Mesup ini, di sang QH, UBTVQH peih mbang nyaom ka 8. Rah tabiak meng harei ini tal harei 17/02, di mbang nyaom ini, UBTVQH brei panuac tame rilo asal kadha praong, dalam nan hu bruk pabak danak dak Hukum iek ruak, taong ruak (pasiam veik) tame Danak dak padang ngak hukum, sarak thun 2022;  danak dak Hukum Cảnh sát cơ động saong danak dak Hukum pasiam, pabak dom paka di Hukum Sở hữu trí tuệ.

Cục khik ramik urang ngak negar langiu (di Mintri Lao động Thương binh saong Xã hội) brei thau: hadei di tuk brei padieh kayua jit Covid-19 tamuh tabiak, meng harei ini (15/02), Đài Loan (Trung Quốc) peih pambang, taduan taong abih urang ngak bruk daok di negar langiu, yau ye: Việt Nam, Indonesia, Thái Lan saong Philippin tapa ngak bruk. Ini lac jalan peih tabiak ka urang ngak caong tapa Đài Loan (Trung Quốc) ngak bruk, haong yaom jien bilan lac labaih 20 triệu đồng sa bilan. Langiu di jien bilan, urang ngak Việt Nam meda hu dom paok jien karei meng bruk ngak langiu mon ngak bruk.

“Daok biak aval piah maong iek SARS-CoV-2 lac ruak tui bilan yau cúm mùa”. Nan lac panuac di Sở Y tế TP.HCM ba tabiak dalam mbang họp báo di mBan Tacei jalan pacang caga jit COVID-19 saong pasiam veik kinh tế TP.HCM rah tabiak tuk biar harei 14/2.  Pambuak tal ruak di uranaih, amuk Nguyễn Thị Huỳnh Mai, Chánh văn phòng Sở Y tế TP.HCM jeng ndom lac daok biak aval piah lac jit COVID-19 oh ngak kan kandah tal uraniah. Tapa tui iek dom uraniah njauk COVID-19 di TP.HCM jeng oh mboh ruak trak, min amuk Mai ndom lac, njauk caik hatai sangka tal uraniah lavang lavaih, uraniah lamek labaih kilo, hu ruak dalam rup…kayua prein pacang ruak di uraniah oh khang.

300 bhap bini mai tui iek, tui pang danak dak ilamo “melam ariya Việt Nam” ngan haong asal kadha “Xuân” di melam 14/2 di mblang bein Văn Lang (Quận 5, TPHCM) . Ini lac bruk ngak dalam danak dak harei Tết Nguyên tiêu kayua Sở Ilamo - Thể thao TP.HCM pambuak haong UBND quận 5 peih tabiak. Meng panuac daoh, sap takơ, sap puac ariya glaong, biar, saong dom cảnh minh họa, dom nghệ sĩ hu ba mai ka manuac sia thau cambaih bilan xuân di 3 bhum taneh di taneh ia, meng bhum ciek glaong gah barak ngan haong dom mblang bingu mơ, bingu mận tal bilan xuân di bhum taneh gah maraong ngan haong kraong ribaong biak ghieh, mekre, bein phun mbang baoh saong tamat viek lac bilan xuân di sa ban raya HCM daok mbiek drei tame, yam tagok.

  Pambuak tal bruk eng drei jah tak glai đặc dụng tapa Bein negar Bi Đoup - Núi Bà piah ngak jalan Trường Sơn Đông, harei 14/2, Sở NN&PTNT tỉnh Lâm Đồng hu harak pathau khan samar drah tal UBND tỉnh, caong khin Bộ Tổng Tham mưu, Bộ Quốc phòng tacei pato brei padeih chip bruk padang ngak. Jalan hu peih ngak bloh atah abih tih labaih 3.3km, praong 04m. Dalam nan, taneh hu salih bruk pandar meng taneh glai đặc dụng tapa taneh ngak jalan lac labaih 2,3 km. Hu labaih 1km jalan hu ngak angaok taneh glai đặc dụng oh ka hu adat salih bruk pandar taneh.  Langiu di nan, daok 02 labik hu kuac li-ua piah ngak takai tatua, ngak jalan ngan haong taneh praong abih tih jaik 8.300 m2, gah padang ngak jeng brei jah tak glai lih tapa.

Dalam dom harei tapa, dom urang njom ruak daok trun di dunya, dom bhum ruak “pandiak abih” daok di châu Âu-châu Mỹ tuk jit ruak tamuh tabiak, dom urang njom bahrau jeng daok glaong di rilo taneh ia di bhum taneh ini. Min dak harei dak hu rilo taneh ia brei pacadu dom bruk pacang caga jit ruak. Dom taneh ia di châu Âu saong châu Á daok brei mboh dom bruk siam makre bahrau. Tui nan, rajaei liên bang saong dom bang di Đức daok ba tabiak dom jalan ngak piah klaak dom bruk pacang caga jit COVID-19 meng harei 20/3, dalam tuk jit ruak Omicron tui kuhria meda trun dalam dom adit anak tal.

Yaom menyek harei kabroi (14/02) tagok tal tanut glaong di abih kuhria dalam labaih 7 thun tuk Tổng thống Ucraina Vô-lô-đi-mia  Zê-len-xki (Volodymir Zelenski) tabiak panuac lac harei 16/02 lac “harei jum pataom negar” anak bruk mbuan rah tabiak bruk mesruh gauk haong Nga.  Bruk catang tagok dak harei dak khang di Nga saong Ucraina, jeng yau di Nga haong phương Tây daok ngak brei yaom menyek tagok jaik 100 đôla sa thùng,yaom oh ka bhian mboh kuhria meng thun 2014. Tui dom chuyên gia, darak pasar daok mbuan srau kadau anak dom bruk rah tabiak di Nga- Ucraina.

Di mangaok rayo papar binguk France 5 harei kabroi, akaok mintri Ngoại giao Pháp Jean-Yves Le Drian brei thau ka bruk di Ukraina daok yam tabiak truh tanut pasang iek hu saong dak harei dak catang tagok. Ong Jean-Yves Le Drian klaak tabiak bruk France ba tangin tame gah quân sự di Ukraina min brei thau lac France saong dom taneh ia đồng minh phương Tây hu njauk gauk meda ba tabiak rilo jang dom bruk taong phat biak trak damak gah kinh tế saong jien padai mayah Nga taong tame Ukraina./.    

Urang lang: Thu Thảo & M.P – 15/2/2022