Tong Yam ndoc cong ty Becamex ndom lac di nyaom biai 

Akok UB Bhap bini Ban raya HCM Phan Văn Mãi hu mbaoh tangin tame sarak samar chip brei panuac iew UB bhap bini tỉnh Bình Dương saong Đồng Nai pathau khan HĐ bhap bini tỉnh pasang iek, ba tabiak sarak njauk gauk ha sa jalan peih ngak danak dak vành đai 3. Bruk samar tabiak sarak piah khik kajap jalan adat hukum di harak pathau khan roh duah dahlau meng peih ngak danak dak dahlau di tuk QH tabiak bruk brei ngak di mbang nyaom dalam bilan 5 anak tal. Danak  dak vành đai 3 vaktu 1 atah labaih 76 km  nhao tapa Ban raya HCM, Bình Dương, Đồng Nai, Long An. 

UBND tỉnh Bình Phước pambuak bruk haong Tổng Cty Becamex IDC saong Gilang pariak Dak padang Trung Quốc bahrau peih Nyaom biai online ka bruk buh jien tame ngak mbang haong labaih 100 doanh nghiệp Trung Quốc. Bình Phước urak ini hu 13 labik ngak kong praong abih tih labaih 6.000ha. Meng dom prein khang saong kein lagaih di drei, gam haong bruk đầu tư mbuan lagaih, dom thun tapa, Bình Phước lac labik njauk caik hatai jia saong biak chreih chrai ka dom urang negar langiu buh jien tame ngak mbang.

Piah daong urang bangsa Khmer uan raok Tết Chôl Chnăm Thmây bui sambai, haniem phol, Đồn Biên phòng Lai Hòa, Bộ đội Biên phòng tỉnh Sóc Trăng peih bruk alin brei brah ka dom baoh sang Khmer kathaot raidiuk kan kandah, urang hu angan je dalam bhap bini bangsa Khmer di dua xã Lai Hòa saong Vĩnh Tân, ban sit Vĩnh Châu. Dahlau di nan, Kapol urang jakar di Bộ Chỉ huy Bộ đội Biên phòng tỉnh hu nao tadhau ayuh, alin pandap ka dom sư sãi saong phật tử  dom baha di bhum tasik taphia negar di huyện Trần Đề saong ban sit Vĩnh Châu.

Dom harei tapa, yaom ikan pra tamo di bhum taneran kraong CL daok tagok glaong, trun tagok meng 31.000 tal 33.000 đồng sa kg. Min Sở ngak nong saong patagok palei pala dom tỉnh dalam bhum taneran kraong CL hu panuac kakei rahra caik hatai sangka, jhui ba gauk peih praong taneh raong ikan pra rilo, piah caga bruk yau dahlau daih lac ikan rilo pablei oh abih ba tal laik yaom gilac veik.

Blah web khaw tin dulich thông minh tỉnh Bình Thuận hu ba tame ngak bruk duh ka tuai dulich.  Bruk ba tame ngak bruk Blah web khaw tin dulich thông minh lac takai yam tagok dalam bruk pandar số hóa saong ngak mbang pablei salih dịch vụ asar số di dom blah web công nghệ thông minh. Gam haong nan meda lac jalan peih tabiak  ka dulich Bình Thuận hu dom salih birau kahng kadang, rik daong praong tame bruk cakrok patagok kinh te, xa hoi.

Karja di Tổng thống Mỹ Joe Biden tui kuhria harei ini meda brei thau pok jien daong quân sự 750 triệu USD ka Ukraine.  Urak ini Mỹ hu pabak labaih 1,7 tỷ USD daong an ninh ka Ukraine kuhria meng di tuk Nga peih bruk quân sự di Ukraine harei 24/2 meng blaoh.

Hạ viện Indonesia hu brei tapa hukum pambuak tal pacang caga bruk bạo lực tình dục. Ini hu iek yau bruk praong, abih di nyu nan lac hadei di tuk taneh ia Islam  ini hu bruk bạo lực tình dục tagok glong dalam dua thun jit Covid-19 tamuh khang. Rilo urang ilamu gah XH saong bhap bini pok meyaom bruk kham ba tabiak di Rajaei, dalam bruk padang ngak saong brei tapa Hukum ka duas bạo lực tình dục.

Châu Âu hu abih tih 150 urang njaom anek ruak salmonella di 9 taneh ia dalam bhum, mboh lac kayua pambuak tal dom pandap sôcôla Kinder kayua sang mac Ferrero di Bỉ ngak tabiak. Kapul ngak ahar Ferrero di Italia njauk kreik pabah mbang sang mac di Bỉ saong pataom mek veik dom pandap Kinder daok hu pablei di Mỹ saong dom taneh ia châu Âu. Kapul Ferrero hu panuac taduan dom bruk suan di drei saong payua panuac likau ma-ah tal urang blei pandar./.

Urang lang: Ái Nghiêm -Mousaphuong-13/4