UB bhap bini TPHCM pamaong tal bruk GRDP thun 2025 tagok meng 8-8,5%, haong bruk kinh te so meblah 1 angok 4 dalam bruk ngak kinh te di Ban raya. Ini lac 2 dalam 6 bruk praong di “ Sarak peih ngak bruk, jalan jhul pakhang bruk cak rok patagok kinh te Ban raya tal thun 2025” birau hu Akok UB bhap bini TPHCM Phan Văn Mãi  mbaoh tangin. Piah peih ngak hu dom bruk ba tabiak yau nan, ban raya brei caik hatai jhul pakhang bruk buh phun jien tame ngak meng karja, pakhang bruk pandar phun jien ka njauk bruk; pachreih bruk blei pandar; jhul khang bruk ngak tabiak pandap pablei tabiak negar langiu; jhul khang dom patagok birau saong langyah dom kan kandah, salih birau jalan buh jien tame ngak mbang pablei salih.

Mintri Công an pambuak bruk haong Tỉnh ủy Sóc Trăng bahrau peih Nyaom biai pok meyaom, pambak praong dom bruk, dom menuac hadah krah dalam bruk Abih bhap bini khik caga siam mekre sron mbon palei negar bhum urang bangsa takik labik Tây Nam Bộ. Urak ini, labik ini hu 891 bruk saong 260 menuac gheih. Mintri Công an jia tame saong caong khin bhap bini bangsa takik daok patagok dom bruk ngak hu, paglaong labik dang, bruk ngak siam lagaih, rik daong rilo jang prein yava, hatai sahneng, ilamu ka bruk Abih bhap bini khik caga siam mekre sron mbon bhum Tây Nam Bộ di anak tal. 

Hadei di rilo bilan khik piah, urak ini, urang ngak sara tỉnh Bến Tre brei pablei sara tabiak. Yaom lac tamat bilan ngak min yaom sara trun biar, urang ngak sara khat lahik. Urak ini sara daok meng 45-50 ribau dong sa ja, trun jaik meteh dut saong thun dahlau. Yaok thun, Bến Tre ngak hu labaih 1.300 ha sara. Tukvak tapa, sara oh hu labik pablei tani tanat, jalan mbak labik pataom tame ngak tabiak sara oh ka sumu; daok hu bruk urang blei sara kateik yaom, bruk “ngak njauk, laik yaom” talauk nao talauk mai.

Meng sarak bayar jien khik iek glai, mikva bangsa S’tiêng, M’nông di bhum tapen bein pakat negar Bù Gia Mập, tỉnh Bình Phước salih gauk khik iek glai. Yaok mbang nao kuhria sa bruk, yaok sa bruk lac 200.000 đồng. Rilo sang kan kandah hu jien mek tame meng bruk khik iek glai. Urak ini, gah kiểm lâm Bein hu biak takik menuac duk haong mbaok taneh praong jaik 26.000 ha glai. Nan ye bruk bhap bini taduan khik iek glai hu daong ngak siam bruk khik iek glai saong pacang caga khuah glai. 

Akok UB bhap bini tỉnh Cà Mau birau hu harak payua drah samar, tacei ba jalan pasang iek, ngak brei cambaic laic bruk 2 kapal gilai ikan ngak suan veik bruk taok talaih pandap tui iek bruk tabiak tasik. Dahlau di nan, Rayo sap ndem VN  hu ba khaw tin, harei 7/8/2024, Chi cục Kiểm ngư tỉnh Cà Mau duah mboh 2 mac jamraih  brei thau labik di gilai ikan hu pagam di dua tabung sang urang daok di xã Phong Điền, huyện Trần Văn Thời, tỉnh Cà Mau. Tapa duah thau, dua gilai  ikan nan dahlau di nan hu ngak suan bruk payua 10 mac định vị di sa gilai ikan kayua Chi cục thuỷ sản tỉnh Cà Mau duah mboh di harei 15/3/2023.

Piah patui jalan jhul tagok dom bruk daok pamaong ngak di Indonesia ka pacang caga biến đổi khí hậu, karja anak tal di Tổng thống đắc cử Prabowo – Subianto brei padang Jabat pasang iek biến đổi khí hậu saong khik ramik pablei salih các-bon. Jabat bahrau di anak tal hu bruk tacei pato, khik ramik, tui iek bruk biến đổi khí hậu khang kajap saong peih ngak bruk pablei salih tín chỉ carbon tapa công nghệ blockchain. Thun 2023, Indonesia hu peih sàn giao dịch carbon camereip abih yau sa binah di bruk kham merat ngak hu bruk tathuak nerak samu 0 dahlau thun 2060.  

Liên minh cầm quyền Thái Lan njauk gauk brei ba anek kumei di thủ tướng dahlau diah Thaksin Shinawatra, muk Paetongtarn Shinawatra, tame palih ruah ngak Thủ tướng ka 31 di Thái Lan dahlau di tuk hu ba tabiak Hạ viện buh phieu di harei ini 16/8. Dalam mbang buh phieu nan muk Paetongtarn brei taduan hu 247 phieu palih ruah dalam  abih tih 493 nghị sĩ Quốc hội piha hu jung Thủ tướng. Dalam tuk nan, lien minh cầm quyền urak ini hu bruk  pachreih tui di 314 nghị sĩ Quốc hội.

Harei 8/8 meng blaoh, di labik Rãnh Nankai, Tây Nam negar Japon hu sa mbang megei baoh taneh khang labaih 7 độ haong tatuan megei duk hu di baoh taneh lac jaik 6 độ. Hadei di nan, Rajaei ba tabiak panuac khan lac caga sa mbang megei baoh taneh biak khang saong meda hu riyak glaong tal 3 mét dauk lahik sa bhum praong. Min patuah lac bruk megei baoh taneh nan oh ka rah tabiak, min Japon daok njauk sa mbang rabuk khang. Dom urang ilamu mboh biak duh hatai, kayua meng bilan 7 tal tuk ini, bhum Đông Bắc negar Japon njauk khat lahik biak trak damak ka menuac kayua hajan ia sua saong rabuk ka 5./.