Bilan 7 meng blaoh, gah brei masaiy di dalam taneh ia tagok tanut âm. Kuhria alam 7 bilan akaok thun, dalam gah gilang paraik hu jien mek tame 12,47 triệu tỷ đồng, bahrau tagok 4,56% dut saong puac thun 2022, bier jang rilo dut saong jalan ba tabiak di dalam thun lac 14%-15%. Dalam tuk rilo doanh nghiệp, labik ngak pandap, pablei salih saong urang nao masaiy daok ndom lac kan si mesraiy hu phun jien. Kayua yau nan ye, gilang paraik kanja gam gam hu panuac ieu kakei dom gilang paraik, gah brei masaiy trun jien laba dom paok masaiy klak saong bahrau takik di nyu 1,5% tal 2%. Bahrau ini, 4 gilang paraik praong abih, lac: Vietcombank, BIDV, VietinBank, Agribank saong labaih piluh gilang paraik  karei ba gauk trun jien laba patak pataom saong brei masaiy.

UBND TP.HCM bahrau hu tacei pato ka bruk cuh pháo bingu salam uan  78 thun CM bilan 8 saong Harei negar 2/9. Tui nan, meng mon 9 tal mon 9 – 15 minit melam 2-9, TP.HCM hu peih bruk cuh pháo bingu di dua labik, sa labik cuh pháo bingu par glaong di labik akaok jalan lubang kraong Sài Gòn (phường Thủ Thiêm, TP Thủ Đức) haong 1.500 baoh pháo bingu cuh tagok glaong, 30 giàn pháo bingu cuh biar saong 10 giàn pháo bingu hỏa thuật; labik cuh tagok biar hu caik di mblang bein ilamu Đầm Sen, Quận 11.

Sở Ilamo, Thể thao saong Du lịch Bình Thuận bahrau ba tabiak jalan peih ngak Katê thun ini di labik inem krung ilamo bimon Pô Sah Inư, ban Phan Thiết. Hu thau, Kate hu peih tabiak meng harei 13 tal harei 14/10 anak tal ngan haong rilo adat cambat meng kan saong bruk ma-in ndung mbak ilamo bangsa Cam. Katê lac harei roya meng kan di urang Cam di tỉnh Bình Thuận hu peih tabiak yaok thun, hu bruk ngak adat cambat saong dom bruk ma-in, dalam nan bruk ngak adat hu maong lac asal kadha praong, lac suan yava di kate, ngan haong hatai caong siam makre ka dunya, hajan siam hangin lagaih, pakhang talei pambuak gauk di dom bangsa adei saai di pak ini.

Festival Áo bà ba - Hậu Giang 2023 hu peih tabiak meng harei 29/9 tal harei 01/10/2023 di ban sit Vị Thanh, tỉnh Hậu Giang gam haong rilo bruk ngak chreih chrai. Tapa nan piah yaih khan ka bhum taneh, anek menuac Vị Thanh, Hậu Giang, jeng tapa nan peih tabiak jalan patagok du lịch ban sit Vị Thanh saong tỉnh Hậu Giang tukvak anak tal. Festival Áo bà ba - Hậu Giang thun ini hu dom bruk ngak praong yau: Parang iek blah rup cih áo bà ba dahlau daih saong harei ini, danak dak daoh tamia, parang iek dom bộ sưu tập áo bà ba angaok kraong... Dahlau di nan, hu dom bruk yau ye peih labik mbang huak, yaih khan pandap OCOP saong dom pandap mbang, menyum biak karei di tỉnh.

Tỉnh ủy, UBND tỉnh Sóc Trăng bahrau pambuak haong Báo Người Lao động peih danak dak “paok jien bac daong ka anek saih - sinh viên bangsa takik, anek saih kan kathaot”, di huyện Châu Thành. Ini lac huyện hu labaih 52% menuac sia lac bangsa Khmer. Dom thun tapa, meng rilo sarak sangka di Đảng saong Kanja daong ka raidiuk di mikva bangsa Khmer dak harei dak patagok. Min, huyện jeng daok dom baoh sang bangsa Khmer daok gaok kan kandah daok hu bruk daong ba cak rok patagok kinh tế. Tapa nan, danak dak hu jao 100 paok jien bac, yaok paok 1 triệu đồng, daong bruk bac taa ka anek saih naih joi lac urang bangsa Khmer di dalam huyện.

Akaok Mintri Tư pháp Mỹ Merrick Garland brei thau, hu mek veik labaih 1,4 tỷ USD njauk meblak mek meng Kadung jien daong tuk jit praong Covid-19, saong cap duas labaih 3.000 urang dalam taneh ia. Dahlau di nan, hu 119 urang taduan duas atau njauk kaoh duas di tòa. Bahrau ini, karja liên bang hu ba tabiak dom duas hình sự ngan saong 371 urang pambuak tal pok jien labaih 836 triệu USD. Dom urang nan meblah mek 45,6 tỷ USD meng danak dak bảo hiểm thất nghiệp dalam tukvak jit Covid-19 tapa bruk pandar yaok ratuh rabau mã số an sinh xã hội di dom urang palang lahik atau dom urang oh ginup paka piah taduan hu jien daong

Kapul gah thủ công saong dom doanh nghiệp mbaih saong sit di Italia bahrau khan brei thau lac bruk salih công nghệ saong tự động hóa dalam meda ngak kan kandah tal 36,2% kapul urang ngak di negar ini. Dom bruk ngak mbuan gaok kan kandah glaong di abih, yau kỹ thuật viên khau tin saong truyền thông, khik ramik hành chính saong pablei salih, chuyên gia khik ramik saong pablei salih, chuyên gia ilamo saong kỹ thuật saong dom urang khik ramik hành chính công. Dalam tuk nan, dom bruk takik gaok bala abih meng ilamo trí tuệ nhân tạo lac dom bruk ngak hu ngak meng tangin oh hu tiêu chuẩn hóa, yau nghệ nhân saong urang ngak meng tangin.

Nhiệt độ di Nhật Bản daok tagok glaong, langik pandiak ngak ka rilo menuac mebuk pandiak, njauk ba tame sang iek ruak. Di labik ban ine Tokyo, pandiak khang meng 35 độ tagok. Daok di labik gah brak Nhật Bản yau Hokkaido, Aomori langik pandiak meng labaih 38 độ, tui kuhria daok pandiak khang dalam dom harei tal. Dom menuac metai kayua pandiak daok tagok rilo. Dalam tukvak meng harei 14 tal harei 20/8, hu labaih 7.000 menuac mebuk pandiak, dalam nan hu 11 urang metai. Daok harei 24/8, di tỉnh Akita hu 2 urang metai kayua mebuk pandiak./.