Urang ngak taduan hu pok pandap dalam tuk jit ruak 

Hội Chữ thập đỏ Cụm pacacah 6 hu dom tỉnh Tây Nguyên saong TP.HCM hu peih tabiak Bilan ngak Pahla thun 2022 ngan haong kadha “pambuak rahra – pambak tabiak bruk ngak pahla” hu peih ngak meng ini tal harei 31.5. Dalam bilan ngak Pahla, cụm pacacah 6 hu ba tabiak bruk lac jak ba hu 20 tỉ đồng saong hu labaih 15.000 mbang urang hu daong brei. Ngan haong TP.HCM tui kuhria meda daong 5.000 mbang urang ngan haong yaom jien labaih 15 tỉ đồng piah daong radaih, pandap panda y tế, sang chữ thập đỏ, tatua puk palei, jien bac ka anek saih sang kan kandah; jalan ia hacih ka 5 sang bac; dom danak dak pabak ka rahra di dom tỉnh Tây Nguyên.

UBND tỉnh Bình Dương song Liên đoàn Lao động tỉnh peih ngak  Bilan urang ngak song Bilan ngak bruk ka an toàn vệ sinh lao động thun 2022. Dalam bilan urang ngak ni, Liên đoàn Lao động tỉnh hu jao  30 pok pandap brei ka urang ngak njauk bala dalam tuk ngak bruk, ruak kayua bruk ngak; jao 74 sổ tiết kiệm “Công đoàn Việt Nam” ka uranaih metui  lac anek di urang  công đoàn metai kayua COVID-19, yaok pok pandap hu yaom 10 triệu đồng.Pok meyaom  30 công đoàn viên naih gheih dalam bruk peih ngak Danak dak “Sa  triệu sahneng duah bahrau – kham merat yam tapa kan kandah, sahneng duah, khang hatai jayah jit prong  COVID-19”

UBND huyện Long Thành, Đồng Nai bahrau hu jao gilac veik 70ha taneh di danak dak padang ngak mblang kapar haoh Long Thành. Nan ye tal tukvak ini, Đồng Nai hu jao jaik 2.300 ha taneh danak dak. Tui sanya haong Rajaei, dalam mateh akaok bilan 5 ini, Đồng Nai meda ngak salah bruk jao abih  mblang taneh praong 2.532ha piah pabak ka danak dak padang ngak mblang kapar haok Long Thành tukvak ka 1.

Jit COVID-19 hu pasang iek dalam taneh ia ngan song urang njom, urang metai  trun biak cambaih laih , bruk klauk vắc xin pacang COVID-19 hu biak glaong. Kayua yau nan ye, mintri  Y tế  brei padeih bruk pathau khan dalam tuk nao mai dalam taneh ia. Mintri Y tế hu panuac ieu khik ramik dom bruk pasang iek, samar mboh samar thau, song pasang iek langyah sruh jit  COVID-19 njauk tuk vak, siam lagaih, khik kajap bruk pacang jit urak ni tui jalan iek glong pren yava di bhap bini, lac bruk praong dang akaok .

Akaok UBND TP.HCM  hu brei ka ong Lê Minh Tấn, Yam ndoc Sở Lao động – Thương binh saong Xã hội (LĐ-TB&XH) hu padieh hưu dahlau umo thun tui caong khin di ong, hu mbang tui sarak bảo hiểm xã hội meng di harei 01/5/2022. Dahlau di nan Sở LĐ-TB&XH TP.HCM hu dom khau tin sarau kadhau pambuak tal bruk jak ba saong cai pandar kadung jien pacang caga jit ruak COVID-19 di Sở ka dom urang dalam mBan tacei jalan pacang caga jit ruak COVID-19 suan adat. Hadei di nan dom urang nan hu bayar viek jien hu taduan mek dahlau nan.

Bruk Triều Tiên meda lac sa dalam dom kadha prong hu Tổng thống Mỹ Joe Biden ginum biai hong Nhật Bản song Hàn Quốc dalam mbang nao rivang camereip tal châu Á di puac bilan ni. Bruk nan bahrau hu thư ký báo chí Nhà Trắng Gien Jen Psaki batabiak di mbang họp báo rah tabiak harei  5/5 (tui tuk vak Mỹ). Langiu di nan, Tổng thống Mỹ jeng meda ginum biai ka bruk Ucraina song dom urang pal akaok dalam nyaom  Bộ Tứ Kim cương dalam nan hu  Mỹ, Australia, Nhật Bản song  Ấn Độ.

Liên hợp quốc daok peih bruk paduan ba rahra mbang ka klau di Ucraina. Dua mbang paduan ba dahlau dieh hu Liên hợp quốc pambuak haong \ Ủy ban Chữ thập đỏ Dunya ngak hu jak jeng. Tổng thư ký Liên hợp quốc brei mboh hatai caong lac rajaei Nga saong Ucraina daok patui bruk daong ka Liên hợp quốc paduan ba hu rilo rahra tabiak truh labik mesruh gauk, jang yau pabak pandap panda daong ba ka dom rahra daok hu caong.

Gah Y tế dunya kurhia mboh dahlau lac, tal puac thun 2021, jit prong  Covid-19 ngak ka jiak 15 triệu urang di dunya metai, nan lac rilo jang  3 mbang panuac khan dahlau daih. Labaih  84% urang metai di Đông Nam Á, châu Âu song châu Mỹ. Tổng Yam ndoc Gah  Y tế dunya ndom lac, bruk ini oh lac brei mboh kan kandah di jit ruak, bo dok brei mboh lac tong abih taneh ia njauk buh jien tame rilo jang, njauk ngak rilo jang, piah ka bruk  y tế meda khik hu dom bruk iek glang pren yava dalam dom bruk srau kadau khang./.

Urang lang: Hanipha- Thu Thảo -6/5