Ủy ban Thường vụ Quốc hội (UBTVQH) hu brei panuac ka Danak dak Hukum Trình tự, harak gal Tòa án bhap bini pasang iek, ba tabiak bruk ba urang nghien matuy meng umo ginup 12 thun tal umo ala 18 thun tame labik brei cakak nghien chap ngak. Tui nan, UBTVQH njauk hatai brei ba tabiak điều kiện padeih, miễn ngak tui sarak ba tame labik cakak nghien; điều kiện brei padeih, miễn ngak tui dalam tukvak ba  tame labik cakak nghien daok veik dalam dự thảo hukum piah ba tame ngak tui; oh ba tabiak tukvak langyah, brei ba tame labik cakak nghien dalam hukum ini. UBTVQH brei panuac caong  Tòa án bhap bini pakat glong pambuak saong dom jabat di Rajaei ngak brei cambiac laic bruk uranaih nghien matuy, brei thau bruk taong yaom bruk jhak, bruk kan kandah di dom labik cakak nghien dalam negar gam haong dom bruk daong di sarak. Tui kuhria dahlau, hukum meda hu UBTVQH pasang iek brei tapa dalam mbang ka 2, mbang nyaom ka 9 di harei 24/3 anak tal.

“Thun du lịch tỉnh Tuyên Quang 2022” lac bruk hu tỉnh ini peih ngak  piah salam uan bruk pahadar 75 thun Harei Wa Hồ mai veik Tuyên Quang saong gam haong taneh ia pasiam veik bruk du lịch dalam tuk siam mekre bahrau. Tui nan, “Thun du lịch tỉnh Tuyên Quang 2022” hu peih tabiak di harei 30/3 ngan saong rilo bruk ngak chreih chrai, bui sambai, dui atah tal abih thun, yau ye: Adit ilamu - Du lịch huyện Lâm Bình, Harei pataom bingu lê Hồng Thái, Giải pakacah ghe Kayak, Rija Thành Tuyên thun 2022, Harei pataom ilamu - du lịch bhum glaong Na Hang, Harei pataom “Giã cốm” saong var darak bhum palei di thác Bản Ba, danak dak daoh tamia di bhap bini dom bangsa …

Labaih 2 thun tapa, jit ruak Covdi-19 rah tabiak sraw kadau ngak kan kandah trak tal bruk pablei salih, parabha pandap panda tui jalan klak. Piah salih karei ka nyu lagaih, kein laba saong khik hu bruk pacang caga jit, urang blei tui jalan online rilo jang salih ka bruk blei di darak pasar, sieu thi, cửa hàng. Piah pabak ka bruk nan, rilo cua hang hu peih jalan pablei pandap online angaok blah web pablei salih điện tử Potsmart.vn, tiki, Lazada, Shopee... Di Yên Bái, mbiah tal ini, hu labaih 100 pandap OCOP du dom D.N, urang pablei salih angaok dom blah web pablei salih điện tử.

Kayua mblang kapal haoh Tân Sơn Nhất brei padeih sa jalan par trun - tagok, meng ini tal harei 30/4, dom hãng kapal haoh hu panuac kakei tuai bhian caik hatai tui iek tukvak par piah caga bruk nao mai. Vietnam Airlines brei thau, bruk ini meda pambak tal mon tabiak, mon tal di dom mbang par, abih di nyu lac dalam tukvak tabung glaong hu rilo mbang par, trun -tagok. Gam haong nan, dom hãng kapal haoh Vietnam Airlines, Bamboo Airways saong Vietjet Air jeng hu ba tabiak panuac kakei tuai bhian tui iek phone tangin atau email piah thau tukvak par meyah hu bruk salih karei.

Pambuak tal bruk rilo urang jakar ngak praong di Sở Lao động Thương binh saong Xã hội Ban raya HCM taduan 4,6 triệu đồng meng Kadung jien jak ba urang rik tame pacang jit COVID-19, ong Nguyễn Văn Lâm, Phaok Yam ndoc Sở  ini brei thau dom urang jakar di Mban tacei jalan pacang jit di đơn vị njauk gauk brei bayar veik paok jien nan. Dahlau di nan, hu 22 urang, dalam nan hu rilo urang ngak praong di Sở ini taduan 4,6 trieu dong ka yaok urang meng kadung jien jak ba urang rik tame pacang jit ruak. Kadung jien nan hu jak ba meng dom gah pambuak haong Sở, kuhria tal harei 10/8/2021, hu 30 đơn vị rik jien tame kadung jien hu labaih 461 trieu dong.

Trung Quốc bahrau ba tabiak brei thau phiên bản ka 9 di bruk chẩn đoán saong taong ruak Covid-19 – phiên bản bahrau abih hu chuyên gia dang akaok taneh ia ini taong yaom lac siam di abih tal tukvak ini saong hu dom “ramik veik biak siam, biak cambaih laih” dalam bruk mesruh pacang jit ruak di taneh ia ini.  dalam phiên bản bahrau, Trung Quốc hu ba châm cứu tame yau sa jalan taong ruak piah taong ruak ka dom urang ruak hanjul, ruak thông thường, saong biak trak damak.

Dom urang khảo cổ học di Prang hu duah mboh dom kubo meng kan saong sa cỗ quan tài ngak meng chì sahaneng lac hu meng abap 14 gah ala nhà thờ Đức Bà (Notre Dame) pak di ban ine Paris. Cỗ quan tài nan  meda dar urang halau janeng  meng kan saong hu ngak dalam dom thun 1300 hadei di tuk nhà thờ  Đức Bà hu padang ngak. Bruk kuac rok di nhà thờ Đức Bà Paris jeng hu mblo tabiak dom binah di sa pandap sarak uak sơn meda lac hu meng abap 13.

Reuters brei thau, hãng ngak ô tô Toyota di Japon brei thau lac meda trun sản lượng dalam taneh ia dalam 3 bilan tal kayua klaih klaoh bruk pabak “chip” saong dom janih pandap karei piah ngak, lac bruk daok ngak kan kandah trak tal gah ngak ô tô angaok dunya. Tui nan, dalam bilan 4 anak tal, hãng brei cakak trun sản lượng dalam taneh ia jaik 20% duk haong bruk ba tabiak tuk camereip, trun 10% dalam bilan 5 saong trun 5% dalam bilan 6./.

  Urang lang: A.Nghiem & M.P – 19/3/2022