UBMT negar Viet Nam Ban raya HCM birau peih “Sieu thi  mini Tet zero jien” daong ka bhap bini kan kandah saong urang ngak kan kathaot daok di quận 1,  Phú Nhuận, Bình Tân, Hóc Môn saong TP Thủ Đức…“ Sieu thi  mini Tet zero jien” peih tabiak meng harei 5 tal harei 8 bilan 1, duh ka 20.000 mbang urang haong yaom jien kuhria abih atih lac labaih 10 ty dong. Yaok sa urang hu blei pandap di sieu thi mini Tet zero jien” hu dom janih pandap pandar yaok harei, pandap mbang, pandap Tet yaom sumu 400.000 đồng.

"Darak xuân 2023" bahrau hu Sở Công Thương TP. Cần Thơ pambuak haong Công ty TNHH pablei salih Sài Gòn Cần Thơ peih ngak di ban Cần Thơ. 15 kapul hu mbaok tame darak pasa lac dom doanh nghiệp, chuỗi pablei sit, labik parabha pandap panda, khan aw, pandap pandar dalam sang meda hu peih ngak rilo bruk khuyến mại piah ka urang blei  meda blei hu dom pandap siam, yaom mbiah, lap. Tapa nan, Công ty TNHH Pablei salih Sài Gòn Cần Thơ hu alin 50 paok pandap (yaok paok hu 10kg brah saong 500.000 đồng) ka dom baoh sang sarak kanja di ban Cần Thơ.

Dalam dom harei jaik Tet nguyen dan ini, urang raong pabui di  Bạc Liêu bui sambai kayua yaom pabui diuk tagok hasit, hu yaom meng 50.000 tal 55.000 đồng sa kilo. Tui kuhria mboh dahlau, dom harei anak tal yaom pabui diuk daok tagok. Bruk yaom pabui diuk tagok gilac yaom lac oh rilo, min ngak brei chreih chrai saong caong khin di urang raong pabui pak Bạc Liêu meda tagok di dom harei jaik Tet. Tapa nan, mikva hu taduan raok Tet ginup jang jeng yau hu phun jien piah buh tame raong veik saong patagok bruk raong pabui di tỉnh dalam thun 2023.

Tui Công an tỉnh Bình Phước, bier harei 5/1, radaih cảnh sát pacang khuah padam khuah Công an tỉnh Bình Phước pajeng tui rilo urang jakar, urang lin nao padam khuah saong duah urang njauk bala. Tukl radaih nao tal jalan ceik di huyện Đồng Phú, tỉnh Bình Phước ye gaok bala, jaleih. Bala ngak ka Thiếu úy Ngô Quang Sang saong binh nhất Hồ Kiết Tường metai. Labik jalan radaih gaok gala biak kan kandah, dốc saong hu hajan nan ye biak ginar. Dua urang lin metai dalam tuk nao ngak bruk, công an tỉnh meda peih bruk ngak ndam tui adat di gah Cong an.

Tui khaw tin kuhria mboh dahlau bruk langik tasik harei ini 6/1, hangin di mangaok bhum tasik Kiên Giang di pakat 8. Kayua yau nan ye, taong abih dom kapal gilai pajeng tuai damuai tame tabiak baoh taneh haong kaoh pulao brei padeih cang tal tuk langik hu siam gilac veik. Tui panuac khan di dom c.ty pajeng ba tuai damuai meng kapal peih drah samar tabiak dom kaoh pulao, hadei tuk taduan hu panuac brei padeih peih, dom D.N hu khan brei dom đại lý saong tuai damuai thau piah bayar jien atau salih tapa harei hadei meyah langik siam.

Negar Séc daok gaok kan kandah gah y tế kayua jit cum daok njom mbak khang. Dalam dom harei akaok thun 2023, dom sang iek ruak saong bilik iek ruak daok tapa prein kayua biak rilo urang njuak ruak cúm nao iek ruak saong taong ruak tagok khang. Sa makna ba tal bruk nan lac kayua  hu oh takik urang ruak cang tapa thun bahrau 2023 meng nao iek ruak saong taong ruak. 

Mentri Ngoại giao Mỹ ba tabiak yaom jien thuong 10 trieu USD ka urang halei khan brei thau piah chap mek sa urang pan akaok kol khung bo Al-Shabaab di Somalia. Kapol nan taong tame sa labik bol lin kapal haok di Kenya dalam thun 2020, ngak brei 3 lin Mỹ metai. Mentri ngoại giao Mỹ hu tabiak panuac khan lac Ayaman hu ba tabiak jalan ka bruk taong tame nan meng bilan 1 thun 2020.

Jabat kuhria mboh dahlau bruk langik tasik negar Anh brei thau lac Negar Anh rah tapa thun pandiak khang  abih di thun 2022, ngan haong nhiệt độ kuhria rah tapa di thun lac 10,03 độ C, mbang camriep yam tapa tanut 10 độ C saong lac tanut glaong di abih meng di thun 1884. Tui Tiến sĩ Mark McCarthy, yam ndok Pasak brei thau ka bruk langik tasik negar, dom bruk langik tasik oh siam dahlau deih  500 thun meng rahtabiak sa mbang ye urak ini meda rahtabiak 3 atau 4 mbang sa thun. Bruk pandiak tuk halei jeng glaong jang abih meda daok hu rilo jang di harei hadei./.