Urang Khmer uan raok tet co truyen biak chreih chrai 

Di Nyaom biai pachreih urang buh jien tame ngak mbang di 2 huyện Hóc Môn saong Củ Chi rah tabiak di harei 12/4, Akok negar Nguyễn Xuân Phúc caong khin Ban raya HCM brei pambuak dom mentri samar ba tangin tame lang talaih dom kan kandah ka jalan peih ngak piah samar ja ba urang buh jien tame ngak dom jalan drah samar hu makna praong, pambuak  dom labik yau jalan peih drah samar Ban raya HCM - Mộc Bài, ngak salah jalan vành đai 3 piah ba Hóc Môn, Củ Chi nao saong mai di gah Pei jaik gah timun. Tui nan brei buh jien tame ngak jalan vành đai 4 piah pambuak bhum Ban raya HCM, jalan tapen kraong Bai Gon saong labik dalam ban, pambuak dua huyen saong mblang kapal haok, labik tapen tasik  dunya.

Hadei di 2 thun brei padeih ngak kayua jit praong COVID-19, harei pataom báo pakat negar thun 2022 ngan saong kadha "Báo chí Việt Nam jum pataom, gheih ghang, hiện đại saong nhân văn" hu peih tabiak tuk page mesup ini di Hà Nội. Harei pataom báo pakat negar thun 2022 lac panuac brei thau taneh ia yam tapa tukvak siam mekre bahrau hadei meng dom kan kandah di jit praong COVID-19; lac tuk pok meyaom bruk cakrok khang kadang, dom jak jeng praong di báo chí Việt Nam, yaih khan dom kadha báo chí gam haong hatai sahneng duah di dom urang ngak báo dalam taneh ia.

Uan raok Tết Chôl Chnăm Thmây thun 2022 di bhap bini Khmer, Mban bangsa tỉnh Trà Vinh pambuak saong Gilang Pariak cổ phần Ngoại thương Viet Nam (Vietcombank) - Dhar tỉnh Trà Vinh alin 1.250 paok pandap ka urang bangsa Khmer kathaot dalam tỉnh, kuhria abih tih 500 trieu dong. Di harei roya ini, tỉnh Trà Vinh padang kapol nyaom nao rivang, alin pandap di dom baha  Phật giáo Nam tông Khmer, baoh sang urang naih gheih bangsa Khmer saong dom đơn vị hu rilo urang bangsa Khmer. Kuhria abih tih jien buh tame ngak dom bruk nan lac labaih 1,1 tỷ đồng.

Tui Tổng cục Yaok pataom, dalam 3 bilan akaok thun ini, urang ngak di 3 labik hu jien bilan glaong abih dalam taneh ia lac TP.HCM, Bình Dương haong Đồng Nai. Dalam nan, urang ngak di ban raya HCM hu jien bilan kuhria rah tapa lac jaik 9 triệu đồng sa bilan, di Bình Dương lac 8 triệu 600 rabau đồng sa urang sa bilan, saong di Đồng Nai lac  8 triệu 500 rabau đồng sa bilan.

Danak padang ngak jalan tathuak ia saong tauk patau tapen jalan raya 60 dalam huyen Châu Thành, tỉnh Bến Tre atah jaik 8km, ngan saong phun jien jaik 100 tỷ đồng piah peih jalan praong parang brei ka urang nao takai…Yau nan min, tuk danak dak ngak hu salah blaoh ye D.N, urang lih mek taneh ngak labik pablei salih, oh daok labik ka urang tabak. Meyah  huyen Châu Thành oh pasiam bruk ini ye phun jien di karja buh tame ngak oh lagaih.

Thủ tướng Anh Boris Johnson haong Akaok Mintri Jien padai saong yaok pluh urang karei njauk cảnh sát taneh ia ini phạt kayua ngak suan dom adat pacang caga jit COVID-19 tuk hu mbaok tame dom bruk pataom gauk rilo menuac di jabat saong di labik daok di Thủ tướng Johnson. Dahlau di nan, sa bruk duah thau hu mboh lac thủ tướng saong menuac ngak labik nan hu mbaok tame dom var mbang menyum hu pandar alak. Bruk nan ngak brei hatai jia tame Thủ tướng Anh trun biar, dalam tuk dom đảng đối lập ieu ong Johnson padeih ngak kayua ngak suan adat.

Dom kapol daong urang gaok bala di Philippin daok samar drah piah duah 28 urang lahik, hadei tuk rabuk nhiệt đới Megi rah tabiak praong saong glut jaleih di dom labik gah Meraong saong Đông taneh ia ini. Mbiah tal ini hu 30 urang metai, labaih 100 labik daok di bhap bini, abih di nyu lac dom labik jaik tapen kraong saong tapen tasik, dauk dalam ia ribuk hadei dom mbang hajan gam gam di puac adit tapa.

Liên hiệp quốc brei thau, jaik 6 triệu urang Somalia daok kurang pandap mbang biak khang, bruk eik lipa meda hu di 6 bhum dalam taneh ia châu Phi ini. Daok di Nam Sudan, jaik 70% rahra jeng meda gaok eik lipa meng bilan 5 tal. Liên hiệp quốc ieu dom taneh ia samar daong brei jien padai piah daong menuac, pabak bruk caong hu dak harei khang di 2 taneh ia ini./.

Urang lang: Mousaphuong -Ái Nghiêm -13/4