Tui nan, tal 1 kuhria meng 0 kwh tal 100 kwh. Akaok Mintri Ngak nong saong patagok palei pala ngak cambaih dom jalan langyah patagok dom yaom kaom kaya nong Việt Nam, rik tame ngak tani tanat bruk pablei tabiak negar langiu, patagok jien mek tame ka rahra. Akaok Mintri Ilamo - Thể thao saong Du lịch hu ndom tal bruk patagok dom yaom glaong ilamo puk palei, yaom glaong ilamo meng kan piah dui pachreih tuai mai rivang ma-in…

Piah ka urang ngak nong thau bruk salih số saong pandar nền tảng số dalam pala drak, raong glang saong pablei kaya pandap, tukvak tapa, kapul urang ngak nong tỉnh Bình Phước kham merat pato pasram ka urang jakar pan akaok saong urang ngak nong. Kapul urang ngak nong tỉnh Bình Phước jeng hu pambuak bruk gah salih số haong VNPT Bình Phước piah jhul khang bruk salih dalam urang ngak nong, jhul khang pandar công nghệ thông tin dalam khik ramik, tacei ba, rik daong paglaong kein lagaih bruk ngak di kapul saong bruk urang ngak nong angaok nền tảng số urang nong Việt Nam. 

Đạ Huoai lac huyen daok di gah mraong tỉnh Lâm Đồng hu jaik 10 ribau urang bangsa takik, meblah jaik 28% rahra, hu 21 bangsa adei saai; dalam nan hu rilo abih lac urang K'Ho, Châu Mạ. Dom thun tapa, meng bruk caik hatai sangka di Ndang, Kanja, raidiuk di mikva bangsa takik daok pak huyện Đạ Huoai hu rilo siam makre, tani tanat. Dom urang jakar, urang ndang, urang hu angan je patagok siam bruk ngak di drei rik tame bruk dak padang cak rok patagok kinh tế - xã hội, padang ngak palei pala bahrau dak harei dak siam makre, hadah hadai.

Ban sit Đak Đoa, tỉnh Gia Lai bahrau peih mbang darak yaih khan kaya pandap bhum urang bangsa takik saong kaya nong salamat thun 2024. Mbang darak yaih khan dom kaya pandap OCOP, kaya pandap di tỉnh yau ye njam patam, baoh kraoh, ralow athur, menuk ada, ia hani dar ko... di bhap bini bangsa takik, kaya nong, kaya glai, kaya ikan hu ngak blaoh lac cà phê, amriak kalu, baoh kayau bluh thu, rabung thu, pa-ok blait, brah. Bruk njauk menyai nan lac, dalam mbang darak, urang blei saong tuai damuai daok hu duah thau dom ilamu meng kan di bhap bini bangsa takik, hu maong iek ragu ragam kong chieng.

Tal urak ini, danak dak jalan Vành đai 3 TP.HCM labik nao tapa tỉnh Long An hu padang ngak labaih 40% dom bruk ba tabiak tui panuac ieu kakei di Rajaei. Dalam nan hu danak dak mek hu saong yam tapa bruk ba tabiak jaik mateh dom bruk ngak. Danak dak hu 3 paok thau padang ngak pasiam veik, jeng daok hu jhul samar drah bruk ngak dalam 3 ca. Abih di nyu nan lac, paok thau XL3 – padang ngak canah jalan puac labik ngak hu jaik mateh bruk ba tabiak. Ini jeng lac paok thau hu ngak samar jang bruk ba tabiak.

Piah ngak tui panuac pagun sanya patrun patakik tathuak khí nerak sang kreih camin saong oh hu cacbon, Rajaei Nhật Bản daok peih ngak danak dak “cakrok điện nguyên tử rai bahrau”, tui jalan lac paglaong salamat di dom sang mac điện nguyên tử. Tui nan, sa pok jien biak praong tagok tal 700 tỷ Yên (lac jaik 4,8 tỷ USD) hu buh tabiak piah ngak dom bruk paglaong salamat hạt nhân. Ini lac sa naong trak ka kadung jien karja di Nhật Bản, dalam tuk kinh tế taneh ia ini jeng oh ka tabiak truh bruk lạm phát dui atah, yaom pandap tagaok glaong.

Piah khik ka urang ngak anak bruk njauk urang pan akaok ngak srau kadau hadei di maong ngak bruk, Australia brei adat meng akaok adit anak tal, urang ngak di negar ini oh njauk javap jalei phone hadei di maong ngak bruk. Hukum ini oh pakauk urang pan akaok taom gaok, ndom biai haong urang ngak, min urang ngak meda hu quyen oh bac atau taom gaok haong urang pan akaok hadei di maong ngak bruk bo oh cang hu makna hagait. Adat ini tok pandar haong jabat hu meng 15 urang ngak tagok.

Danak dak var mbang dinh dưỡng brei saoh, pagun sanya dalam bruk tranh cử di Tổng thống đắc cử Indonesia Prabowo Subianto, hu peih tabiak di harei 2/1/2025. Danak dak hu peih ngak tapak di grauk labik dalam Indonesia brei ka anek saih di sang bac gam bac gam daok Islam, urang kamei metian, urang amaik daok brei anek mum saong uranaih mala 5 thun. Danak dak var mbang jala brei saoh nan, tui kuhria abih labaih 460 rabau tỷ Rupi (29,3 tỷ đô la Mỹ) yaok thun, meda ba tal bruk blei pandap mbang meng negar langiu tame Indonesia rilo jang./.