UB bhap bini huyen Nhà Bè, TPHCM birau peih bruk an khan Sarak di Thủ tướng Rajaei taduan brei angan xã An toàn khu di huyện Nhà Bè. Tui nan, Nhà Bè hu 6 xã lac Hiệp Phước, Phú Xuân, Long Thới, Nhơn Đức, Phước Kiển, Phước Lộc saong ban sit Nhà Bè taduan angan  xã An toàn khu. Bruk taduan brei angan xã An toàn khu  ngan haong 7 xã, ban sit di huyen Nhà Bè meda hu peih tabiak siam lagiah birau ka bruk dak padang saong cak rok patagok gam haong bruk ngak cách mạng hadah hadai meng kan mai, anh hùng dalam mesruh metak saong chreih chrai pakacah gauk ngak mbang brei tabiak pandap pandar. Meng bruk jum pataom gauk, sa hatung hatian,  Đảng bộ, kanja saong bhap bini dalam huyen Nhà Bè daok patagok dom bruk ngak hu jak jeng nan, vak tame blah tapuk sajarah birau di bhum palei anh hùng haong angan xã An toàn khu ndung bak makna.

UBND tỉnh Bình Phước bahrau hu harak brei padeih ngak quy hoạch labik ngak kong saong labik dân cư Đồng Phú, praong labaih 6.300 ha. Danak dak hu kuhria ngak tui jalan công nghiệp - dịch vụ saong đô thị pambuak gauk. Danak dak hu kuhria peih ngak dalam thun 2022 saong hu caong lac rik daong patagok bruk ngak mbang, ngak huak di tỉnh, min tal urak ini brei padeih ngak. Dahlau di nan, mbang tui danak dak ini, gah pablei salih taneh riya ba gauk tagok Bình Phước blei taneh parabha nền pablei veik ba tal rilo mbang taneh tagok yaom biak khang. 

Tỉnh Tiền Giang birau brei thau bruk padang tabiak saong jalan patagok  nhãn hieu angan “ Tamekai Gò Công”. Ini lac jalan adat hukum piah dom baoh sang urang pala, pablei tamekai hu pandar angan saong pablei baoh yamen bingi di bhum palei, ba baoh tamekai Gò Công tame dom cửa hàng sit, darak sieu thi…rik tame paglong  yaom saong prein meriak gauk di baoh tamekai ini. Tamekai  lac janih kaya nong đặc sản di bhum taneh ini ngan haong taneh pala jaik 200ha. Dahlau diah, jeng di huyen Gò Công, Cục Sở hữu trí tuệ hu brei harak  khik caga nhãn hiệu  angan “ Brah Gò Công”.

Tui Sở Công Thương tỉnh Sóc Trăng, urak ini hu 14 doanh nghiệp peih bruk khik piah pandap, ngan haong 140 labik pablei pandap tani tanat yaom kaom duh ka bhap bini blei pandar tuk Tết thun sak tapai haong yaom pandap abih tih lac labaih 237 tỉ đồng. Langiu di nan, meng harei 15.1.2023 tal harei 15.2.2023, Cục Khik ramik darak pasar tỉnh meda tabiak mbaok pasang iek dom labik ngak, pablei salih pandap piah samar pacang cakak bruk ngak pandap, pablei salih pandap nhập lậu, pandap ja, pandap oh siam, padauk pandap piah pablei tagok yaom suan adat hukum.

Trung tướng Tô Ân Xô, Chánh văn phòng Mentri Công an brei thau: Dom urang njauk duis dalam vụ án Việt Á saong  “mbang par daong pakalah” daok hu rilo menuac urang jang. Jabat pasang iek  kham merat ngak brei tamat 2 vụ án nan dalam quý 1 thun 2023. Meng tuk chap mek vụ án Việt Á, mbiah tal ini ba tabiak kaoh tui hukum 29 mbang di ralo labik, 102 bị can kuhria mboh jien mek tame, dom urang nan bayar veik lac 1.670 tỷ đồng.  Bruk “mbang par daong pakalah”  ba tabiak langyah 39 urang njauk dius, jien mek hu, dom urang njauk dius bayar tame  lac 80 tỷ đồng.

Hãng Yonhap ba panuac khan di Mintri Thống nhất Hàn Quốc brei thau, taneh ia ini hu brei tapa pok jien daong ngak pahla tư nhân yaom abih tih 5,5 tỷ won (samu 4 trieu 320 rabau USD) brei ka Triều Tiên dalam thun 2022. Sa urang jakar ngak praong di Mintri Thống nhất javap jalei panuac tangi sua di urang ngak báo brei thau: "Rajaei daok kuhria brei tapa panuac likau di dom kapul dân sự ba pandap daong ngak pahla ka Triều Tiên dalam thun 2023 hadei di tuk pasang iek harak likau di urang." Hàn Quốc meda duah jalan pabak pandap daong ngak pahla ka Triều Tiên tapa dom kapul langiu rajaei, yaom lac bruk chính trị  saong quân sự nyu yau habar.

Dalam 6 bilan puac thun 2022, bruk ngak mbang tayak tayaic hu tut angan brei thau di Thụy Điển tagok glong abih kuhria dalam 10 thun tapa, hu jaik 3.500 công ty payua harak tame likau pha sản. Kuhria dalam bilan 12, dom mbang phá sản tagok 17% saong kuhria abih tih công ty  birau padang tagok  di taong abih gah trun 13% dut haong tukvak ini thun dahlau. Bruk ba tal lac kayua mesruh metak di Ukraine ngak ka bruk lạm phát  tagok saong jhul yaom năng lượng tagok glong.

Thun 2022, Tây Ban Nha rah tapa thun pandiak pa-uh di abih kuhria meng di tuk jabat khí tượng taneh ia ini yaok pataom dữ liệu. Njauk caik hatai lac, dalam tukvak meng bilan 5 tal bilan 10/2022, rilo bhum langik pandiak tagok tal labaih 40°C. Dom danao ia di taneh ia ini tok daok  43% ia di puac bilan 12, mala tanut kuhria rah tapa dalam 10 thun lac 53%. Rilo ban hu tabiak adat brei pandar takik ia kayua kurang hajan, dalam nan hu gam bruk oh brei pandar ia piah rao radaih ô tô atau njuk ia bak danao caluai, saong brei patakik ia pruh ka phun pala.