Ranaih hu nao tal sang bac hu mbaok tapak tame dom bruk tui jalan halan hatian di amaik ame atau urang iek glang

Mbang akaok meti Mentri Chính trị meda brei pasang iek, tabiak bruk taong abih bien che di he thong chính tri dalam vaktu 2022 -2026 saong bruk khik iek bien che. Tui nan, Mentri Chính trị brei ba tabiak quy che, quy định  ka bruk khik ramik bien che di he thong chinh tri. Quy che pataom tame bruk parabha tui pakat, parabha quyen gam haong iek praong bruk ngak dalam dom jabat, kapol nyaom, đơn vị, urang dang akaok, urang jakar, công chức, viên chức dalam he thong chinh tri. Bruk nan hu muk Trương Thị Mai, Ủy viên Mentri Chính trị, Bí thư Trung ương Đảng, Akok Mban Tổ chức Trung ương ba tabiak di nyaom biai pakat negar kuhria iek veik taong abih bruk dak padang Đảng thun 2021, bruk ngak di thun 2022peih ngak di harei kabroi.

UBND TPHCM hu sarak  patabiak tukvak thun bac 2021 - 2022 ngan haong gah pato pakai mầm non di dalam Ban raya. Tui nan, meng bilan 2-2022 tal bilan 7-2022, ranaih hu nao tal sang bac hu mbaok tapak tame dom bruk tui jalan halan hatian di amaik ame atau urang iek glang. Tukvak tamat thun bac tui kuhria lac di harei 29-7-2022. Dahlau di nan, Ban raya HCM hu brei ngak iek bruk pato tapak ka anek saih 2 tal lac 9 saong 12 meng harei 13-12-2021. Hadei di nan, meng harei 4-1-2022 peih pabak dom tal 7, 8, 10 saong 11.

Uy ban bhap bini tỉnh Sóc Trăng saong Kapol Pachreih bac tỉnh birau pambuak bruk saong dom urang daong jien, peih bruk alin brei 86 sruh radaih juak yaom abih tih 129 triệu đồng, brei ka dom adei anek saih kan kandah pachreih bac di huyen Cù Lao Dung. Dom sruh radaih nan daok dalam 800 sruh radaih juah kayua C.ty CP Chế biến Thủy sản Tài Kim Anh, Công ty CP Thực phẩm Sao Ta, Công ty TNHH Chế biến Thực phẩm Bánh Pía- Lạp xưởng Tân Huê Viên buh jien tame daong abih tih 1,2 tỷ đồng piah alin hadiah ka dom adei anek saih hu raidiuk kan kandah daok di 11 huyen, ban sit dalam tỉnh Sóc Trăng. 

Harei 13/1, Akaok negar Nguyễn Xuân Phúc hu harak payua ka saai Trung Văn Nam, palei xã Thăng Long, huyện Nông Cống, tỉnh Thanh Hóa, daok di sang 38, jalan 51, phố Lương Khánh Thiện, phường Tương Mai, quận Hoàng Mai, Ban ine Hà Nội. Saai Nam lac urang oh huac kan kandah, oh sahneng hagait tal rup drei, daong ka adei Vũ Hải Yến gar di dalam sang daok njauk apui mbang di Hà Nội. Dalam harak, akaok negar ndem lac: tadhau ayuh saai, urang hu hatai  dũng cảm saong sa baoh hatai siam, sa prien yava siam hu daong ka sa baoh sang plaih hu bruk pandik harao”.

Tui bác sĩ Phan Minh Hoàng, Yam ndoc Sang iek ruak Phục hồi chức năng saong  taong ruak nghề nghiệp TPHCM, jaik abih dom ruak caik veik hadei di tuk njauk ruak COVID-19 nan lac jalan suan yawa, tim mạch, dom ruak karei meda ba tal sre darah glo kaok. Daok gah jalan sahaneng, rilo urang njauk stress, mboh haduh hatai, ndih oh bingi. Urang ruak brei nao iek ruak, dut iek ruak abih rup piah hu jalan taong ruak sumu, meng nan, daong urang ruak gilac veik mai saong bhap bini hu salamat saong khang kajap.

Harei 12/1, dom urang njom bahrau COVID-19 tui harei di Nhật Bản yam tapa tanut 13.000 urang, mbang camriep dalam labaih 4 bilan, dalam tuk tamuh jit ka 6 tamuh tabiak kayua biến thể Omicron daok ngak brei njom mbak tabiak grauk taneh ia. Nhật Bản hu 13.244 urang njom bahrau di taneh ia, dalam nan ban ine Tokyo hu 2.198 urang saong mbang akaok meti hadei di labaih 4 bilan,  yam tapa tanut 2.000 urang.

Mban Thư ký Ủy hội sông Mekong (MRC) daok hu panuac ieu 6 taneh ia tapen kraong Mekong samar langah bruk ia nduac takik dalam bhum, bruk salih karei oh bhian mboh di ia trun takik saong bruk pandiak bhang tua riya  dalam bhum gah ala kraong Mekong daok hu ia takik abih thun ka 3 gam gam. Harak pathau kayua Ban Thư ký MRC brei thau harei 13/1 brei mboh dalam 3 thun tapa, dom ribaong di kraong Mekong daok trun biar di abih dalam labaih 60 thun, dalam nan, thun 2020 lac thun pandiak bhang abih di bhum gah ala kraong Mekong.

Hadei di mbang ginum biai dui atah labaih 21 maong, Nội các liên minh di Thủ tướng Séc Petr Fiala harei kabroi hu mek viek hatai jia di Hạ viện ngan haong 106/193 urang hu mbaok pachreih tui. Thủ tướng Phi-a-la maong iek bruk ginum biai dui atah dalam mbang njaom mek harak tín nhiệm lac sa dalam bruk brei mboh cambaih ka bruk mek bhap bini ngak pasak di Séc dalam tukvak urak ini./.

 Urang lang: Thu Thao – Bhumi – 14/01