Anek saih hu nao bac di harei 12/4 

UB bhap bini Ban raya HCM birau hu harak samar chip tacei ba meng harei 12/4, peih bruk iek glang, pato bac tapak ka taong abih anek saih meng pakat mầm non tal tal 12 ( oh kuhria dom urang brei daok karei piah tui iek ruak). UB bhap bini Ban raya HCM iew brei peih ngak catang dom jalan khik brei salamat bruk pacang caga jit saong siam mekre sang bac, iek praong var mbang huak ndih daok piah daong ka dom sang bac dalam ban raya peih bruk pato bac tapak, daong amaik ame hu sahanang hatai tuk brei anek saih mầm non saong tiểu học nao bac.   

Pasak Khik ramik Inem mek Medil Huế brei thau, muột (tamo) ong praong saman patao Nguyễn saong ao Nhật Bình hu ba meng Tây Ban Nha mai tal Huế, tui kuhria harei 17/4 tal, tỉnh Thừa Thiên -Huế peih bruk taduan mek dom pandap nan, bloh hadei di nan peih parang iek brei ka bhap bini saong tuai damuai mai maong iek. Dahlau di nan, Công ty CP Tập đoàn Sunshine hu mbaok tame to yaom saong blei hu 2 pandap quý saman patao Nguyễn, lac: muột (tamo) ong praong saman patao Nguyễn yaom 600.000 Euro (jaik 16 tỷ đồng) saong ao Nhật Bình hu pablei yaom 160.000 Euro (labaih 4 tỷ đồng), ka oh kuhria jien phí, jien je tui adat. Công ty CP Tập đoàn Sunshine hu panuac alin hadiah tỉnh  Thiên Thiên-Huế dom pandap ini piah parang iek

Tui bruk ba tabiak, thun 2022 tỉnh Ninh Thuận brei panduan ba labaih 15% labik raong glang athur tabiak  truh labik oh hu adat atau padeih bruk raong glang. Tal thun 2023 meda brei panduan ba labaih 40% var ro raong glang . Mbiah tal thun 2024 meda ngak salah siam mekre bruk panduan ba, padeih bruk raong glang di dom var ro raong athur dalam  labik oh hu adat raong glang.

Akaok UB bhap bini tỉnh Đồng Nai bahrau hu harak brei bruk ka dom gah pambuak tal, pasang iek bruk khik ramik, pandar rilo taneh karja di dalam ban Biên Hòa mboh yau khik iek biak cadu, brei pah suan bruk, klaak saoh atau suai ba tame pandar. Hadei di nan, dom gah pataom iek veik, pathau khan brei thau cambaih saong pok tagok UBND tỉnh Đồng Nai jalan langyah catang bruk ngak suan di dom kapul nyaom, menuac urang hu pagam pambuak tal.

Tỉnh Tiền Giang hu labaih 10.000 ha bein pala sa janih phun durian. Urak ini, bein durian di tỉnh Tiền Giang yam tame bilan paih baoh. Dut saong bilan dahlau yaom durian trun labaih 15 ribau đồng sa kilo, yau nan min po bein daok hu laba  meng 10 -15 ribau đồng sa kilo. 

Rilo taneh ia Mỹ Latinh brei thau tanut lạm phát tagok glaong di abih dalam rilo thun tapa. Lạm phát yaok bilan di Braxin tagok glaong jang tanut kuhria dahlau, tagok glaong abih dalam 28 thun, dalam tuk Chile tanut lạm phát yaok bilan glaong di abih dalam jaik 30 thun. Mê-hi-cô brei thau tanut lạm phát yaok bilan glaong abih dalam 21 thun saong Peru lac glaong abih dalam 25 thun. Tanut lạm phát yaok thun tagok glaong, haong yaom pandap saong yaom xăng menyek tagok, ngak ka bhap bini njauk sahneng kuhria dalam cai pandar.

Tui panuac khan tuk camereip hu ba tabiak di mong 8 melam blaoh (10/4) tui mon di negar Pháp, urang daok ngak Tổng thống Pháp urak ini, lac ong Emmanuel Macron dang akaok dalam dhi 1 bruk pilih ruah Tổng thống Pháp thun 2022 ngan saong 28% dom phiếu bầu. Dang hadei ong Macron lac urang tui jalan cực hữu, amuk Marine Le Pen hu 23,2% dom phiếu bầu. Yau nan, ong Macron haong amuk Le Pen meda lac 2 urang hu tame dhi 2 bruk pilih ruah Tổng thống di harei 24/4 tal.

Campuchia klaak bruk cuk pataih pacang mbaok di 4 tỉnh dalam 25 tỉnh dalam taneh ia meng harei ini piah yam tal diukrai siam mekre bahrau haong Covid-19. Thủ tướng Hun Sen ndom lac, bruk ini hu ba tabiak hadei di tuk hu Rajaei saong dom mintri, dom urang ilamu ginum biai biak tani tanat./.

Urang lang: Mousaphuong- Ái Nghiêm -11/4