Page ini 4/1 di Hà Nội, UB Bangsa peih nyaom biai pakat negar pataom iek veik bruk gah bangsa thun 2022; pataom iek 1 thun peih ngak Danak dak Pakat negar patagok kinh te - xa hoi  bhum urang bangsa takik saong bhum ceik vaktu 2021 -2030, vaktu ka 1. Tui UB bangsa, dalam thun 2022, baoh sang kathaot rilo gah trun meng 1% tal 1,5% sa thun, dalam nan baoh sang kathaot  bangsa takik trun labaih 3% sa thun; baoh sang kathaot di dom huyen kathaot trun meng 4% tal 5% sa thun. Akok mentri, Chu nhiem UB Bangsa Hầu A Lềnh khan lac, dalam dom thun tapa, Rajaei hu rilo sarak piah patagok bruk ngak mbang kinh te di bhum urang bangsa takik saong bhum ceik, dalam nan hu bruk praong lac gah ngak nong. Ini lac dom bruk hu ba tabiak ngak bo UB meda peih ngak dalam tukvak anak tal.

Tui Sở LĐTBXH tỉnh Trà Vinh, dalam thun 2022, tỉnh trun hu 4.803 baoh sang kan kathaot tui tanut chuẩn kathaot rilo gah. Dalam tỉnh urak ini daok hu 5.404 baoh sang kathaot, meblah 1,88% dom sang bhap bini. Hu yau nan, mai meng dalam thun bloh, Trà Vinh ieu pataom hu labaih 1.250 tỷ đồng daong ka mikva mesraiy piah patagok kinh tế, duah bruk ngak… Langiu di nan, baoh sang kathaot daok hu daong brei ia hacih piah pandar, brei saoh thẻ BHYT, padang ngak sang daok. Thun 2022, jaik 1.000 sang kathaot hu sang bahrau meng Kadung jien An sinh xã hội.

“Tong tien cong saong broh tagok Xuan Mau Than 1968 - Sajarah kanal miat” lac angan kadha parang iek thaot binguk peih tabiak page ini di Ban raya HCM. Prang iek hu peih tabiak meng ini tal harei 15/1 di 3 labik dalam Quận 1 lac: Công viên Lam Sơn, jalan Đồng Khởi saong Hội trường Thống Nhất. Yaok labik  hu parang iek 80 thaot binguk, brei mboh prein khang, abih hatai kham merat, jalan sahaneng hadah krah di bol lin saong bhap bini drei meng Chien dich peih paha Nậm Bạc ( Thượng Lào) tal dom bruk tiến công rah tabiak praong grauk bhum kreh negar saong gah Meraong  dalam dom harei Tong tien cong bilan Xuan Mau thun 1968 kayua caong khin pahu doc lap bangsa, yasa taneh ia, caong khin sron mbon “ Barak  - Meraong tame sa baoh negar, xuan halei bui jang” yau caong khin di Wa Ho praong uranam.

UBMT negar Việt Nam tỉnh Bình Thuận bahrau peih bruk taom mbaok labaih 120 halau janeng dom agama, bangsa, urang hu angan je dalam tỉnh. Tapa nan, urang pan akaok tỉnh Bình Thuận caong khin dom halau janeng patui jalan patagok bruk dang akaok, jak ba bhap bini rik prein yava, sa hatung hatai haong gauk peih ngak hu dom bruk patagok KTXH dalam thun 2023, pakhang, pakajap saong patagok bruk jum pataom bangsa. Jeng tapa nan, dom urang mai pataom mbaok hu nao ravang iek, duah thau dom danak dak praong, dom bruk ngak nong pandar ilamu glaong di tỉnh.

Birau tame bilan yuak padai Đông Xuân thun 2022-2023, min urang ngak nong di Soc Trăng biak chreih chrai kayua bilan padai thun ini njauk padai gam pablei hu yaom jang bilan yuak padai thun 2021 -2022, urang ngak padai laba yaok ha meng 30 trieu dong tagok. Di xã Phú Tâm, huyện Châu Thành, dalam xã hu yuak jaik blaoh abih, sa hecta hamu padai hu meng 5,2 tấn tagok, yaom padai glong jang thun dahlau yau nan ye mikva laba jeng glong jang. Bilan padai Đông Xuân thun ini, dalam tỉnh trun pajaih labaih 171.000 ha.

Jit praong COVID-19 saong bruk kreik pabah mbang negar nyu ngak brei menuac sia di Australia tagok suai veik saong taha jang duk haong kuhria dahlau daih mai meng jit praong COVID-19. Tui nan, pathau khan kuhria mboh lac menuac sia Australia meda hu 30 triệu urang di thun 2032 - 2033, takik jang 4% duk haong kuhria mboh dahlau di thun 2020. Akaok Mintri Ngân khố taneh ia ini brei thau, bruk menuac sia takik jang saong taha nao lac bruk njauk duh hatai, abih di nyu lac dalam tuk di mangaok dunya umo thun taha daok tagok glaong saong menuac sia taha nao.

 Canada taduan urang tame negar daok ralo abih dalam thun 2022, hu labaih 431.640 urang birau mai daok, dalam tuk thun 2021 tok hu 405.000 urang. Bruk patuh tabiak nan daok dalam jalan ba ngak di Rajaei Canada piah pabak bruk kurang mamuac negar karei tame mai dalam thun akok meti rah tabiak jit ruak COVID-19, jeng yau caga bruk urang dak harei dak taha saong kurang manuac ngak bruk. Urang negar karei tame mai urak ini meblah 75% bruk dan so parilo tagok di Canada. Dalam 3 thun anak tal, rajaei liên bang hu ba tabika bruk taduan 1,45 trieu urang birau mai daok, sumu 3,8% bhap bini dalam negar.

Rajaei Séc daok caga am cuh klaak 220.000 drei menuk di sa labik raong praong daok di gah pai taneh ia ini hadei di tuk jit kum menuk ada hu mboh di adit dahlau. Ini lac mbang tamuh jit kum menuk ada praong abih kuhria meng dahlau mai di Séc. Jit kum menuk ada daok ngak brei yaom pandap mbang di Séc tagok glaong. Dom taneh ia blei menuk ada daok ba tabiak dom jalan ngak catang gah pablei salih ngan saong dom labik hu kum menuk ada./.