Tỉnh Bình Dương daok brei pabak riyak wifi oh mek jien di 10 labik công cộng

Anak bruk dom tỉnh suai peih ngak tui sarak daong jien pah sang ka urang ngak tui sarak 08, Thủ tướng Rajaei birau jao Mentri Lao động-Thương binh saong Xã hội  dang tabiak, pambuak saong dom jabat pambuak tal, suai di abih lac dahlau harei 15/8 brei peih bruk khan brei gah mbao thau, ginum biai saong dom tỉnh piah duah thau kayua meng halei suai damuai saong hu jalan langyah, samar langyah bruk peih ngak sarak daong jien pah sang ka urang ngak hu samar, lagaih. Tal urak ini jeng daok 29 tỉnh oh ka peih brei jien daong apah sang ka urang ngak.

UB bhap bini ban sit Thuận An, tỉnh Bình Dương daok brei pabak riyak wifi oh mek jien di 10 labik công cộng. Ong Nguyễn Thanh Tâm, Chủ tịch ban sit Thuận An brei thau, bruk pabak riyak wifi oh mek jien di dom labik hu rilo rahra nao mai piah paglaong siam lagaih bruk salih bahrau hành chính, abih di nyu lac paglaong chất lượng, siam lagaih bruk peih ngak Dịch vụ công online. Tapa nan, jhul khang bruk chuyển đổi số dalam ban sit Thuận An.

UB bhap bini TP.HCM birau patabiak tukvak ka thun bac 2022 -2023 ngan haong dom pakat bac pho thong di Ban raya. Tui nan, dom sang bac mầm non saong pato megru phổ thông, pato megru thường xuyên peih thun bac birau di harei 5/9 anak tal gam haong dom sang bac dalam negar. Daok harei tame bac, dom sang bac mầm non meda brei tame bac  di harei 31/8, anek saih dom pakat Tiểu học tal Trung học phổ thông, bổ túc brei tame bac di harei 22/8 ini. Tukvak tamat thun bac 2022-2023 di dom pakat di Ban raya HCM lac meng harei 22/5  tal harei 26/5/2023.

UBND tỉnh Kiên Giang bahrau ramik veik danak dak padang ngak 18 cống angaok jalan ar tasik, tapen tasik dom huyện An Biên, Châu Thành, Kiên Lương saong padang điện ka jalan An Biên - Châu Thành. Bruk ngak nan piah patagok prein lagaih haong langik tasik, halau ia saong caga pacang biến đổi khí hậu, ia tasik tagok glaong ka bhum praong jaik 10.300 ha di huyện Châu Thành saong jaik 110 rabau ha di dom huyện Kiên Lương Giang Thành, Hòn Đất, caga pabak bruk salih janih pala, ngak, khik caga alam moi truong, rik daong patagok KTXH saong paglaong raidiuk di bhap bini.

Dalam 2 harei tapa, hajan khang ngak par tabung 8 baoh sang di mikva daok di huyen Vị Thủy saong ban Vị Thanh, tỉnh Hậu Giang. Hajan khang ngak par tapung sang ngak bruk di UB bhap bini ban sit Mái Dầm, huyện Châu Thành. Meng akok thun tal ini, ti tỉnh Hậu Giang, dom mbang hajan hangin khang ngak jaleih 13 baoh sang; par tabung 54 boah sang, 2 duk bilik bac, 1 got talei phone, 1 got labik ngak bruk di Ub bhap bini ban sit , kuhria rah tapa mboh khat lahik jaik 1 tỷ 800 trieu đồng.

Urang jakar Hàn Quốc khan lac 16 urang metai atau lahik saong labaih 2.500 sang dauk dalam ia kayua hajan biak praong, khang dalam adit ini di ban ine Seoul saong dom labik karei di gah kreh saong gah timur negar ini. Hajan praong dui atah 3 harei jeng ngak ka rilo bruk njauk klaih klaoh. Rilo jalan di bhum đô thị Seoul njauk ia dauk ngak brei radaih pui saong radaih điện brei padeih. Jaik abih dom dịch vụ hu pasiam veik di tuk mesup ini, dalam nan hu radaih điện Seoul.

Mỹ pok sap iew karja Nga samar bayar veik abih quyền pasang khik sang mac điện hạt nhân Zaporizhzhia saong dom labik hạt nhân karei ka Ucraina. Thư ký Báo chí Nhà trắng Karine Jean-Pierre brei thau, Mỹ daok tui iek kajap  bruk rah tabiak di dom labik hạt nhân di Ucraina. Tui nan, brei mboh karja Mỹ taong yaom glong bruk sanya di jakar Ucraina dalam bruk khik kajap an ninh hạt nhân dalam tuk kan kandah yau urak ini.

Kuhria meng hadei di tuk gah Taliban tagok pan karja Apganixtan, bruk KTXH di taneh ia ini dak harei dak trun. Bruk ini dui tui rilo kanjah jhak, nan lac bruk uranaih lavang lavaih dak harei dak rilo. Tui Liên hợp quốc, 3/4 menuac sia Apganixtan daok laik tame kan kathaot, eik lipa di abih, 4,7 triệu menuac dalam nan hu 1,1 triệu uraniah mbuan laik tame lavang lavaih biak khang dalam thun ini./.

Urang lang: M. Phuong & Bhumi – 10/08