Akok negar meyaom dom kamuan kayua mek hu tanut glong dalam bruk bac megru

Uan raok Tết Trung thu thun nasak Rimong 2022, Akok negar Nguyễn Xuân Phúc hu payua Harak thư payua dom kamuan uranaih dalam negar. Dalam harak thư Akok negar meyaom dom kamuan kayua mek hu tanut glong dalam bruk bac megru, kham merat dalam raidiuk saong dom bruk rik daong ka bhap bini; tui nan caong khin yaok baoh sang, dom pakat, dom gah saong manuac sia, meng bruk ngak, meng hatai ranam brei patui veik dom bruk ngak lagaih jang, sangka daong ka dom kamuan uraniah.

20 doanh nghiệp dalam song langiu negar lac labik blei pandap song 130 labik pabak pandap ngak cong bahrau hu mbaok tame nyaom biai duah labik pabak pandap ngak cong dong brei di TPHCM. Tui urang pal akaok Sở Công thương TP.HCM, dom pandap ngak cong parang iek mbang ni, hu ilamu biak kan, siam jang dom mbang dahlau. Rilo doanh nghiệp FDI jeng tong yaom glong ka bruk ngak tabiak dom pandap ngak cong dong brei di doanh nghiệp Việt Nam , song hu panuac ieu doanh nghiệp Việt salih bahrau gah quản trị dalam bruk khik ramik pandap ka nyu tani tanat.

Dom harei tapa tỉnh Tiền Giang hu hajan praong, ia hajan meng 50-80mm, ngak brei dauk ia di rilo labik praong, ngak khut bein phun mbang baoh, njam patam saong abih rilo jien tuk urang nong njauk buh jien tabiak piah njuk tathuak ia tabiak. Trak abih lac njam patam pala di hamu tuk dauk dalam ia rilo harei ngak bruk. Dom xã bhum pala njam patam di huyen Châu Thành hu yaok rituh ha dauk dalam ia, rilo urang ngak nong danga anak bruk khat lahik abih tih.

Anak khaw tin lac sang di sa urang metai dalam bruk khuah kuan karaoke An Phú di Bình Dương khan lac oh hu dong jien, dalam tuk karja lac hu . Urang pal akaok ban Thuận An ndom lac bruk nan "kayua hiểu lầm". Meng di tuk bala rah tabiak, Karja hu dong 5 triệu đồng ka dom urang njauk rambuac, dom sang urang gaok bala metai hu dong 30 triệu đồng. Po labik karaoke An Phú hu panuac sinya dong ka urang njauk rambuac 5 triệu đồng , song kuhria abih jien ndua iek ruak, urang metai 30 triệu đồng. 

Công an tỉnh Vĩnh Long brei thau, birau hu uranaih likei umo 11 thun metai kayua mblung ia tuk nao menei ia kraong. Yau nan oh ka bak 1 bilan tapa, tỉnh ini hu 5 uranaih metai kayua mblung ia. Anak bruk rah tabiak gam gam uraniah metai kayua mblung ia, UB bhap bini tỉnh Vĩnh Long brei panuac tacei ba dom gah, bhum palei pakhang bruk tacei ba peih ngak catang danak dak pacang caga bala, njauk rambuac, mblung ia di uranaih. Abih di nyu brei caik hatai jhul pakhang bruk pambuak pathau khan, pato pakai piah paglong jalan sahaneng, bruk ngak di dom jabat, kapol nyaom, urang saong bhap bini ka bruk pacang caga bala di uranaih. Iek praong bruk peih tal tacei pato ilamu caluai ia ka uranaih.

Thái Lan daok peih bruk taduan đơn likau daok suai lavik ( ieu katut lac LTR) piah dui pachreih 1 triệu urang negar langiu kaya meda atau naih gheih mai tal Thái Lan dalam 5 thun tal piah rik tame 1 rabau tỉ baht (samu 27 tỉ USD) ka nền kinh tế. Dom urang ilamu mboh lac, bruk ngak nan lac njauk tukvak, dalam tuk kinh tế Thái Lan hu kuhria mboh dahlau lac meda tagok mala 3,5% dalam thun ini, yaom lac hu dom salih bahrau dalam gah ngak kong praong yau ye du lịch saong đầu tư meng negar langiu.

Thành Đô lac ban praong di tỉnh Tứ Xuyên, tây nam Trung Quốc brei pacang abih ban tuk hu jit COVID-19 oh ka pacang cakak hu. Taong abih bhap bini njauk pacang brei dut iek ruak yaok harei saong yaok baoh sang hu brei sa urang tabiak gah langiu yaok harei piah blei pandap mbang saong pandap karei. Rilo D.N di Thành Đô brei padeih ngak bruk. Dalam harei 7/9, Trung Quốc hu 1.334 mbang urang birau njom ruak, ralo dalam dom urang nan mboh jaik ruak.

Nga brei thau lac oh “kreik pabah mbang” song châu Âu piah cagar veik bruk Liên minh châu Âu (EU) ba tabiak dom jalan ngak catang bruk brei thị thực ka bhap bini Nga. Panuac nan, hu batabiak dalam tuk adit dahlau dom akaok mintri EU njauk gauk brei padeih bruk thỏa thuận , palagaih ka bruk brei thị thực di EU song Nga hu mbaoh tangin tame di thun 2007. Bruk ni, oh lac hu makna song sa bruk pakuah brei tame ngan song bhap bini Nga , min hu panuac ieu EU batabiak dom adat bahrau ./.

 Urang lang: Hani Pha & Bhumi – 10/09