Tui kuhria mboh dahlau, meng ini tal kreh bilan 5, di Bhum taneran kraong Cuu Long hu 3 mbang njom ia mbak, mbuan kurang ia taba. Nan ye, Thủ  tướng Phạm Minh Chính caong khin karja dom palei patui  veik bruk pasang iek, duah thau tani tanat ka yaok bhum, yaok palei, yaok baoh sang bhap dalam bhum meda kurang ia pandar. Akok UB bhap bini dom tỉnh, ban brei taduan bruk anak Thu tuong meyah caik rah tabiak bruk bhap bini oh hu ia pandar. Akok Mentri Ngak nong saong Patagok palei pala brei tacei ba dom bhum palei peih ngak dom jalan cambaic laic piah pacang caga, kurang ia, njom ia mbak, patakik kan kandah tal raidiuk bhap bini saong bruk pala drak…

Anak bruk glut jaleih kayua pandiak bhang rah tabiak dak harei dak khang, akaok UBND tỉnh Kiên Giang hu panuac ieu UBND dom puk palei, abih di nyu lac UBND huyện U Minh Thượng peih ngak siam bruk “4 di labik”. Patagok bruk pasang iek dalam bilan thu, pandiak, gam haong nan, pathau khan bhap bini daok di dom bhum mbuan glut jaleih oh caik brei khat lahik drap ar, menuac urang, oh caik brei rahra kurang ia pandar, daong labik daok ka mikva hu sang khut, tayah 

Mai rivang saong alin pandap ka baoh sang sarak karja, baoh sang saong uranaih hu raidiuk kan kandah di huyen Dương Minh Châu, tỉnh Tây Ninh, muk Võ Thị Ánh Xuân, Wuen Akok negar caong khin, dalam tukvak anak tal, Tây Ninh njauk brei pakhang bruk pato pasram menuac ngak, bruk pato megru, y te, ilamo, bruk an sinh xa hoi, sangka iek glang ka dom baoh sang sarak karja, urang buh prein daong taneh ia…Patui di nan,, muk Võ Thị Ánh Xuân hu alin brei 200 trieu đồng brei  Kadung jien daong uranaih tỉnh Tây Ninh; alin 20 paok pandap ka dom baoh sang sarak karja, 35 paok pandap ka dom baoh sang saong uranaih kan kandah.

UBND TP.HCM patabiak bruk peih ngak sarak di HĐND TP.HCM ka padang tagok, neh tabiak, pagam tame, salih angan khu phố, ấp di dalam ban. Bruk brei thau sarak hu peih ngak samu gauk di 312 phường, xã, ban sit meng harei 1.4 tal harei 15.4. Tui kuhria, akaok UBND TP.HCM meda payua harak thư dhar phor tal 64.309 urang hu mbaok tame bruk ngak khu phố, ấp, tổ dân phố, tổ bhap bini tuk rami ramik veik bruk ngak mala phường.  

Di var taom mbaok uan Tet Chôl Chnăm Thmây di urang bangsa Khmer, Phó Bí thư Thường trực Tỉnh ủy, Akok HĐND tỉnh Sóc Trăng Hồ Thị Cẩm Đào, caong khin, taong abih bhap bini, urang jakar, urang lin saong dom sư sãi Khmer patui bruk patagok ilamo jum pataom bangsa, ngak siam jalan tacei ba di Đảng, Karja; brei mboh jalan sahaneng kham merat yam tagok, kham merat yam tapa kan kandah piah raidiuk  hu siam gheih jang. Tui nan, kham merat hu mbaok tame dom bruk jak ba pakacah gauk anit taneh ia, dak padang palei pala birau; Khik ramik saong patagok ilamo bangsa, ngak ka raidiuk ilamo, jalan sahaneng di bhap bini dak harei dak siam mekre jang.

Sa pathau khan ka prein yava pakat negar di Ấn Độ hu ndom tal bruk patagok biak rilo dom ruak oh njom mbak di taneh ia ini, abih di nyu lac dom menuac njauk ruak ung thư daok tagaok samar. Langiu di nan, pathau khan jeng ngak ka urang caik hatai ka bruk patagok khang ruak me-ik saradang, tagok darah, ruak tim mạch saong dom ruak gah glo akaok, taong abih jeng ngak kan kandah rilo tal prein yava di taneh ia. Pathau khan hu tacei tabiak lac labaih 30% rahra njauk me-ik saradang, jaik 70% njauk tagok darah saong 10% njauk ruak stress, abih di nyu lac dom urang daok ranaih dak harei dak hu rilo menuac njauk dom ruak ini.

Yaok ratuh sang bac di  Philippines, dalam nan hu rilo sang bac di ban ine Manila, brei padeih dom var bac tapak kayua pandiak glong  mbuan ngak jhak tal prein yawa. Jabat tui iek bruk Langik tasik pakat negar Philippines khan lac, rilo labik daok dalam pandiak catang tagok  41℃ tal  43℃ lac pandiak jhak catang. Dom urang ilamo kakei bhap bini brei takik ngak bruk gah langiu, menyum rilo ia saong ba tui pandap pacang pandiak yau tamo atau pasar payong tuk tabiak jalan./.

Pasak pasang iek saong pacang caga jit ruak Mỹ (CDC) brei thau, bruk njaom mbak jit ruak cúm menuk ada ka rahra jeng daok di tanut biar min jeng hu panuac ieu gah y tế di dom bang caga pacang. CDC ieu brei hu jalan ngak samar drah dut iek saong pabak jalan taong ruak ka dom urang ngak dalam nông trại mbuan gaok ruak hadei di tuk dut iek mboh dương tính di tapon athur raong. Dahlau di nan, di bang Texas hu 2 urang njauk ruak cúm menuk ada kayua taom gaok haong lamo ia tasau. Ini lac mbang camereip virus njom mbak tapa athur raong./.