UBND tỉnh Bạc Liêu bahrau peih bruk ba tabiak Bilan ngak kayua uranaih thun 2023 ngan haong asal kadha: “Sa tangin haong gauk ngak trun manieng kan kandah tal uranaih”. Di tuk peih bruk, Phó akaok UBND tỉnh Bạc Liêu Phan Thanh Duy ieu kakei lac, dom pakat ủy đảng, kanja peih ngak siam sarak an sinh xã hội, khik caga, pato magru, sangka iek glang ka uranaih, tani tanat quyen, paglaong chất lượng raidiuk ka uranaih, dalam rahra duh ka bruk sangka brei ngak dahlau ka uranaih; jak ba dalam rahra hu mbaok tame dom bruk ngak khik caga, sangka saong pato magru ka uranaih biak kan kandah, uranaih njauk jaoh jo, matui madar… Tapa nan, Kadung jien khik caga uranaih tinh jeng hu jao 140 paok pandap ka uranaih, yaok paok pandap hu yaom 400.000 đồng.

mBan chỉ huy danak dak bayar jien, daong tái định cư danak dak jalan vành đai 3 TP.HCM brei thau, tal urak ini, dom puk palei hu jao 72,3% mbaok taneh ka po đầu tư piah peih bruk padang ngak danak dak dalam bilan 6 ini. Dalam nan, hu 3 labik jao blaoh dahlau lac huyện Hóc Môn, Bình Chánh saong Củ Chi. Tui tacei pato di UBND TP, danak dak jalan vành đai 3 hu peih tabiak ngak di bilan 6 ni haong 70% mbaok taneh. Jhung bilan 12, dom quan huyen hu jao brei taong abih dom mbaok taneh daok veik

Kuruac bhung kaduh hijao Phước Bình di huyen bhum ceik Bác Ái, tỉnh Ninh Thuận bahrau hu Mintri ngak nong Hoa Kỳ brei tapa saong pabak mã số bhum pala ginup prein piah pabak tapa darak pasa negar ini dalam tukvak anak tal. Tal urak ini, dalam huyện Bác Ái hu 236ha kruac bhung kaduh hijao hu pala, dalam nan taeng di dalam xã Phước Bình lac 192ha.Bruk pala kruac bhung kaduh hijao Phước Bình hu pabak mã số bhum pala hu pablei tabiak negar langiu tui jalan chính ngạch tapa Hoa Kỳ lac brei mboh ka dom kham marat di rahra Phước Bình saong abih di nyu nan lac di gah ngak nong bhum palei. Bruk ini patui veik hu daong prein pachreih piah peih praong jalan pablei tabiak ka pandap kaya nong angan je karei di tinh hu pablei tabiak darak pasa di dunya hu rilo jang.

Dalam tuk rilo janih phun mbang baoh daok trun yaom khang dalam tuk tame bilan paik baoh rilo ye durian daok khik hu yaom glaong kayua bruk pablei tabiak negar langiu hu mbuan lagaih. Di Cần Thơ, yaom durian trun tagok meng 50.000-100.000đ/kg. Langiu di hu yaom, urang nong pala durian di Cần Thơ thun ini daok njauk khang tuk baoh durian hu meng 17-18 tấn/ha, glaong jang thun dahlau meng 1-2 tấn/ha. Kayua yau nan ye dalam bilan paik baoh durian ini, hu rilo sang urang pala durian hu jien mek tame meng dom ratuh triệu tal dom tỷ đồng; dalam nan, rilo abih lac di dom labik yau huyện Phong Điền, huyện Thới Lai, quận Ô Môn.

Công an tỉnh Bình Dương brei thau lac, tangin, takai di urang njauk cuh hu duah mboh di labik tái định cư klak saoh di phường Tân Phước Khánh, ban Tân Uyên lac di sa urang. Tui Công an tỉnh Bình Dương dalam tuk mek mau dut iek ADN, kapul nghiệp vụ hu mek mau di gam tangin saong takai. Hadei di 8 harei pathau khan khau tin duah thau angan je di urang njauk bala ngan haong dom bruk nhận dạng tuk camriep lac urang likei praong thun, glaong meng 1,68 m tal 1,70 m, metai meng labaih harei 10/5. Meng khau tin ini, Công an tỉnh Bình Dương taduan hu 40 khau tin di rahra  ka bruk lahik gauk gar. Min, hadei di tuk ngak cambaih laih dom khau tin, jabat pasang iek brei thau cambaih lac dom urang lahik nan jeng daok diuk.

Meng 314 phiếu njauk hatai saong 117 phiếu cagar veik, Hạ viện Mỹ hu brei tapa dự luật ka trần nợ công iek tui dom asal kadha hu Tổng thống Joe Biden saong Chủ tịch Hạ viện Kevin McCarthy njauk hatai dahlau di nan, hadei di rilo adit kham merat ginum biai. Dự luật hu ba tagok Thượng viện ginum biai saong buh phiếu di puac adit tal

Dalam dom harei ini, nhiệt độ di bhum gah maraong negar Trung Quốc tagok glaong, rilo labik yam tapa tanut tapung glaong abih ka oh bhian mboh meng nan mai. Dom labik di tỉnh Tứ Xuyên, Vân Nam nền nhiệt hu labik tagok tal labaih 40°C. Dalam nan, dom tỉnh Tứ Xuyên, Quảng Đông hu tabiak panuac brei thau kai nhiệt độ glaong abih sambo bhong – lac tanut  glaong abih hu ba tabiak mbang camriep dalam thun ini. Tui kuhria di Jabat kuhria mboh dahlau bruk langik tasik negar Trung Quốc,  mbang pandiak bhang mbang ini meda dui atah tal harei 4-5/6, taeng dalam bhum gah maraong negar Trung Quốc meda dui atah tal hadei di harei 6/6.

Dom urang ilamu di jabat Hàng không saong Vũ trụ Mỹ (NASA) daok ngak iek sa jalan taom gaok bahrau piah duah mboh sóng thần tapa sap yava bo bruk ini ngak tabiak dalam khí quyển. Ilamu Công nghệ ini pandar dom tín hiệu meng hệ thống định vị dunya piah mboh lac hu riyak di Vành đai lửa Thái Bình Dương. Dahlau di nan, dom urang ilamu di NASA jeng hu pandar dữ liệu meng dom bilai Định vị dunya. Mạng lưới meda kuhria mboh hu labik di riyak sóng yaok giây saong mboh hu dom bruk megei mbaok taneh sit dom cm.