Biar harei kabroi, brei panuac tamat Mbang nyaom ka hukum bilan 8, Akok  Quốc hội Vương Đình Huệ hu panuac ieu Jabat Quoc hoi saong dom gah pambuak tal caga tani tanat ka Nyaom biai QH chuyên trách saong Mbang nyaom ka hukum peih ngak di bilan 9 anak tal, yam tal mbang nyaom ka 4, QH mbang 15, dalam nan hu dom danak dak Hukum kan yau: Hukum Pacang dân sự, Hukum taneh riya ( pasiam pabak) saong Hukum Iek ruak, taong ruak (pasiam pabak veik). Dahlau di nan, ngan haong taong abih urang QH hu mbaok njauk hatai, UBTVQH brei tapa Hukum  taong phạt hành chính ngan haong bruk ngak cagar bruk tố tụng.

“Nyaom biai online  ka bruk patagok drak pasa  song dom jabat lambaok pablei salih  Việt Nam di negar langiu” hu mintri  Công Thương peih tabiak di mon 5 meteh beir harei ni (19/8/2022), ngan song labik ngak tapak  di Trụ sở mintri Công Thương (Hà Nội) song dom labik di  62 jabat  Thương vụ Việt Nam di negar langiu. Dalam tuk kan kandah di  kinh tế song pablei salih dunya, bruk pablei tabiak negar langiu  dalam  7 bilan thun  2022, tong abih pok jien pablei tabiak negar langiu  patagok glong, mek hu labaih  433,6 tỷ USD. Dalam nan , pok jien pablei tabiak negar langiu pandap panda mek hu labaih  217 tỷ USD, tagok 16,6% dut song tuk vak ni thun dahlau.

Harei 19/8, khaw tin meng UB pasang iek Tỉnh ủy Bình Phước brei thau, hu ginum biai mbang ka 23 saong tabiak bruk cảnh cáo ngan haong ong Quách Ái Đức, Yam ndoc Sở Y tế saong Trương Hữu Nhàn, Yam ndoc Bệnh viện Đa khoa tỉnh. Bruk ini hu pambuak tal bruk kurang pasang iek, khik ramik; oh caik hatai iek praong bruk pasang iek, tui iek piah tổ chức đảng saong urang đảng  kayua drei khik iek ngak suan  biak trak ka bruk blei pandap y tế  piah duh ka bruk pacang caga jit ruak Covid-19.

Mesup 19-8, khaw tin meng  Bộ Chỉ huy Bộ đội Biên phòng tỉnh An Giang brei thau, Đồn Biên phòng di jalan tapen negar  Long Bình (ban sit  Long Bình, huyện An Phú) dok ngak brei cambaih laih, duah thau ka nyaom 40 urang caluai tapa krong Bình Di di labik tapen jalan negar , piah mai Việt Nam. Tapa duah thau, dom urang nan ndom lac, tabiak negar langiu suan hukum, di labik tapen negar dom  tỉnh gah merong. Hadei di tuk tapa Campuchia, dom urang nan ngak bruk di labik main mbia.

Piah duh siam jang ka tuai pilih ruah nao radaih buyt hadei di tuk trun kapan haok, meng harei ini, labik cang radaih buyt jalan B dalam mblang kapal haok Tân Sơn Nhất  meng labik klak (B17-B20) hu ba mai labik birau (B06-B09). Langiu di nan, jalan peih radiah buyt 152 di mblang kapan haok (labik daok di bhap bini Trung Sơn - Bến Thành – mblang kapal haok Tân Sơn Nhất) jeng hu ramik veik. Tui nan, sruh radaih akaok meti peih mong 5h15, sruh peih puac abih lac mong 10 melam. Tukvak atah di gauk yaok sruh radaih meng 12 – 30 minit. 

Dalam 06 bilan akaok thun  2022, di Campuchia rah tabiak labaih 1.600 mbang radaih paoh gauk. Dalam nan, 57% mbang radaih paoh gauk di tuk melam, makna ba tal dom bala nan lac: peih samar, mebuk alak … Tui kuhria, yaok thun Campuchia lahik meng  2,5%-3% GDP kayua radaih paoh gauk.

Sa gilang siu phao caik di palei Timonovo, bang Belgorod di Nga patuh khang di harei 18/8. Camereip oh ka mboh thei metai. Palei Timonovo atah bhum tapen negar Ukraine labaih 50km. Birau ini hu khaw tin meng dom labik quân sự di Nga khut, patuh medil lac kayua gah Ukraine taong tame min dom khaw tin nan oh ka hu dua gah taduan.

Japon hu  255.000 urang njom COVID-19 dalam 24 tuk di harei kabroi  18-8; ni lac tanut glong di abih dalam harei di taneh ia ni dalam tuk negar  Đông Bắc Á dok dang anak jit ruak mbang ka 7 song bruk njom mbak di  biến thể phụ BA.5 di Omicron./.

Urang lang: Pha & A.Nghiem – 19/8/2022