Patui danak dak mbang nyaom ka 10, dah page ini, brei panuac ka danak dak Hukum pasiam viek, pabak dom paka di Hukum Tần số vô tuyến điện, Ủy ban Thường vụ Quốc Hội hu panuac lac, njauk tabiak tanut độ rộng băng tần bo dom kapul hu brei adat pandar piah plaih ratabiak bruk thâu tóm độc quyền, pandar oh lagaih, ngak palai pajoa kaya tần số.

Harei ni, dom tỉnh ban dalam taneh ia yam tame adit  peih bruk klauk  vaccine pacang COVID-19 ka uranaih meng  5 tal mala 12 thun tui jalan klauk meng praong tal sit. Tui panuac kakei di dom chuyên gia y tế, tuk klauk jru, dom amaik ame brei tui iek pren yava di uranaih dom harei dahlau di nan, mobh hu hagait karei halei oh, mboh viêm jalan suak yava halei oh. Abih di nyu nan lac, meyah medil uranaih njom ruak  COVID-19 ye oh brei klauk jru.

35 anek saih bangsa takik saong bhum tasik sang gaok kan kandah di tỉnh Bà Rịa-Vũng Tàu bahrau hu taduan paok jien bac Vừ A Dính  yaom 1 triệu đồng sa paok. Dalam dua thun bac meng blaoh, dalam tỉnh Bà Rịa-Vũng Tàu hu jaik 200 anek saih bangsa takik, bhum tasik hu sang gaok kan kandah hu taduan paok jien bac Vừ A Dính. Tapa nan, daong ka dom adei hu pabak prein khang, hatai jia tame raidiuk, kham marat yam tagok dalam bruk bac taa. 

UBND tỉnh Long An brei adat ka dom puk palei peih veik bruk brei menuac saong pandap tame, tabiak di tong abih pabah mbang negar, jalan tapen negar. Dalam tuk peih ngak, dom jabat brei khik kajap bruk pasang iek, pacang caga jit tui tacei pato di mintri  Y tế, nyaik  bruk njom ruak  COVID-19. Tỉnh Long An hu jalan tapen negar atah  133 km, tapa  20 xã di 5 huyện song sa ban sit tapen negar  jiak song  16 xã di  2 tỉnh Svay Rieng song  Prey Veng, negar  Campuchia.

Akaok UBND tỉnh Tây Ninh hu pato tacei huyện Gò Dầu tame bruk duah thau, ngak brei cambaih laih saong langyah tui adat bruk cei jru di sang bac THCS Phước Đông taong, pah tame mbaok anek saih tal 7 dalam tuk bac. Dahlau di nan, di mangaok mạng xã hội hu 1 đoạn clip brei mboh viek bruk sa anek saih daok anak mac komputer caik di bàn saong gam gam njauk cei jru taong rilo mbang tame akaok dalam tal bac, daok ngak suh sah hatai manuac sia.

Harei ni, bol bala  Mỹ song  Hàn Quốc tame bruk pasram mesruh haong gauk bilan xuân yaok thun, dui atah tal abih harei  28/4, yaom lac hu panuac oh njauk hatai biak khang meng Triều Tiên. Bruk pasram mbang ini piah patagok bruk pacang caga, paglaong prein caga ngak saong pacang cakak dom bruk karei di gauk di bol bala Mỹ song Hàn Quốc. Dalam tuk nan, harei kabroi  (17/04), Triều Tiên hu ba tabiak panuac lac, tong abih dom bruk ba tal khiêu khích song palai pajoa sron mbon di palao Triều Tiên “njauk brei bayar yaom”.

Thượng Hải, lac ban praong abih di Trung Quốc hu 3 urang metai camriep kayua COVID-19 kuhria meng di tuk ban ini peih bruk pacang veik dalam mbang tamuh jit ruak trak damak abih. Trung Quốc, lac labik camriep abih duah mboh virus SARS-CoV-2 di puac thun 2019, bhian pacang hu COVID-19 meng sarak “oh hu COVID”. Min, urak ini taneh ia hu rilo menuac abih di dunya daok havieng akaok piah pacang mbang tamuh jit ruak di rilo labik, dalam nan rilo meng lac kayua biến thể Omicron njom mbak biak samar ba tal jit ruak.

Jiak 400 urang metai hadei  di mbang ribuk khang di abih kuhria meng kan mai rah tabiak di akaok adit meng bloh di dom labik tapen takai tasik  gah pai di  Nam Phi. Rajaei Nam Phi njauk tabiak bruk sami samar di dom labik ribuk nao tapa song caga buh tabiak labaih 68 triệu USD ka bruk dong samar tuk camereip. Labaih 4.000 urang hu ba tal dom labik njauk kan kandah piah dong ka urang gaok bala saong daong ka rahra hu tani tanat rai duik./.

Urang lang: Thu Thảo & H.Pha – 18/4/2022