Harei ini 21/12, UBTVQH patui veik danak dak mbang nyaom ka 18. Asar kadha hu makna praong dalam mbang nyaom lac pasang iek veik bruk caga saong brei panuac ka asar kadha, danak dak mbang nyaom oh hu caga dahlau mbang ka 2, QH mbang 15 saong brei panuac ka bruk quy hoạch taong abih dalam negar vaktu 2021-2030, pamong tal thun 2050. Jeng dalam harei ini, UBTVQH brei panuac ka hukum Taong ruak iek ruak (pasiam veik) saong pataom iek veik, taong yaom bruk peih ngak Sarak 30, Mbang nyaom ka sa, QH mbang 15, ba tabiak dom cơ chế, sarak ka y tế. Pasang iek, ba tabiak bruk brei ramik kuhria jien buh tabiak meng kadung jien karja thun 2022 di Sang bac Trung cấp Luật Tây Bắc meng Bộ Tư pháp tapa Ủy ban bhap bini tỉnh Sơn La.

Sở Jalan mbak pajeng ba TP.HCM bahrau mbaoh tangin brei bruk saong kuhri kuhria pok jien caga ngak tatua Cần Giờ tui jalan pambuak bruk công tư (PPP). Tatua Cần Giờ atah 3,4 km, kuhria ngak meng 4-6 jalan radaih, labik kreh tatua brei ka gilai kapal tapa glaong 55 m, salih ka phà Bình Khánh, pambuak huyện Cần Giờ haong pasak saong labik jaik taphia. Tatua Cần Giờ tui kuhria hu ngak haong yaom jien jaik 10.000 tỷ đồng; dalam nan, gah padang ngak buh jien tame padang ngak, kadung jien karja ban raya buh tabiak jaik 4.000 tỷ đồng brei ka bruk bayar taneh mek ngak tatua. Tatua hu peih bruk padang ngak di thun 2024 saong hu ngak salah di thun 2028.

Sở Ilamu - The thao saong Dilich tỉnh Bình Dương birau peih bruk brei ba danak dak pasiam tagok pandap panda di Muyim tỉnh saong peih pakak bruk parang iek  ngan haong kadha “ Thaot binguk saong pandap di Akaok negar dahlau diah  Nguyễn Minh Triết vaktu 2006 - 2011”. Dom pandap, thaot binguk nan lac dom bruk hu makna praong, pambuak saong jalan ngak bruk  di Akaok negar dahlau diah, hu makna biak praong ka bruk đối ngoại di taneh ia, rik tame brei mboh labik dang di Viet Nam dalam bhum saong dunya. Siam abih lac dom thaot bingul di Akaok negar dahlau diah  Nguyễn Minh Triết dang akok saong hu mbaok di dom Nyaom biai APEC.

155 sinh vien bahrau, sang kan kandah daok di 7 tỉnh ban Đông Nam bộ saong dom sinh vien bahrau di dom gah kreh negar, Tây Nguyên, bhum taneran kraong Cuu Long daok bac megru di TP.HCM bahrau hu Thành đoàn TPHCM haong báo Tuổi trẻ alin hadiah pok jien bac Daong prein nao bac. Yaok pok jien bac yaom 15 triệu đồng, tui nan, abih tih pok jien bac hu alin hadiah brei mbang ini lac labaih 2,3 tỷ đồng. Tapa 20 thun peih tabiak ngak, jien bac Daong prein nao bac hu daong brei ka labaih 23.200 sinh vien bahrau, sang kan kandah daok di dalam taneh ia nao bac ĐH, CĐ haong yaom jien abih tih lac labaih 162 tỉ đồng, meng jien daong di dom DN, urang ngak pahla...

Meng phun jien daong di Mentri Ilamu saong cong nghe, tỉnh Ninh Thuận peih bruk pala sa janih phun nha đam di xã Bắc Sơn, huyện Thuận Bắc. Danak dak hu phun jien 6,5 tỷ đồng, tukvak peih ngak meng bilan 5 thun 2021 mbiah tal bilan 4 thun 2024. Mbiah tal ini, tỉnh peih ngak tui quy trình pandar cong nghe pabam pajaih nha đam hajih ruak saong pala iek 20 ha di bhum Tà Lốc, palei Xóm Bằng, xã Bắc Sơn ngan haong 35 baoh sang hu mbaok tame. Meng nan, phun nha đam patagok siam di bhum taneh thu lagu.

Gah đặc nhiệm Pakistan daong paklah hu ka taong abih dom  menuac njauk cap mek saong pametai hu taong abih 33 kol cap mek menuac di 1 đồn cảnh sát daok di gah Tây Bắc taneh ia ini, jaik tapen negar Afghanistan. Dahlau di nan, harei 18/12, labaih 30 urang di gah Taliban daok di Pakistan, njauk cap kreik rilo thun tapa dalam 1 đồn cảnh sát daok di ban sit Bannu, kateik greik dom urang an ninh, meblah mek phao saong cap mek ngak con tin. Kuhria meng di tuk Taliban tagok pan karja di Afghanistan di thun bloh, rajaei Pakistan oh padeih hu panuac pandik hatai ka dom mbang taong tame di gah brok tagok ini, abih di nyu lac di labik bhum ceik rah tui jalan tapen negar haong Afghanistan.

Sang mac thủy điện Bạch Hạc Than hu prein khang 16 trieu kilowatt, lac sang mac praong ka dua di dunya, ngak bruk abih prein khang dalam harei 20 bilan 12 di gah angaok kraong Dương Tử di bhum gah Pei – Nam Trung Quốc. Bruk sang mac Bạch Hạc Than ngak bruk abih prein khang nan lac makna jalan năng lượng hacih ralo abih di dunya, hu salah siam jang.  Jalan năng lượng nan atah 1.800km, hu 6 sang mac  thủy điện praong di kraong Dương Tử ngak bruk piah ba điện năng meng bhum Tây kaya drap ar tal dom labik pandar năng lượng di bhum Đông Trung Quốc.

Lambaok Gah y tế dunya (WHO) di Ukraine, brei thau: “WHO kuhria mboh lac hu tal 10 triệu urang Ukraine mbuan njauk ruak srau kadau jalan sahneng, meng duh hatai, stress tal dom bruk trak damak jang”.  Tal urak ini, tui pasang iek di WHO mboh lac hu takik di abih 700 mbang taong tame dom labik iek glang prein yava di Ukraine saong bruk Nga patagok parialo dom mbang taong tame dom cơ sở hạ tầng praong kuhria meng bilan 10 daok ngak brei catang jang dom cuang kandah./.