Ninh Thuan patagok rilo bhum ka mik va bangsa takik 

Meng bier harei 15/9, dom sang bac đại học dalam taneh ia hu brei thau điểm chuẩn tane đại học thun 2022. Dahlau di maong 5 bier harei 30/9, anek saih  trúng tuyển brei thau lac drei tame bac tapa online mbang 1 di mangaok hệ thống. Bruk karei dalam tut angan pilih ruah thun ini lac urang pacacah tut angan hatai caong hadei di tuk thau kết quả pacacah tamat THPT. Tui yaok pataom di Mintri Pato Magru, thun ini, dom anek saih tut angan pilih ruah tame đại học lac labaih 642.270, trun daok labaih 20% dut saong thun dahlau.

Hadei di 5 thun brei padeih mek jien jalan, Tổng cục Đường bộ VN pok panuac tagok Mentri Jalan mbak pajeng ba njauk gauk ka bruk brei mek jien gilac veik danak dak buh jien tame padang ngak jalan Roya 1 tapa ban sit Cai Lậy (balai BOT Cai Lậy) saong peih praong mbaok jalan Km1987+500-Km2014 tỉnh Tiền Giang haong caga tukvak peih ngak iek bruk mek jien di harei 20/9, brei mek jien di harei 7 bilan 10. Urak ini, Sở Giao thông Vận tải Tiền Giang khan brei Tổng cục Jalan mbak dom angan radaih ginup harak gal piah miễn jien mbang ka sa ngan haong 1.300 radaih.

UBND tỉnh Ninh Thuận bahrau patabiak Jalan peih ngak Danak dak bruk ngak negar cak rok patagok kinh tế- xã hội bhum bangsa takik saong bhum ceik tukvak 2021 - 2030, tukvak ka I meng di thun 2021 tal thun 2025 di dalam tỉnh Ninh Thuận. Tui jalan ba tabiak, dalam tukvak 2021 - 2025, tỉnh Ninh Thuận meda caik tabiak labaih 2.280 tỷ đồng piah cak rok patagok kinh tế - xã hội bhum mikva bangsa takik saong bhum ceik. Tui jalan ba tabiak tal thun 2025, trun mateh xã, puk palei biak kan kandah, jien mek tame kuhria tui akaok manuac tagok 2 mbang dut saong thun 2020; dom baoh sang kan kathaot trun 3%  sa thun.

Tỉnh Bình Phước hu patabiak Danak dak patagok sang daok xa hoi di tỉnh vaktu meng 2021-2015, pamaong tal thun 2030. Dalam nan meng ini tal 2030, Bình Phước brei peih ngak 18 danak dak sang daok xa hoi ka urang ngak kong ngan haong taneh praong 173 ha,  pabak ka bruk caong khin hu sang daok ka labaih 133 ribau urang. Ta-eng thun ini tỉnh da-a urang buh jien tame sang xa hoi ngan haong 9 danak dak.

Bilan padai Hè Thu thun ini, bhum ĐBSCL trun pajaih jaik 1,5 triệu héc-ta padai, trun 16.000ha dut saong tukvak ini thun blaoh, năng suất tui kuhria hu labaih 57 tạ/ha, sản lượng tui kuhria 8,5 triệu tấn. Di tukvak ini, bilan padai hu yuak blaoh. Daok bilan padai Thu đông urang nong tok ngak labaih 700.000ha. Gah pabak trun, tuk caong pandar brah di dunya daok tagok, abih di nyu nan lac tuk Ấn Độ pakauk pablei tabiak dom janih brah di taneh ia ini meda daong patagok labik dang di brah Việt Nam, lac jalan lagaih piah ka asal brah di taneh ia drei meblah darak pasa di dunya.

Mỹ brei ngak dom jalan taong phạt birau ngan haong 22 urang saong kapol nyaom ba tal bruk mesruh di Nga saong Ukraine. Dom jalan taong phạt birau brei ngak tui ngan haong  bruk pambuak di Mentri Thương mại, jabat daok peih ngak dom jalan pasang iek bruk pablei tabiak negar langiu birau ngan haong Nga saong Mentri Ngoại giao daok maong tame dom gah công  nghiệp quốc phòng saong công nghệ glong di Moskva.

Jit praong COVID-19 jeng lac sa bruk kan kandah ngan haong dom taneh ia châu Phi kayua bruk klauk vaccine pacang caga ruak bier. Bahrau hu labaih 22% rahra di dom taneh ia ini hu klauk ginup mbang klauk vaccine piah caga COVID-19. Dom taneh ia châu Phi daok kham marat piah samar hu gah pabak vaccine caga COVID-19 dalam tuk dom taneh ia kaya meda daok khik piah vaccine saong bruk ngak logistics tukvak jaik di ini oh lagaih.

Ia dauk kayua hajan khang biak khang saong ia khan ralai di bhum ceik gah barak Pakistan  ngak kan kandah tal 33 trieu bhap bini, ngak brei 1.486 urang metai, ba theik rilo sang danaok, radaih, phun pala saong athur raong, tui kuhria khat lahik 30 tỷ USD. Dalam nan hu 1.486 urang metai. Mentri Ngoại giao Pakistan brei thau dom sruh kapal haoh pajeng pandap daong hu par meng dom Các tiểu vương quốc Arab thống nhất saong Mỹ hu mai tal taneh ia ini dalam tuk  Liên hợp quốc daok taong yaom bruk padang ngak veik./. 

Urang lang: Thu Thảo -Ái Nghiêm - 17/9