Chủ nhiệm Ủy ban Pháp luật của Quốc hội Hoàng Thanh Tùng phát biểu

Patui danak mbang nyaom ka 9, harei kabroi, hadei di tuk pang Kapol pasang iek kadha pathau khan bruk ngak hu tuk camereip dalam bruk ramik veik dom đơn vị hành chính pakat huyện, pakat xã dalam tukvak 2019-2021, UBTVQH brei panuac oh ba tabiak jalan ngak ba huyện tame ban piah lagaih bruk brei urang ngak bruk saong quy hoach đô thị. Anak bruk xăng, menyek tagok yaom ba tal yaom di rilo janih pandap, dịch vụ, jien karei tagok tui ngak ka raidiuk, bruk ngak mbang di bhap bini gaok kan kandah, UB TVQH hu panuac haong Rajaei brei tacei pato Mentri Công thương, Mentri Jien padai  saong dom mentri, dom gah pambuak tal brei hu jalan khik ramik, pasang iek yaom kom pandap panda, dịch vụ tuk ramik veik yaom xăng menyek, patrun patakik bruk pandap karei tagok tui yaom xăng menyek yau urak ini piah duah laba oh njauk; hu jalan daong ka bhap bini saong doanh nghiep.  

Harei pataom daoh tamia bhap bini, ilamu dom bangsa bhum Trường Sơn - Tây Nguyên mbang III thun 2022 kayua Cục Ilamu cơ sở pambuak haong Sở Ilamu, Thể thao saong Du lịch tỉnh Kon Tum peih tabiak meng harei 16 tal harei 19/3/2022 di ban sit Măng Đen, huyện Kon Plông, tỉnh Kon Tum. Ngan saong kadha: “Trường Sơn Tây Nguyên – Jum pataom, hadah krah saong cakrok”, Harei pataom hu mbaok 19 tỉnh bhum Trường Sơn- Tây Nguyên (tỉnh Đăk Nông oh pataom mbaok tame). Ini lac bruk ngak, hu peih tabiak piah khik ramik, pato pakai saong patagok dom yaom glaong inem krung ilamu phi vật thể, adat cambat, tanarakun, rija roya meng kan, ragu daoh, ragam tamia bhap bini, khan ao ngui cuk, pandap mbang huak… di bhap bini dom bangsa daok dalam bhum Trường Sơn - Tây Nguyên saong lambaok dom bangsa adei sa-ai daok dalam taneh ia. Gam haong nan, brei mboh hatai jia tame bruk pan akaok, ba jalan di Đảng, Karja, pamedeih tagok hatai caong ngak brei cakrok taneh ia, patagok bruk jum pataom bangsa.

Piah diukrai lagaih, salamat, sami samar, pacang hu jit ruak Covid-19, ban sit La Gi, tỉnh Bình Thuận daok jhul samar bruk klauk vaccine pabak ginup ka bhap bini, piah pacang caga ruak dalam bhap bini, pasiam veik saong patagok bruk ngak mbang, tani tanat raidiuk ka bhap bini. Kuhria tal tuk vak ini, ban sit La Gi hu labaih 96.8500 urang hu klauk mbang 1 vaccine pacang caga Covid-19, meblah hu labaih 110%, 95.524 urang hu klauk vaccine mbang 2 sumu labaih 109%. Daok mbang klauk ka 3 vaccine pacang caga Covid-19 (lac mbang klauk pabak) ye hu labaih 41.230 urang, sumu 47%.

Huyện Vũng Liêm, tỉnh Vĩnh Long brei kareik cống Vũng Liêm saong cống Cái Tôm piah pacang ia mbak nduac tame. Ini lac 2 danak dak ribong kraong ba ia pruh ka tỉnh Vĩnh Long saong meneing taneh ngak nong di tỉnh Trà Vinh ngan saong taneh praong labaih 28.000 ha, ralo meng ngak padai saong phun mbang baoh. Tuk ia trun, yaok harei cống Vũng Liêm brei peih sa mbang, yaok mbang peih 1 mon piah ia tame tabiak. Daok cống Cái Tôm brei kareik luac tukvak ini, tuk ia mbak trun 0,5‰ meda brei thau hadei. Tukvak kareik cống Vũng Liêm saong cống Cái Tôm hu karja palei brei ka bhap bini di labik pambak tal di 2 tỉnh tỉnh Trà Vinh saong Vĩnh Long thau  piah caga ia piah pruh ka phun pala dalam tukvak ini.

Sa kapul dom urang ngak mbang huak saong dom urang cứu trợ di dunya daok dalam kapul World Central Kitchen daok pabak yaok rabau var mbang yaok harei ka dom urang nduac mai meng Ucraina. World Central Kitchen lac sa kapul ngak bruk oh mek laba hu jabat daok di Mỹ, bhian pabak pandap mbang brei saoh ka dom urang gaok kan kandah meng bala di langik tasik saong bruk srau kadau. Tui kuhria mboh di Liên hợp quốc, meng di tuk Nga taong tame Ucraina, hu labaih 2 triệu 500 rabau rahra di taneh ia ini nduac klaak taneh ia, tapa plaih bala di dom taneh ia daok jaik taphia.

  Cổ phiếu di dom labik ngak vaccine praong angaok darak chứng khoán Mỹ jeng tagok yau gauk di harei akok adit, dalam tuk Trung Quốc daok pacang caga haong mbang tamuh jit ruak Covid-19 jhak abih kuhria meng thun 2020, ngak brei huac lac jit praong meda dui atah saong bruk nan meda ngak brei patagok bruk khin hu vaccine caga ruak Covid-19 tukvak anak tal. Di mbang giao dịch page harei kabroi, cổ phiếu di hãng jru Moderna tagok tal jaik 20% glong abih dalam harei lac jaik 167 đôla Mỹ. Dalam tuk cổ phiếu di hãng BioNTech tagok 12%, kareik pabah mbang di tanut jaik 152 đô-la sa cổ phiếu; cổ phiếu di hãng Pfizer tagok 4%, tagok labaih 52 đôla Mỹ.

Ấn Độ brei peih bruk klauk vaccine pacang Covid-19 ka uraniah dalam umo meng 12 tal 14 thun, meng harei paguh (16/3).Vaccine hu pandar lac Corbevax di Hãng jru Biological E hu jabat daok di Ấn Độ. Jeng dalam harei nan, rajaei Ấn Độ jeng peih bruk klauk mbang vaccine pabak ka taong abih rahra umo meng 60 thun tagok./.

Urang lang: Thu Thảo & H.Pha - 15/3/2022