Rilo bruk main sambai hu peih ngak dalam harei tet 

Uan harei Chôl Chnăm Thmây thun 2022 di bhap bini Khmer, Thủ tướng rajaei Phạm Minh Chính hu payua Harak tadhau ayuh tal bhap bini, urang jakar, dom ong bhik bangsa Khmer. Thủ tướng Rajaei tadhau ayuh bhap bini, urang jakar saong dom ong bhik bangsa Khmer raok Tết meng kan Chôl Chnăm Thmây thun 2022 biak bui sambai, chrieh chrai, haniem phul saong trei sil.

Bộ Chỉ huy quân sự tỉnh Đồng Nai bahrau peih bruk taom mbaok 100 urang dang akaok pan bruk dom agama thun 2022. Tapa nan, ong Nguyễn Sơn Hùng, Phaoak akaok UB bhap bini tỉnh Đồng Nai hu panuac pok meyaom bruk pambuak gauk di tapon nyaom bol pan phao kraong tỉnh Đồng Nai haong dom agama dalam tỉnh dalam tukvak tapa mek hu siam lagaih, rik daong praong tame bruk patagok KTXH di tỉnh, khik kajap AN chính trị, siam mekre sron mbon puk palei. Gam haong nan, hu panuac ieu gah tapon nyaom bol pan phao kraong Đồng Nai njauk sangka padang talei jum pataom bangsa saong dom bruk karei hu pambuak tal agama. Pamaong tal bruk daong bhap bini dom agama samar patruh eik patrun kathaot, paglaong jalan sahneng, pakhang prein yava tui jalan “siam ka dunya, mekre ka agama”.

Hợp tác xã (HTX) kruac bhung kalik hijao tỉnh Bến Tre bahrau peih pakak saong ba tame ngak bruk labik phức hợp đa chức năng di huyện Châu Thành. Ini lac HTX camriep abih di tỉnh Bến Tre hu labik phức hợp đa chức năng piah ba tame ngak meng bruk ngak, pataom blei, khik piah pandap panda tal bruk ngak tabiak pandap panda. Ong Nguyễn Quốc Bảo, akaok Hội đồng quản trị HTX kruac bhung kalik hijao Bến Tre brei thau, tukvak anak tal, HTX ginup prein piah jhul khang bruk ngak mbang, pablei salih, paglaong bruk pataom blei kruac bhung kalik hijao ka dom urang dalam HTX, halain hatain khik caga saong pabak pandap panda ka tuai damuai, abih di nyu nan lac bruk pablei tabiak negar langiu, rik tame bruk paglaong kein lagaih dalam bruk pablei salih di HTX, paglaong jien mek tame di dom urang dalam HTX jang yau urang pala kruac bhung kalik hijao di Bến Tre.

Ndom ka danak dak "Langyah bruk dauk ia ka triều cường di TP.HCM hu kuhria tal bruk biến đổi khí hậu, vaktu 1", ong Nguyễn Huy Bình, akaok jabat Kế hoạch - Đầu tư dalam mBan khik ramik danak dak buh jien tame padang ngak hạ tầng đô thị TP.HCM brei thau, danak dak hu yaom jien buh tame ngak abih tih jaik 10.000 tỷ đồng, ngak hu blaoh labaih 90%. Min kayua oh ka hu mbaoh tangin tame harak pambuak bruk dui atah tukvak ngak salah (abih hạn meng bilan 6/2020) nan ye danak dak brei padeih ngak meng puac thun 2020. Hu thau, ini lac danak dak praong di TP.HCM, piah pacang ia dauk saong dom kan kandah di biến đổi khí hậu gah hanuak kraong Sài Gòn saong pasak TP.HCM. Danak dak hu peih tabiak ngak meng kreh thun 2016,  tui kuhria hu ngak salah di thun 2018. Min kayua gaok rilo kan kandah tavak tavaiy, nan ye tal urak ini danak dak jeng oh ka ngak blaoh.

Meng akaok thun tal urak ini, ruak pandiak tabiak darah di An Giang tamuh tabiak khang, dang ka 2 dalam gah maraong, hadei di TP. Hồ Chí Minh. Urak ini dalam tỉnh hu labaih 900 urang njauk ruak pandiak tabiak darah, tagok 232% dut saong tukvak ini thun blaoh. Gah y tế An Giang hu duah mboh, langyah labaih 322 sruh jit pandiak tabiak darah, ka oh mboh urang ruak halei metai. Gam tui di nan, kakei dom labik pataom tame pasang iek piah duah mboh saong langyah samar yaok sruh jit pandiak tabiak darah tuk duah mboh piah oh caik tamuh tabiak saong takik di abih dom urang metai.

Dalam mbang họp báo di Brussels (Bỉ) harei 24-3, Tổng thống Mỹ Joe Biden hu panuac lac Washington meda taong veik meyah gah Nga pandar vũ khí hóa học di Ukraine. Tuk hu tangi sua lac, Tổng thống Nga meda brei pandar vũ khí hóa học di Ukraine halei oh, Mỹ atau NATO brei ngak yau habar tuk hu bruk nan, ong Biden lac: "Oh khan brei thau hu bruk kandauk... kol dahlak meda taong veik meyah Nga pandar vũ khí hóa học". Hadei di Nyaom biai pakat glaong abih di Kapul Dom taneh ia ngak kong cakrok dang akaok dunya (G7) Brussels,dom urang dang akaok G7 jeng hu panuac kakei Nga oh brei pandar dom janih vũ khí sinh học, hóa học atau hạt nhân dalam bruk mesruh di Ukraine.

Hadei di tuk Triều Tiên cuh iek tên lửa đạn đạo xuyên lục địa praong abih meng dahlau mai, Tổng thống Hàn Quốc Yoon Suk-yeol brei thau lac, Triều Tiên meda “oh mek hu hagait” meng dom mbang cuh iek tên lửa đạn đạo saong dom bruk ngak khiêu khích dalam bhum. Tổng thống  Hàn Quốc brei thau, taneh ia ini meda peih bruk padang sa thế trận an ninh biak khang kadang jang, piah pacang caga haong yaok bruk rahtabiak dalam bhum. Dalam tuk nan, hãng thông tấn negar Triều Tiên dah page ini jeng hu panuac brei thau bruk cuh iek tên lửa đạn đạo Hwasongpho-17 bahrau, tui pato tacei tapak di urang par akaok Kim Jong Un.

Jabat Hàng không vũ trụ Mỹ (NASA) khan lac hu mboh gac 65 hành tinh bahrau, patagok dom hành tinh hu mboh langiu hệ Mặt trời tal urak ini tagok tal 5.005 baoh. Dalam 65 hành tinh bahrau, hu rilo baoh taneh biak praong saong hành tinh daok jaik patuk Hải Vương, gam haong dom hành tinh pandiak yau ye sao Mộc. Jeng hu 2 hành tinh praong nde baoh taneh, min nhiệt độ nyu biak glaong, labaih 327OC. Roh duah nan hu pabak tame gilang khik piah langiu baoh taneh di NASA./.

Urang lang: Mousaphuong -Thu Thảo -25/3