UBND TPHCM birau meyaom 142 urang naih gheih yau kareih camin vaktu 2021 -2023. Ini lac dom urang yau kareih camin, lac urang asar rik daong bruk jak ba pakacah gauk anit ranam taneh ia hu tame dalam jang, lagaih jang saong bruk ngak hu siam jang. Dalam 142 urang nan hu 46 kapol nyaom saong 46 urang mai meng dom gah yau: Bruk ngak  mbang patagok  kinh te baoh sang, trun kan kathaot khang kajap, pakacah  gauk dak padang taneh palei pala birau, điển hình tiên tiến dalam gah y tế, iak glang prein yawa bhap bini, manuac gheih bruk siam.

UBND tỉnh Bình Dương bahrau tabiak jalan peih ngak danak dak buh jien tame padang ngak jalan Vành đai 4 - TPHCM, labik tatua Thủ Biên - kraong Sài Gòn (vaktu ka 1) tui jalan pambuak bruk công tư (PPP). ​Tukvak ka 1, dom gah padang ngak, taong yaom, pasang iek hồ sơ thiết kế padang cọc, peih mbaok taneh di dom danak dak thành phần piah bayar jien, daong labik daok bahrau. Tỉnh kham merat tal puac thun 2024 jao abih mbaok taneh saong peih bruk padang ngak dalam bilan 1-2024. Tui kuhria, jalan Vành đai 4 - TPHCM hu ba tame pandar meng bilan 12-2026.

Công ty CP Vận jalan radaih pui Sài Gòn brei thau, kong ty hu peih pablei vé radaih pui harei Negar 2/9. Kong ty  peih pablei vé yaok harei ka radaih pui Thống Nhất nan lac SE1/SE2, SE3/SE4, SE5/SE6, SE7/SE8 peih meng TPHCM - Hà Nội; gu radaih SNT1/SNT2 meng TPHCM nao Nha Trang; yau gu radaih SPT1/SPT2 ban rayaTPHCM - Phan Thiết…yaom harak vé tagok labaih 20% dut saong yaok harei. Ngan haong tuai blei vé nao saong mai veik, trun 5% yaom jien blei vé mbang mai gilac veik ka urang blei vé lẻ saong trun 7% jien blei vé ka tuai nao tui kapol nyaom meng 20 urang tagok.

Labaih 1 thun mai ini, jaik abih dom sang raong cim yến di tỉnh Tiền Giang trun bruk mek sruh yến. Di ban sit Gò Công, huyện Gò Công Tây, huyện Chợ Gạo saong ban Mỹ Tho hu rilo sang yến trun bruk mek meng 30-50% duk haong 2 thun dahlau. Dalam tuk nan, bruk pablei sruh yến hadei di jit praong Covid-19 biak mbuan lagaih, yaom sruh yến tamo oh ka ngak hagait mangaok mala 20 triệu đồng/kg,  sruh yến hacih yaom jaik 40 triệu đồng/kg, min kayua sản lượng trun nan ye urang raong hu takik jien mek tame jang duk haong dahlau daih. Tiền Giang hu labaih 1.700 sang raong cim yến, dang ka 3 dalam taneh ia.

15 thun tapa, peih ngak Sarak ka 23 di Mentri Chính trị ( mbang X) ka bruk patui padang ngak saong patagok van hoc, nghe thaut dalam vaktu birau, Ban raya HCM  peih ngak rilo jalan siam lagaih saong urak ini lac bhum palei hu rilo bruk ngak gah ilamu van hoc, nghe thuat dalam negar. Rilo pandap ilamu  tabiak rai meng sarak manuc sia jak gauk tame ngak hu jeng  dom padap  dulich pachreih tuai damuai. Bruk ngak gah van hoc nghe thuat jeng hu rik tame rilo ka bruk cak rok patagok ilamu  di TPHCM. Gah kong nghiep hu prein cak rok patagok kuhria rah tapa labaih 14% sa thun.

Gilang pariak trung ương châu ÂU (ECB) daok brei tagok jien laba payua jien tagok rilo jang 25 điểm phần trăm, tagok 3,75% saong lac tanut glaong di abih kuhria meng bilan 5/2001. Ini jeng lac mbang tagok yaom jien laba ka 9 gam gam dalam 1 thun tapa di gah jien padai ini piah pacang lạm phát urak ini jeng daok di tanut glaong saong dui atah. Langyah ka bruk brei tagok yaom jien laba, Yam ndok ECB, amuk Christine Lagarde brei thau, lạm phát dalam dom taneh ia pandar jien euro yaom lac daok trun min jeng daok di tanut biak glaong saong rah tabiak dalam sa tukvak atah.

Akok mentri  Thương mại Indonesia Zulkifli Hasan brei thau rajaei Indonesia parabha kadung jien labaih 8 ribau tỷ Rupia (Rp) piah caga dahlau bruk kurang pandap mbang, kayua pandiak bhang tua riya langik El Nino rah tabiak. Urak ini, jeng hu rilo panuac huac lac Indonesia oh ginup brah piah caga  ka thun anak tal. Tui Akok mentri  Thương mại Indonesia, urak ini hu biak rilo haduh hatai kayua El Nino meda ngak kurang  pandap mbang. Rajaei meda peih brei phun jien daong bruk pasang iek yaom kaom.

Di ban ine Vientiane, Lào bahrau peih Nyaom darak pablei salih Việt – Lào 2023 (VIETLAO EXPO 2023). Ini lac bruk hu peih tabiak ngak yaok thun saong praong abih kayua Bộ Công thương 2 taneh ia peih ngak. Nyaom darak thun ini hu labaih 100 doanh nghiệp Lào saong Việt Nam parang tabiak yaih khan pandap di labaih 250 gian hàng, dalam nan labik parang pandap di Việt Nam hu 120 gian hàng di 60 doanh nghiệp ngak dom janih yau: Jru tavao saong pandap y tế; Kaya nong, kaya glai, kaya ikan saong pandap chế biến; khan ao jhik blaoh; Thủ công mỹ nghệ saong pandap padang sang, pandap ngak mekre meng gah langiu tal gah dalam sang./.