Tui danak dak mbang nyaom, page ini, QH ginum biai ka dom asar kadha daok sahaneng karei di gauk di Du thao Hukum lực lượng khik caga sron mbon an ninh, trật tự di puk palei. Danak dak Hukum nan hu pok tagok QH brei panuac di mbang nyaom ka 5 QH mbang XV hu rilo panuac njauk hatai pachreih tui, abih di nyu njauk ba tabiak Hukum piah pabah bruk rah tabiak. Dự án Hukum hu jabat ramik pasiam saong ngak brei salah dom asar kadha lagaih haong bruk khik caga an ninh trat tu meng puk palei. Tui du thao Hukum, Mentri Kong an daok khik tamo asar kadha brei njauk gauk dom gah khik caga dân phố, dân phòng, Kong an xã meteh chuyen trach, dom urang ngak akaok , pho akaok kapol dân phòng hu jeng 1 gah lực lượng ngan haong angan lực lượng hu mbaok tame khik an ninh, trật tự di puk palei.

UBND tỉnh Trà Vinh bahrau brei harak chứng nhận ka 57 pandap ngak kong palei pala hu angan pakat tỉnh thun 2023. Ini lac dom pandap hu ngak tabiak meng hatai sahneng duah bharau, hu chất lượng glaong di dom labik ngak pandap di tỉnh, pabak ka urang blei pandar dalam taneh ia sang pamaong tal pablei tabiak negar langiu. Dom pandap hu pilih ruah tui 4 paka lac: pabak hu ka darak pasar saong meda hu prein cakrok bruk ngak, kinh tế - kỹ thuật - xã hội saong alam môi trường, paka gah ilamu, mekre mata saong dom paka karei karei. Tỉnh Trà Vinh jeng pilih ruah hu 15 pandap piah hu mbaok tame pilih ruah pandap ngak kong palei pala hu angan di bhum gah meraong. Tal urak ini, tỉnh ini hu 10 pandap hu brei angan lac pandap ngak kong palei pala hu angan pakat negar. 

Xã Trường Tây, ban sit Hòa Thành, tỉnh Tây Ninh lac labik hu rilo urang Khmer daok, hu rilo ilamu siam gheih, ndung bak dom ilamu mbak carak di bangsa, brei mboh tapa phleing ngũ âm, dom danak dak labik pataom ngak adat cambat di bhap bini…Abih di nyu, bhap bini Khmer di xã Trường Tây hu ragam tamia hagar Chhay-dăm biak mekre, hu Mentri Ilamu, The thao saong Dulich pok brei angan lac Drap ar Ilamu oh mboh di meta pakat negar thun 2014. UB bhap bini tỉnh Tây Ninh hu patabiak ralo jalan khik ramik saong patagok ilamu oh mboh di meta ragam tamia hagar Chhay-dăm di xã Trường Tây hu jeng pandap biak karei duh ka bruk patagok dulich di bhum palei; tui nan pataom tame pato ka 50 anek taco urang bangsa Khmer bac pasram ragam tamia hagar Chhay-dăm piah khik ramik drap ar.

Tal urak ini, huyện Đăk Hà, tỉnh Kon Tum padang hu 2 Kalup kapul Ilamu bhap bini di palei Kon Trang Long Loi, ban sit Đăk Hà saong palei Kon Klốk, xã Đăk Mar; dalam nan, Kalup kapul ilamu bhap bini palei Kon Trang Long Loi hu Mintri Ilamu, Thể thao saong Du lịch pilih ruah ngak labik ngak iek di TW. UBND huyện Đăk Hà daok sangka tacei pato, daong palagaih piah padang tagok saong ngak bruk di 4 kapul daoh tamia meng kan di dom xã; khik ramik bruk ngak di 92 kapul kong chiêng, dui pachreih hu rilo adei sit tame pasram saong khik dalah pui ka bruk ilamu daoh tamia dalam palei. Urak ini dalam huyện Đăk Hà hu 58 sang rông meng kan, khik ramik bruk ngak saong khik piah 100 bộ cồng chiêng; dom puk, palei urang DTTS jeng hu kapul kong chiêng, tamnia xoang.   

Lac sa dalam dom bruk hadah mbaok meta di he sinh thai khoi nghiep di bhum palei dalam tỉnh Gia Lai nan lac Danak “ Palei ilamu dulich Gia Rai”, di xã Ia Mơ Nông, huyện Chư Păh di sa-ai H'Uyên Niê birau taduan hu yai Khuyến khích pakacah “Urang kumei khoi nghiep, patagok drap ar kaya pandap bhum palei” thun 2023 kayua Trung ương Kapol LH Urang kumei Việt Nam peih ngak. Lagaih peih ngak hu bruk nan lac pambak tame prein khang di bhap bini. Ini jeng lac bruk sa-ai H’Uyên Niê pamong tal hu duh ka bhap bini, rik tame khik ramik ilamu meng kan, ngak gheih veik ka bruk dulich ilamu saong rik daong tame bruk patagok kinh te - xa hoi di bhum palei. Danak dak Palei Ilamu dulich Gia Rai hu ba bruk ngak, daong ka dom adei sa-ai salih jalan sahaneng, jalan ngak, yam tagok patruh kathaot.

Đại hội đồng Liên hợp quốc harei kabroi peih mbang nyaom samar drah ka bruk mesruh gauk di Ixraen - Ha-mát. Dom ginum biai rah tabiak dalam tuk Hội đồng bảo an Liên hợp quốc oh ka tabiak hu sarak pambuak tal dom bruk catang tagok di Trung Đông urak ini. Dalam mbang nyaom, Chủ tịch Đại hội đồng Liên hợp quốc Dennis Francis hu ieu dom taneh ia kham merat ngak brei padeih bruk mesruh gauk di Gada. Mbang nyaom samar drah di Đại hội đồng Liên hợp quốc rah tabiak sa harei hadei di tuk Hội đồng bảo an Liên hợp quốc oh brei tapa hu dua sarak piah langyah bruk srau kadau gah ngak pahla di Gada. Trung Quốc saong Nga oh pachreih tui sa dự thảo sarak kayua Mỹ ba akaok, dalam tuk sarak ka 2 kayua Nga ba tabiak oh tapa hu kayua oh hu ginup dom phiếu buh brei.

Bruk negar Mỹ hu Chủ tịch Hạ viện birau brei mboh đảng Cộng hòa brei atah klaak bruk oh njauk gauk piah pataom phieu buh brei ong Mike Johnson umo 51 thun, lac urang di Hạ viện Mỹ meng thun 2016. Nhà Trắng brei thau, Tổng thống Mỹ Joe Biden iew phone mai tadhau yuh Chủ tịch Hạ viện birau ong Mike Johnson, brei mboh bruk caong khin ngak bruk haong gauk, langyah dom bruk njauk ngak dahlau gah dalam saong gah langiu taneh ia Mỹ. Bruk brei ngak dahlau di anak meta di ong Johnson tuk birau tagok lac pataom tame langyah chip bruk srau kadau gah sraiy bo ong ndom lac “ bruk kan kandah praong abih ngan haong bruk an ninh taneh ia di Mỹ” piah plaih bruk kreik pabah mbang rajaei.

Karja bhum ban ine Seoul, Hàn Quốc peih pasram ngak iek bruk pasang iek rilo menuac anak bruk pahadar 1 thun bala juak kateik gauk ngak brei metai menuac dalam tuk Halloween. Karja brei tabiak mbaok sa hệ thống pandar trí tuệ nhân tạo (AI) piah mboh saong khan brei thau ka bruk katin bak menuac. Hệ thống nan hu peih tgabiak ngak bruk meng harei 31/10 di tuk Halloween, dalam nan hu 909 camera tui iek di 71 labik piah langyah bruk nao mai saong khan brei karja thau dom bruk meda ba tal kanjah jhak. Bruk peih ngak iek hu peih tabiak di sa jalan sit hu rilo menuac saong katin sit haong dom kuan bar saong nhà hàng di ban ine Seoul. Bala juak kateik angaok gauk dalam harei Halloween thun blaoh di labik me-in sambai tuk melam Itaewon ngak brei 159 urang metai./.