàng hu peih pabah mbang  duh ka tuai  hu harak klauk jru, min brei takik veik bruk ngak. Dom tuai oh dok  la tame  bàn ye brei cuk pataih pacang mbaok. Dom labik chiếu phim, rạp hát song muinyim  jeng peih pabah mbang veik, min, dom kalup kapul tuk melam njauk kreik pabah mbang. Dom hukum pacang veik ka sang bac hu pacadu. Min, rajaei  Hà Lan hu panuac ieu brei ngak bruk di sang  song patrun urang nao rivang  trun 4 urang. Dom jalan ngak ni, hu batabiak pandar takik di abih tal harei  8/3.  

Meng ini tal kreh bilan 2/2022, meyah nao tal Miuyim Anek menuac di pasak ban ine Paris, drei hu mboh sa bruk biak karei. Nan lac bruk parang iek hu agan ieu lac “Mbaok meta palei Prang, sa blah sajarah karei di palei Prang”. Mbang camereip abih hu peih tabiak di taneh ia ini, parang iek piah yaih khan 58 mbaok meta praong, dalam dom urang Prang asal negar langiu saong urang negar langiu, mai daok, ngak bruk saong buh prein ka taneh ia Prang meng 230 thun mai ini. Abih di nyu lac dalam 58 urang hu pilih ruah piah parang iek mbang ini, tok hu sa urang asal châu Á, nan lac phi công Đỗ Hữu Vị, mai meng Việt Nam. Ong hu mbaok mesruh dalam lin kapal haoh Prang saong metai dalam mbang kalin kan dunya mbang ka 1./. 

Urang lang: Mousaphuong- Hanipha- 26/1