Page ini ( 5/1), di Sang QH, peih pakak Mbang nyaom oh hu caga dahlau mbang ka 2, QH mbang 15. Di mbang nyaom ini, Quoc hoi brei langyah, khan tapa Hukum Iek ruak, taong ruak (pasiam veik) piah pakhang bruk khik caga, iek glang, pakhang prein yawa bhap bini; mek urang ruak ngak pasak dalam bruk iek ruak, taong ruak. Tui kurhia mboh dahlau 3 sarak hu brei tapa, dalam nan njauk caik hatai tal Sarak ka bruk Quy hoạch pataom iek veik taong abih pakat negar vaktu 2021-2023, pamaong tal thun 2050 piah patagok prein khang di yaok bhum taneh kinh te – xa hoi; kuhria pamong tal thun 2050 hu jeng taneh ia cak rok patagok, jien mek tame glong, xa hoi sumu gauk, dân chủ, văn minh. Asar kadha njauk caik hatai lac Quoc hoi langyah bruk manuac urang lambaok saong urang jakar  karei dalam thẩm quyền di Quốc hội.  

UBND huyện Ninh Phước, tỉnh Ninh Thuận daok padang jalan khik ramik ilamu ngak gaok Bàu Trúc. Dalam nan huyện tacei pato ka gah ilamu padang jalan khik ramik lan am Bàu Trúc tukvak 2023 – 2026 haong tukvak 2026 – 2045 tui jalan di UNESCO. Gam haong nan, padang bhum pandap tamo hacih piah ngak, praong 5ha daok di mblang hamu haluk lan tapen kraong Quao. Meng nan, padang ngak pandap Ogranic, daong ka pandap lan am Bàu Trúc peih praong darak pasar pablei pandap, abih di nyu lac dom darak pasar kan tame.

Tui yaok pataom  di BHXH tỉnh Đồng Nai, dalam tỉnh urak ini hu 307 đơn vị hu pandar urang ngak daok tavak jien BHXH, BHYT, BHTN, bao hiem bala tuk ngak bruk – ruak kayua bruk ngak meng 3 bilan tagok di yaok ribau urang ngak  ngan haong yaom jien  jaik 230 tỷ đồng. Tavak jien lac kayua bruk ngak mbang, pablei salih di dom D.N takik hu laba, urang ngak blei BH trun daok takik saong bruk ngak tui hukum ka bao hiem di rilo đơn vị oh ka siam.

Dalam tukvak jaik ini, ia triều cường tagok glaong, gam hu ngin khang, riyak praong, ngak brei glut jaleih saong mbuan glut jaleih ralo labik takai tasik saong ar pacang takai tasik di Vĩnh Hải, ban sit Vĩnh Châu, tỉnh Sóc Trăng. Dom labik glut jaleih ini jeng oh daok glai pacang riyak. Tuk ia tagok glaong, riyak paoh tapak tame ar pacang, mbuan ngak brei glut jaleih ar tasik. Urak ini, ban sit Vĩnh Châu daok samar ngak pasiam pakhang dom labik glut jaleih.  Ban sit Vĩnh Châu hu 43km takai tasik, dom thun jaik ini, bruk glut jaleih ar tasik, takai tasik bhian rah tabiak.

Pambuak tal bruk daong uranaih likei umo (10 thun ) laik tame lubang padang got betong di xã Phú Lợi, huyện Thanh Bình, tỉnh Đồng Tháp, ong Đoàn Tấn Bửu, Phaok Chủ tịch UB bhap bini tỉnh Đồng Tháp brei thau, hadei di jaik 100 mong duah haong rilo jalan peih ngak min oh hu lagaih. Got bêtông atah 35m labik kamuan laik tame oh ka bruac tagok hu. Dom gah pháp y, y tế, karja palei taong yaom lac : labik kamuan gaok bala, laik tame lubang got dalam, tukvak atah, njauk rambuac…Dom jabat chuyen mon hu harak brei thau kamuan plang ye saong duah jalan samar ba kamuan tagok piah ngak ndam metai.

Hội đồng Bảo an Liên Hợp Quốc meda peih ginum biai kandauk di adit tal piah ginum biai ka bruk Taliban oh brei urang kumei ngak bruk ka dom kapul nyaom daong ngak pahla daok ngak bruk di Afghanistan. Dahlau di nan, dom ngoại trưởng di 12 taneh ia saong Liên minh châu Âu (EU), dalam nan hu Mỹ saong Anh, hu tabiak panuac haong gauk, ieu karja Taliban klaak bruk oh brei kumei ngak bruk ka dom kapul nyaom ngak pahla. Tal urak ini, hu takik di nyu 4 kapul ngak pahla dunya brei padeih bruk daong ka Afghanistan kayua oh peih ngak hu dom danak dak meyah oh hu urang kumei ngak bruk.

Gah Y te Dunya ( WHO) mboh lac, dữ liệu COVID-19 di Trung Quốc pabak oh ba tabiak “ ginup abih saong saong njauk abih” ka bruk dom urang tame iek ruak saong metai di taneh ia ini. Brei panuac dalam sa mbang họp báo di Thụy Sĩ, Yam ndoc gah bruk samar chip di WHO ndom lac, dom urang y te jia lac dom bruk hu khan brei thau meng Trung Quoc oh njauk haong bruk rah tabiak di COVID-19 dalm dom urang tame sang iek ruak, urang ndih taong ruak ICU, abih di nyu lac dom urang metai. 

Kayua Trung Quốc daok brei pacadu veik bruk nao mai, yaom lac dom menuac njaom COVID-19 bahrau daok tagok rilo, Liên minh châu Âu (EU) hu panuac kakei lac dom tuai par meng Trung Quốc tal EU brei hu dut iek mboh lac âm tính haong COVID-19 dahlau di tuk tagok kapal haoh. Gam haong pasak pasang iek jit ruak châu Âu, gah đối ngoại di Ủy ban haong Gah Y tế Dunya daok brei tui iek bruk dịch tễ học di EU saong dom bruk pambuak tal jit ruak di Trung Quốc./.