Phó Thủ tướng Trần Hồng Hà njauk hatai brei ka UBND tỉnh Vĩnh Long tabiak bruk salih 16,81 ha taneh pala padai tapa taneh oh ngak nong piah peih ngak danak dak jalan meng Quốc lộ 53 – Labik ngak kong Hòa Phú (jalan tỉnh 909B) – jalan Phú Lộc Bầu Gốc - Quốc lộ 1. Phó Thủ tướng ieu kakei UBND tỉnh Vĩnh Long pasang iek bruk pandar taneh tani tanat harak gar saong thực địa, tani tanat chỉ tiêu taneh pala padai hu parabha. UBND tỉnh Vĩnh Long njauk hu quyết định salih bruk pandar taneh tuk danak dak ginup prein saong ngak njauk tui adat di hukum.

Pabah mbang 1400, lac pabah mbang điện tử nhân đạo negar daok peih mbang jak ba nhắn tin daong ka danak dak “Baoh sang pahla ka urang kan kathaot bhum tapen negar” 2023 haong cú pháp NHA payua 1407 (20.000 đồng/tin nhắn). Urak ini, raidiuk di bhap bini kan kathaot di bhum tapen negar rilo meng ngak hamu, ngak puh, uraniah takik hu nao bac. Kayua yau nan ye, bruk padang ngak veik sang, tauk veik tabung sang piah pacang hajan rabuk lac bruk caong khin biak praong di bhap bini labik ini. Meng 20.000 đồng daong brei meng yaok tin nhắn, pataom veik hu jeng rilo, tui nan, rilo sang kan kathaot di bhum tapen negar atah bayah meda ngak hu baoh sang khang kajap, peih tabiak jalan ka sang kan kathaot di bhum tapen negar salih bahrau raidiuk.

Ong Phan Văn Mãi – akaok UBND TP.HCM bahrau ieu kakei Cục Thuế  TP.HCM  brei thau cambaih laih ka bruk kak je jien daong lahik bruk di urang ngak di Công ty TNHH Pouyuen Việt Nam, mayah mboh njauk, meda likau oh mek jien je ngan haong paok jien ini. Ong Phan Văn Mãi jeng ieu kakei Sở Lao động – Thương binh saong Xã hội TP.HCM, langiu di bruk sangka yaih khan bruk ngak daong urang ngak lahik bruk njauk salih bruk ngak, pataom tame pasang iek jalan pato tacei, paglaong ilamo ngan haong dom bruk hu chất lượng glaong…  Dahlau di nan, kayua kan kandah di đơn hàng, Công ty TNHH Pouyuen Việt Nam hu padeih harak pambuak bruk ngak haong labaih 2.300 urang ngak.

UBND tỉnh Hậu Giang tacei pato gah pato megru peih ngak samu gauk rilo jalan ngak piah patrun patakik dom anek saih yếu, kém, anek saih klaak bac. Gam haong nan, paglaong labik dang di abih hệ thống chính trị dalam rik daong patagok pato pakai, phổ cập giáo dục, palahik bruk oh thau akhar haroh. Dalam thun 2022 Hậu Giang hu taong abih dom xã, phường, ban sit mek hu chuẩn phổ cập pato pakai mầm non ka uranaih umo 5 thun saong mek hu chuẩn phổ cập pato pakai tiểu học di tanut 3.

Pambuak tal bruk kamuan umo 6 thun daok di xã Lợi An, huyện Trần Văn Thời, Cà Mau njauk amaik hamam taong caik veik 20 labik prak jhuk di rup, akaok UBND tỉnh Cà Mau hu harak pato tacei dom jabat pambuak tame langyah saong hu jalan daong khik salamat ka kamuan. Gam haong nan, pato tacei dom jabat chức năng langyah biak catang njauk tui adat hukum. Harak jeng ieu kakei dom labik peih ngak siam panuac pato tacei di tỉnh ka bruk paglaong dom bruk pacang caga taong paoh, bala njauk rambuac, rapeik rapai di uranaih, abih di nyu nan lac paglaong bruk pathau khan, paglaong akaok saneng ka rahra dalam bruk khik iek, sangka prein yava ka uranaih.

Hãng thông tấn negar Triều Tiên (KCNA) brei thau panuac khan di Mintri Ngoại giao taneh ia ini brei mboh bruk suh sah praong ka bruk yaih khan quân sự “vô trách nhiệm” saong “njauk haduh hatai” di Mỹ saong Hàn Quốc, meda jhul bruk di bán đảo Triều Tiên nao tal labik catang tagaok kan thau dahlau. Triều Tiên jeng hu panuac ieu "padeih chip dom bruk ngak ba tal palai tayah sron mbon saong tani tanat angaok bán đảo ni. Panuac nan hu ba tabiak dalam tuk Mỹ saong Hàn Quốc meda peih bruk pasram mesruh haong gauk hu angan ieu lac "Lá chắn Tự do" kuhria peih tabiak meng harei 13 tal harei 23/3 tal.

Mintri Y tế Thái Lan bahrau brei thau sa roh duah brei mboh hu jaik 10% uranaih di taneh ia ini daok limek tagok saong khan lac bruk ini meda trak damak jang mayah amaik ame saong gru pato di dom adei oh pasiam veik jalan saneng ka dinh dưỡng di rah ranaih. Tui Pasak Dữ liệu y tế di Mintri Y tế Thái Lan, hu tal 9,1% dom uranaih meng umo 0-5 thun njauk brei thau lac labaih kilo dut saong dom adei. Tỷ lệ ini tagok tal labaih 13,4% dalam nyaom dom adei meng umo 6-14 thun saong 13% ngan haong nyaom dom adei meng umo 15-18 thun.

Gah cứu hộ Indonesia daok kham merat duah dom menuac lahik hadei di mbang megei baoh taneh di pulao Searasan. Urak ini, hu 15 urang metai saong 42 urang lahik hadei di bala. Mbang megei baoh taneh atah 100-200 mét saong bruk cứu hộ biak kan kandah kayua daok di labik atah bayah. Dom jamriak praong yau máy xúc oh ka nao tal saong gah cứu hộ daok brei nao meng ghe, hadei di nan lac nao takai. Piah trun meneing dom kan kandah, 2 sruh trực thăng hu brei nao tal piah daong ka gah cứu hộ, pandap cứu trợ jeng hu pajeng ba meng kapal haoh trực thăng.