Tapa meteh tukvak peih ngak Sarak di Nyaom roya  Đảng bộ TP.HCM mbang ka XI ka bruk ngak brei patagok birau jalan mbak, Ban raya HCM mek hu rilo bruk jak jeng, tuk jhul pasamar peih ngak danak dak jalan mbak pambuak bhum. Ta-eng dalam bhum, Ban raya ba tame pandar 16 danak dak, dự án, yau nan min rilo danak dak  daok peih ngak suai damuai. Tui Sở Jalan mbak pajeng ba Ban raya, mbiah tal ini, rilo danak dak jalan mbak di ban daok suai. Ba tal bruk suai yau nan kayua bruk bayar jien peih taneh, jien daong urang tái định cư …daok tavak tavaiy, abih di nyu nan lac phun jien peih ngak danak dak birau hu labaih 30%. 

UBND huyện Long Thành, tỉnh Đồng Nai bahrau brei thau ka bruk brei hu rilo jang yaok rabau lô taneh piah rami ramik labik daok bharau ka danak dak mblang kapal haoh Long Thành. Dahlau daih, tuk pasang iek, gah chức năng mboh lac hu labaih 5.500 baoh sang njauk rami ramik labik daok bahrau, dalam nan hu jaik 900 lô taneh rami ramik ka dom sang mai daok hadei. Min urak ini dom lô taneh brei ka dom sang mai daok hadei nyu tagok rilo jang, gam haong dom sang tamuh tabiak dahlau, jeng labaih 2.400 lô.  Piah khik kajap bruk pabak labik daok bahrau ka bhap bini, dom gah pambuak tal hu ramik veik dom labik daok bahrau di Labik tái định cư Lộc An – Bình Sơn (duh ka danak dak mblang kapal haoh Long Thành) tui jalan patagok lô taneh brei ka dom sang mai daok hadei (mbaok taneh yaok lô lac 80m2).

Hoi dong Khik iek saong Mban yam ndoc Kadung jien bac Trần Văn Khê birau peih bruk jao “ Giaỉ thưởng saong jien bac Trần Văn Khê” di Ban raya HCM. Ini lac kapol nyaom ngak bruk oh mek laba, makna di kadung jien lac piah daong, kuhria alin  brei giải thưởng saong paok jien bac yaok thun piah pachreih bruk khik ramik, patagok dom ilamu siam gheih di alat ragam ragu meng kan mai di Viet Nam tui caong khin di aruah Gru Giáo sư Trần Văn Khê. Giaỉ thưởng  thun ini hu alin brei ka 6 urang lac dom urang roh duah, nghe nhan, nghe si saong paok jien bac hu alin brei ka 9 urang daok tui bac dom bộ môn nghe thuat  meng kan di Nhạc viện, Học viện dalam negar.

Di tuk pahadar 76 thun harei TBLS (27/7/1947-27/7/2023), tỉnh Tiền Giang hu padang 18 kapul urang jakar lac urang dang akaok Tỉnh ủy, HĐ bhap bini, UB bhap bini saong UBMT negar VN tỉnh nao ravang, alin hadiah pandap brei ka dom sang sarak karja dalam tỉnh. Dom kapul hu alin hadiah ka jaik 100 sang sarak karja, urang buh prein ka taneh ia, dom amaik VNAH, TB hadah krah dalam tỉnh.  Tui nan, yaok sang sarak karja hu alin hadiah brei sa pok pandap yaom 2 triệu đồng. Hu thau, harei 27/7, jaik abih dom xã, phường, ban sit dalam tỉnh jeng hu peih bruk ngak pathi ka dom AHLS.

Page ini 24/7, rah tabiak radaih ginuh thaok gauk di jalan cao toc Vĩnh Hảo – Phan Thiết, ngak brei 6 urang njauk rambuac.  Dalam 6 urang njauk rambuac nan, 2 urang  hu ba tame cấp cứu di Sang iek ruak Đa khoa tỉnh Bình Thuận, daok 4 urang karei hu ba tame Ban raya HCM taong ruak. Bala rah tabiak tuk mong 1 subuh page  24/7, angaok jalan  cao toc Vĩnh Hảo – Phan Thiết, labik jalan tapa xã Phan Hòa, huyện Bắc Bình. Tuk nan, radaih 16 ghe bien so 49B-017.35 daok padeih di jalan padeih chip ye radaih ye radaih pajeng tuai biển số 77B-012.83, kayua  Nguyễn Anh Tuấn umo 43 thun, daok TP. Cần Thơ peih mai meng gah Barak tame Meraong, ginuk tame radaih 16 ghe ngak 6 urang dalam radaih  nan  njauk rambuac.

Tui UB bầu cử negar Campuchia (NEC), tapa pasang iek oh ka ginup abih tal mesup ini ( 24/7) di jaik 23 rabau 800 labik buh phiếu dalam taneh ia ini mboh lac: Đảng bhap bini Campuchia (CPP) hu labaih 6 triệu 200 rabau phiếu buh brei, meblah 82,3% abih tih dom phiếu. Dalam tuk đảng Bảo hoàng FUNINPEC hu labaih 700 rabau  phiếu buh brei, samu 9,2% abih tih dom phiếu.  Tapa nan brei mboh lac Đảng bhap bini Campuchia hu phiếu buh brei rilo di abih.

Jabat gah an ninh pandap mbang  Indonesia khan lac yaom brah di taneh ia ini meda tagok khang kayua langik En-ni-nô ( El Nino) saong bruk ba tabiak di Ấn Độ padeih pablei tabiak negar langiu dom janih brah mbong bhian piah caga ginup pandap mbang. Langiu Ân Độ, Indonesia urak ini jeng  daok  khik bruk blei brah tame di dom  taneh ia  Đông Nam Á yau Thái Lan, Việt Nam piah khik caga dalam gilang brah taneh ia.

Rajaei Trung Quốc khan lac brei pambuak veik bruk miễn thị thực dalam 15 harei ka dom rahra Singapore pandar passport phổ thông tame Trung Quốc piah pablei salih, ravang me-in, sirah gauk gar saong quá cảnh, meng harei 26/7. Thị thực di dom rahra Singapore hu brei tame Trung Quốc dahlau di nan jeng daok hu pandar saong dom harak likau thị thực hu brei adat blaoh hu pasang iek saong pabak brei yau dahlau.  Trung Quốc hu pambuak veik bruk miễn thị thực nhập cảnh ka 59 taneh ia, dalam nan hu Singapore tal Hải Nam meng harei 15/3 thun ini, min bruk miễn thị thực 15 harei ka tuai Singapore mai ravang me-in Trung Quốc, njauk padeih veik dalam tuk hu jit Covid-19, jeng oh ka hu pambuak veik./.