Di rilo labik hu ieu pablei taneh ngak sang 

Brei panuac peih mbang nyaom ka 5 Ban Chấp hành Trung ương Đảng mbang 13 daok peih tabiak di Hà Nội, Tổng Bí thư Nguyễn Phú Trọng brei thau lac, asal kadha hu pok tagok mbang nyaom TW mbang ini lac dom bruk biak praong, biak kan saong biak hu makna ngan haong bruk peih ngak jayah Sarak nyaom roya mbang XIII di Đảng di dom gah hu makna praong, yau ye: Jhul khang bruk cak rok patagok kinh tế - xã hội di taneh ia tal thun 2030, pamaong tal thun 2045; paglaong bruk padang ngak, rami ramik pasiam Đảng saong hệ thống chính trị dak harei dak hacih, khang kajap meng gha, meng cơ sở, pabak hu panuac kakei dak harei dak glaong di cách mạng dalam tukvak bahrau;... Tổng Bí thư caong lac, Trung ương patagok glaong hatai ngak bruk, pataom prein tame roh duah, ndem bai nao mai cambaih laih, brei panuac piah ngak salah saong pasang iek, brei panuac di puac mbang nyaom.

UBND tỉnh Long An bahrau hu panuac ieu dom puk palei, dom sở, dom gah hu pagam tal  pasang iek bruk brei taneh ngak jalan piah padang ngak labik dok tự phát, meng nan ba tal tagok yaom taneh oh njauk, oh biak,  ngak kan kandah ka bruk khik ramik di karja. Gam song nan, pasang iek, ramik veik, langyah khang bruk eng drei la-ua pasamu mbaok taneh piah parabha jeng nền pablei oh njauk adat hukum.

Meng ini tal harei 10/5, Công an ban Thủ Đức, TPHCM meda brei ngak dahlau căn cước công dân (CCCD) hu pagam chip điện tử, pabak tài khoản định danh điện tử ka anek saih ndih tapui thun 2004 saong 2007 piah ka dom adei pacacah chuyển cấp saong pacacah tamat THPT. Công an ban jeng brei ngak dahlau ka rahra daok tạm trú, dalam nan hu ieu kakei nao tal Công an phường labik daok tạm trú piah hu ba tame hệ thống dữ liệu bhap bini dahlau di tuk ngak harak gar piah ngak CCCD.

Kayua gaok kan kandah di dom mbang hajan gam gam meng harei  30/4 tal urak ni, rilo mblang taneh phun pala, njam patam di Bình Thuận njauk dauh ia, khat lahik biak khang tal bruk ngak nong .Di huyện Hàm Thuận Bắc, jiak 520 ha taneh ngak nong njauk ia dauh, tui kuhria khat lahik labaih 1 tỷ đồng. Hajan khang dui atah di huyện Bắc Bình ngak ka labaih 10 ha padai bahrau tam drak  mbuan si lahik abih. Dom puk palei dok samar rami ramik veik piah patrun khat lahik  .

Tui Viện Ilamo Thủy lợi gah maraong, tui kuhria dalam dom harei akaok bilan 5 ini, bhum ĐBSCL daok hu hajan di rilo labik saong ia hajan hu meng 70-80mm. Min, urak ini langik tasik daok tame tuk salih bilan, nan ye tuk hajan trun meda hu jakala, hangin khang ba tal ribuk… Kayua yau nan ye dom tinh, ban njauk pato tacei bhap bini dom jalan pacang caga piah patakik bruk par tabung sang danaok, danak dak jalan mbak, sang danaok saong pacang caga bruk njauk jakala taong njauk tame.

Mỹ daok brei pasang iek veik  dom tanut jien je  tong tame pandap panda blei tame meng  Trung Quốc dahlau di tuk abih tuk vak di bilan  7 anak tal, dalam tuk dom urang khik ramik hu panuac ieu cakak trun jien je, piah dong ka urang pandar di negar ni. Tanut pandar cai  CPI di  Mỹ tagok  8,5% dalam bilan 3, lac tanut tagok khang di abih  dalam 40 thun tapa. Bruk brei klaak jien je ngan song pandap blei tame di  Trung Quốc song dom pandap panda karei meda dong patrun  1,3 điểm phần trăm CPI.

Lambaok negar Mỹ di Liên hợp quốc (LHQ) brei thau, Mỹ caong khin Hội đồng Bảo an (HĐBA) buh phiếu dalam bilan 5 ka bruk paglaong taong phat Triều Tiên pambuak tal bruk pambuak gilac dom mbang cuh tên lửa đạn đạo di Triều Tiên. Bilan dahlau, Mỹ hu payua sa sarak ka 15 taneh ia ủy viên Hội đồng bảo an LHQ ka bruk pakauk pablei tabiak pakao saong cakak trun mateh bruk pablei tabiak dầu mỏ ka Triều Tiên. Min, Nga saong Trung Quốc hu brei mboh hatai oh pachrieh tui bruk ngak catang taong phat Triều Tiên.

Sa bala khang di radaih ô tô pajeng tuai song radaih pajeng meyek rah tabiak di angaok jalan nduac samar meng ban ine  Kiev tal Chop, gah Tây Bắc Ukraine harei 3/5 ngak ka 27 urang metai di labik, 12 urang njauk rambuac. Urak ni, urang jakar Ukraine jeng dok pasang iek, duah thau piah ngak brei cambaih laih makna di bala nan./.

Urang lang: Thu Thảo -Hanipha- 4/5