Akok Mentri Công Thương Nguyễn Hồng Diên

Page ini, di Sang QH, UBTV QH peih bruk tangi sua saong javap jalei di urang QH ngan saong 2 urang dalam Rajaei lac Akok Mentri Công Thương Nguyễn Hồng Diên saong Akok Mentri  Tài nguyên saong Môi trường Trần Hồng Hà. Dahlau di mbang tangi sua, cử tri hu caong khin hadei di mbang tangi sua Rajaei hu sarak lagaih, ngak brei tani tanat yaom xăng menyek dalam tuvak anak tal jeng yau hu jalan pacang cakak pambak tame bruk bayar yaom piah mbang tui dalam dom mbang to yaom taneh. Mbang tangi sua hu peih online tapak saong 63 Kapol urang QH dom tỉnh, ban di T.Ư saong hu Rayo sap ndem Viet Nam peih tapak angaok riyak VOV1.

Rajaei hadei di tuk ginum biai hu ba tabiak sarak “miễn thị thực” ka rahra dom taneh ia: Đức, Prang, Italia, Tây Ban Nha, Anh saong Bắc Ireland, Nga, Japon, Đại Hàn Dân Quốc, Đan Mạch, Thụy Điển, Na Uy, Phần Lan saong Belarus tuk tame Việt Nam daok dalam 15 harei kuhria meng harei tame, oh kuhria janih passport hagait, oh cang thau tame piah ngak hagait, min brei pabak ginup dom kadha tui hukum Việt Nam. Sarak “miễn thị thực” tuk tame Việt Nam ka rahra dom taneh ia nan hu ba tabiak ngak dalam 3 thun, kuhria meng harei 15/3/2022 tal abih harei 14/3/2025 saong meda hu pasang iek brei dui atah harei jang tui bruk ba tabiak di hukum Việt Nam.

149 đơn vị palih ruah, ngan saong labaih 63.000 labik ngak kurang manuac ngak daok caong pilih ruah haong biak rilo bruk ngak karei  di gauk hu ba tame “Mbang palih ruah bruk ngak online bhum  Nam kraong Hậu - ĐBSCL - Đông Nam Bộ thun 2022” kayua Pasak Dịch vụ bruk ngak ban Cần Thơ pambuak saong dom tỉnh, ban bhum Nam kraong Hậu - ĐBSCL - Đông Nam Bộ peih ngak harei kabroi; Ta-eng Pasak  Dịch vụ bruk ngak ban Cần Thơ, hu 81 D.N hu mbaok tame, ngan saong labaih 15.000 bruk ngak daok kurang manuac caong pilih ruah. Dalam nan, 03 D.N tame palih ruah tapak saong 07 D.N brei palih ruah tapa online. Hu 09 D.N palih ruah tame ngak bruk dalam negar saong 01 D.N palih ruah ngak bruk langiu negar, ngan saong 7.000 bruk ngak daok kurang manuac caong pilih ruah saong 71 D.N tame palih ruah ủy thác ngan saong labaih 8.000 labik khin palih ruah manuac tame.

Tổng Cty đầu tư saong patagok công nghiệp  (Becamex IDC) bahrau hu pok angan dalam Top 10 jabat patagok sang danaok taneh riya công nghiệp siam abih thun 2021 kayua Hiệp hội Bất động sản Việt Nam (VNREA) haong Viện Roh duah Bất động sản Việt Nam (VIRES) pilih ruah. Hu taong yaom lac 1 dalam dom angan hu angan je dalam gah đầu tư saong padang ngak hạ tầng labik ngak kong, labik menuac sia daok, labik đô thị saong jalan mbak nao mai, urak ini Becamex IDC daok ngak rilo janih, rilo bruk, dalam nan mek patagok cơ sở hạ tầng công nghiệp, jalan mbak, đô thị lac bruk ngak praong, ngak jeng prein khang piah jhul tagok dom bruk ngak karei. 

Tui pathau khan di Sở Tài nguyên saong Môi trường Ban raya Hồ Chí Minh, hadei di sa thun, bruk tacei ba jalan di UB bhap bini Ban raya ka bruk langyah taong phạt sap ron sir ba mai rilo siam mekre. Mbiah tal ini, taong abih 22 quận, huyện saong Ban Thủ Đức hu ba tabiak jalan ngak, sarak tacei pato peih ngak bruk pathau khan, langyah dom bruk ngak ron sir suan dalam labik di drei. Dalam nan, bruk pathau khan, jak ba tuk camereip hu peih ngak sumu gauk, praong, dalam saong bhian dalam Ban ngan saong rilo jalan ngak, lagaih saong dom kapol nyaom urang.

Nyaom biai Akaok Mintri Quốc phòng NATO harei ini (16/3) rah tabiak dalam tuk bruk mesruh gauk di Nga haong Ukraine oh ka mboh trun. Mbang nyaom piah ba tabiak dom bruk praong hu ngak suai lavik yau patagok lực lượng, caik pagam thiết bị quân sự saong peih praong dom hệ thống phòng không haong không gian mạng.  Dalam sa bruk karei hu pambuak tal, Nga harei kabroi brei thau lac daok peih ngak dom bruk piah tabiak truh Hội đồng châu Âu, gam haong nan hu panuac lac EU saong NATO pandar tổ chức ini piah peih praong bruk chính trị, kinh tế saong quân sự tapa gah Timur.

Harei 15/03, di pasak  parang iek Matxcơva “Crocus Expo” hu peih pakak Parang iek Dulich Dunya MITT 2022. Bruk parang iek ini rah tabiak tal harei 17/03.  Dalam dom taneh ia negar langiu hu mbaok tame parang iek mbang ini, hu urang lambaok di 17 taneh ia saong labaih 60 urang, kapol nyaom di Liên bang Nga. Yaom lac dom taneh ia negar langiu oh ralo yau thun dahlau, min dom urang, kapol nyaom di Nga hu mbaok tame parang iek thun INI rilo jang. Thun ini, dalam tuk Nga gaok rilo adat taong phạt , labaih 30 taneh ia Châu âu kareik pabah mbang mblang kapal haok saong Nga jeng yau dom mbang par tal saong nao meng Nga di dom hãng kapal haok taneh ia ini brei padeih, tui kuhria mboh dahlau, dom taneh ia Châu Á yau Thái Lan, Trung Quốc, Việt Nam, Indonesia…meda taduan hu bruk sangka, pilih ruah rilo jang di tuai damuai negar Nga.

Hãng jru Pfizer meda hu panuac tagok Jabat Khik ramik Pandap mbang saong Jru tavao Mỹ (FDA) brei adat klauk mbang pabak ka 2 vắc-xin pacang Covid-19 ka urang umo meng 65 thun tagok. Hu thau, Pfizer daok hu panuac likau FDA brei adat iek tui bruk meng Israel, labik 1 mbang klauk pabak ka 2 hu pasang iek brei adat ka dom kapul menuac urang. Urak ini, Chile saong Đức jeng daok peih bruk klauk mbang vắc-xin pacang Covid-19 mbang ka 4 (lac mbang pabak ka 2) ka dom urang daok dalam kapul mbuan si njaom ruak./.

Urang lang: A.Nghiem & M.P – 16/3/2022